Wp/bew/Minggu (ari)

Minggu (hurup Arab Gundul: مڠݢ) atawa Deminggu (hurup Arab Gundul: دمڠݢ) atawa Ahad (hurup Arab Gundul: احد) entu atu nama ari dalem seminggu, nya'entu nyang dicempèt ari Sabtu ama Senèn. Kata "Minggu" dasarannya deri basa Portugis Domingo nyang dicomot deri basa Latèn Dominicus nyang artinya "hari Tuan". Adapun kata "Ahad" dasarannya deri basa Arab, الْأَحَد (al-aḥad), nyang ngoyod deri kata أَحَد (aḥad) nyang artinya "atu".

ISO 8601 punya kata, ari Minggu dirèken jadi ari ketuju dalem seminggu atawa pengujungan minggu. Sementara kalu berapa negara punya kata, wabilhusus di Indonésia, èn dalem terdisi Ibrahimiah, ari Minggu dikata ari pertama dalem seminggu atawa pengawalan minggu.