Wp/bew/Mariam, enya' Isa

Mariam entu wadon Yahudi deri Nasirah jaman abad pertama, bininya Yusup èn enya'nya Isa. Dia – atu tokoh penting di ajaran Serani, èn dihormatin dengen macem-macem gelar kaya' perawan atawa ratu, banyak deri tu gelar pada nyang disebut-sebut di Pedo'aan Loréto. Gerèja Ortodok Wètan, Gerèja Wètan, Katolik, Angglikan, èn Luteran pada percaya kalo Mariam sebagé "Ibu Tuhan", sementara Protèstan punya pendelengan bisa macem-macem dengen patokan nyang seila-ilanya di bawahnya entu. Di dalem agama Selam, Mariam juga' ada satu wadon paling dihormatin di dalem ni agama, nyang jadi ibu bagi atu nabi èn rasul. Di dalem Kur'an disebutin kalo dia dihormatin sebab dia bisa ngejaga dia punya perawan deripada bikin dosa jinah serènta taat sama Allah. Sebagé lagi, Mariam juga' atu-atunya wadon nyang dia punya nama jadi nama surat di dalem Kur'an.