Wp/bew/Konghucu (pilsup)
Konghucu (hurup Arap gundul: کوڠهوچو; Aksara Han: 孔夫子; basa Koanwé/Mandarin: Kǒng Fūzǐ; basa Hokkièn: Khóng Hu-chú; lahir 551 BC, wapat 479 BC)) atawa "Guru Kong" atawa mashur juga' dengen sebutan Kongcu (hurup Arap gundul: کوڠچو; Aksara Han: 孔子; basa Koanwé/Mandarin: Kǒngzǐ; basa Hokkièn: Khóng-chú) ada satu pendidik ama pilsup besar Tionghoa. Pas kecil, dia orang giroh bangat dah bakal belajar apa-apa gè', èn juga' ketarik banget ama ritual-ritual. Bagèn tumbu di kuarga nyang pakir, dia kaga' berenti mupuk dia punya kepenasaranan. Dia èmang bener-bener murid nyang ngabdi, wabilkusus pas masing bocah baru gedé. Kága' tau dah pagémana dia bisa dapet pendidikan pormil, cuman èmang dia monès di banyak bidang seni. Pas udah gedé, dia begawé jadi amtenar nyang ngurusin masalah pangonan[1] ama binatang angonan. Terus, dia jadi guru dah.
Konghucu idup pas jamannya negara pada perang di Tiongkok. Ni aman dikenal sebagé jaman Musim Kembang[2] èn Règès[3] di Wangsa Ciu[4]. Nah, Konghucu kaga' demen dah kewontenan kaya' begini, jadinya dia pèngèn ngebalikin keakuran di masarakat.
Ruju'an
- ↑ Pangonan (hurup Arap gundul: ڤاڠونن) – peternakan (Indo.); farm (Ing.)
- ↑ Musim kembang (hurup Arap gundul: موسم کمبڠ) – musim semi (Indo.); spring (Ing.)
- ↑ Musim règès (hurup Arap gundul: موسم رݢس) – musim gugur (Indo.); autumn (Ing.)
- ↑ Wangsa Ciu (hurup Arap gundul: وڠس چيو) – Dinasti Zhou (Indo.); Zhou Dynasty (Ing.)