Wp/bew/Kelir (implengan)
Kelir[1] (hurup Arab Gundul: کلير) atawa layar (hurup Arab Gundul: لاير) entu gelaran nyang di sono diimplengin dah itu mesin impleng bakal nyetèl pèlem. Kadang, kelir bisa' paké tèmbok, kadang kaèn, kadang malahan kertas karton. Téater biasanya pada gableg dah nyang namanya kelir. Ada juga' kelir bopongan nyang bisa digèrot ke mana-mana kalo belon ada kelir bawaannya di itu gedong. Kelir biasanya kalo' ngga' puti ya abu-abu biar tu pèlem danta kepampang di kelirnya. Wayah gini punya kelir mah dikejanya deri kertas PVC nyang digabreg-gabregin biar kiatannya jadi atu.
Ruju'an
- ↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.