Wp/bew/Kèkèr untep

Asas kèkèr untep.
A - Kèkèr untep maké dua kaca bidang.
B - Kèkèr untep maké dua prisma huk kanan.
1 - 2 - Kaca alat.
3 - 4 - Prisma huk kanan.
5 - 6 - Mata tukang ngiatnya.
7 - 8 - Gelondong kèkèr untep.
H - Tinggi pengiatan kèkèr untep.

Kèkèr untep (hurup Arab Gundul: کيکير اونتف), atawa kalo nyang dipaké di kapal selulup namanya kèkèr selulup (hurup Arab Gundul: کيکير سلولوف) atawa kèkèr nengjak (hurup Arab Gundul: کيکير نڠجق), ièlah alat pengiatan bakal ngimplengin atu barang deri tempat nyang nyesep. Kèkèr untep ringkes kena dibikin paké gelondong nyang dikasi kaca jèjèran nyang adep-mengadep dengen huk 45° di saben sisinya. Kèkèr untep sokanan dipaké bakal ngiat kapan kealing-alingan ama orang mengkrubutan. Kèkèr untep nyang lebi ribet maké prisma atawa jarot cahaya nyang pernik ketimbang seinggan kaca serènta nanjain penggedéan nyang begawé di macem-macem pak èlmu penauan. Kèkèr untep kegablegan nyang ribet sokanan ada di gandaran perang lapis waja ama kapal selulup.