Wp/bew/Kécap

Kécap item

Kécap (hurup Arab Gundul: کيچف) entu bumbu dapur atawa pengèco daharan nyang bentuknya caèran item manis atawa asin. Kécap punya bahan dasar galibnya entu kedelé atawa kedelé item. Cuman, ada juga' kécap nyang dibikin deri aèr kelapa nyang biasanya asin.

Kécap manis biasanya ganting nyangket ama dibikin deri kedelé. Nah kalu kécap asin lebi èncèran èn dibikin deri kedelé ama garem nyang rada banyakan, atawa hata juga' bisa paké ikan laot. Selaèn bahan dasarnya kedelé atawa kedelé item, atawa malahan aèr kelapa, kécap juga' kena dibikin deri gelendo kelangnya tahu.