Wp/bew/Kèkèr kuman

Kèkèr kuman

Kèkèr kuman (hurup Arab Gundul: كيكر كومن; Inggris: microscope) entu peranti ilmiah kanggo ngiat benda nyang kecit pisan jadi kiatan tedas gedénya. Orang nyang maké ni kèkèr kuman di dia punya pegawéan biasanya antara laèn doktor ama ahli èlmu. Siswa atawa mahasiswa di kelas kaya' èlmu hayat juga' maké kèkèr kuman bakal merdatain benda-benda raraban. Kèkèr kuman jaman jebot mah cuman gableg lènsa atu biji nyang namanya kèkèr kuman ringkes (simple microscope). Adapun, kèkèr kuman pernik (compound microscope) paling kaga' gableg lènsa dua biji. Di kèkèr pernik, lènsa nyang deketan ama mata namanya lènsa mata (lensa okuler), sementara nyang di laèn ujungnya—nyang deket benda—namanya lènsa benda (lensa obyektif). Lènsa nggedéin, 10x bakal lènsa mata èn 40x bakal lènsa benda, jadinya pèdèngannya ampé 400x penggedéan.

Kèkèr kuman ngeja benda kiatan tedas gedéan deri nyang asli, barang 1.000x lebi gedé. Ni lebi stèrek deripada kaca penggedé nyang gawéannya sama ama kèkèr kuman punya ringkes.