Wp/bew/Lèak
Lèak (hurup Arab gundul: لياق) ya'entu orang nyang nganut ajaran jahat nyang bentukannya kaya' sétan palasik. Lèak digambarin kaya orang palanya paké topèng barongan nyang jeroan badannya gondal-gandul, kurang lebih kaya hantu palasik. Bédanya ama hantu palasik entu lèak mèlèt kaya' anjing èn calingnya panjang èn tajem. Lèak bisa teberang èn nyari mangsa. Mangsanya entu ema'-ema' nyang masih pada bunting nyang darahnya bakalan dipinum bakal dia punya kuasa. Nyang jadi lèak kaga' misti lanang, wadon juga bisa.
Mengikut kepercayaan orang Bali, ngelèak entu orang biasa nyang lakonin perdukunan jahat nyang butuh darah orog biar bisa tetep idup. Lèak juga bisa robah diri jadi cèlèng atawa banaspati. Lèak cuman ditemuin di Bali aja, gènèng kaga' ketemu di Indonésia belalaèn.
Cara ngebunuh lèak ya'entu dengen luru badannya di suatu tempat. Abis ketemu badannya, entu badan dituncep biar palanya kaga bisa balik nyatu ama badannya. Pala lèak nyang kaga nyatu ama badannya dalem berapa waktu bakalan ngeja lèak mati.