Wp/bew/Ngètngot
Ngètngot[1] (hurup Arab Gundul: ڠتڠوت; Indonésia: akordeon) entu atu alat gending nyang ada punya konci nyang mèmper ama piano, cuman rada kecilan dah tuh, jadinya kena dibopong. Nguarin suaranya paké udara nyang didorong atawa ditarik lèwat dia punya penggeter[2] paké ububnya[3][4]. Ngètngot juga' bisa ada punya tombol-tombol gantinya konci. Ni alat gending makénya sistim 6-ples-6 dengen 3 baris nyang penjariannya sama di semua 12 skalanya.
Ngètngot pertama kali dipatèn tahon 1829 di Ostenrèk ama Cyrill Demain.[5]
Ruju'an
- ↑ Chaer, Abdul. (2009). Kamus Dialek Jakarta. K. Rép. Jakarta: Penerbit Masup Jakarta.
- ↑ Penggeter (hurup Arab Gundul: ڤڠݢتر) – penggetar (Indo.); reed (Ing.).
- ↑ Hubub (hurup Arab Gundul: هبوب) – ubub (Indo.); bellow (Ing.).
- ↑ Tiupan (hurup Arab Gundul: تيوفن) – ubub (Indo.); bellow (Ing.).
- ↑ "OnMusic Dictionary - Term". dictionary.onmusic.org.