Wp/bew/Mantèk
Mantèk (hurup Arab Gundul: منطق) ièlah pengajian penalaran. Aturan-aturan mantèk kepaké bakal itu pilsup pada bikin atu pengrorodan mantèk nyang sahih pasal dunia. Mantèk ngebantu orang nyabitin apa itu bener, apa kaga'.
Mantèk seringannya mah ditulis dalem kias, nyang atu macem deri bukti mantèk. Kias dikeja deri omplokan pernyataan nyang dipaké bakal ngebuktiin pernyataan tandesan secara masup akal, nyang digero kesimpulan. Atu tuladan nyang bekèn deri kias mantèk pernah ditulis ama atu pilsup Yunani Klasik nama Aristo:
- Semua manusia pada bakal mati.
- Sokrat entu manusia.
- Mangka, Sokrat bakal mati.
Kesimpulan ièlah pernyataan tandesan. Ni kias nyangcangin dua pernyataan pertama bakal ngeja atu pengrorodan mantèk: Sokrat bakal mati.
Ni kias dikeja deri tiga pernyataan atawa ongsongan (proposition) mantèk. Ni pernyataan bentuknya mah pernyataan pèndèk nyang ngejabarin trap-trap kecil bakal hujah mantèk. Pernyataan-pernyataan nyang kecil tadé ngeja nyang namanya hujah, percis kaé atum ngeja molèkul. Kalo tu mantèk bener, pernyataannya berarti pada "ngintilin" deri seberayanya.
Pernyataan gableg nilé bener, artinya itu pernyataan poko'nya bisa dibuktiin bener apa salahnya, cuman kaga' bisa plin-plan dua-duanya. Pernyataan kaga' masup akal atawa jinganan dalem mantèk digero boncos mantèk.