Wp/bew/Kerak keling
Kerak keling[1][2] (hurup Arab Gundul: کرق کليڠ; Inggris: brass knuckles, knuckles, knucks, brass knucks, knucklebusters, knuckledusters, an English punch atawa classic) atawa kerkeling[3] (hurup Arab Gundul: کرکليڠ) entu atu senjata tangan nyang dikeja deri logem èn dipasangin ngelinter empat buku jari depan tangan. Ni senjata dipaké bakal nojos atawa nggibeng orang dari deket. Logem nyang dipaké galibnya keras ama rada berat biar mangkin bejad lawannya. Pegangannya dipasang di dalem kepelan tangan biar itu buku jari kaga' ikutan bejad lantaran adanya gaya tèktokan deri itu pukulan (Hukum Newton Ketiga).
Laèn negara, laèn juga' hukum pasal èhendom, jual-beli, ama pemakéan kerak keling. Ada nyang kaga' ngeboléin acan bakal orang biasa, ada juga' nyang ngeboléin.
Ruju'an
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
- ↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.
- ↑ von de Wall, H. (1880). Maleisch-Nederlandsch Woordenboek: Op het last van het Gouvernement van Nederlandsch-Indië. J. 2. Lansdrukkerij. h. 508.