Wp/bew/Jeriji
Jeriji[1][2] (hurup Arab Gundul: جريجى; basa Inggris: digit) atawa jari[1] (hurup Arab Gundul: جرى) entu ujungnya anggota gerak, kaé tangan atawa kaki, nyang ada di orang ama héwan tulang geger.
Jeriji orang
Orang galibnya pating jeriji 5 biji di saban anggota geraknya (mao tangan kè', kaki kè'), jadinya kabèhan jeriji nyang ada di orang umumnya ada 20 biji. Saban jari kebentuk deri ruas-ruas tulang jeriji nyang dibungkus ama lapisan kulit èn sepir. Saban ujung jeriji tangan ama kaki orang biasanya ada kukunya. Ni ièlah nama-nama deri sarang jeriji. Bakal jeriji kaki, dia punya nama sami mawon ama nyang tangan, cuman dikasi tambahan "kaki".
| Jeriji tangan | Jempol | Telunjuk | Jejangkung | Jeriji manis | Kelingking |
|---|---|---|---|---|---|
| Jeriji kaki | Jempol kaki | Telunjuk kaki | Jejangkung kaki | Jeriji manis kaki | Kelingking kaki |
Kelaènan
Ada kejadian jeriji tangan atawa kaki bisa ada kelebihan jari barang atu-dua biji, hata lebi. Ni kelaènan nama jeriji lebi. Sebagé lagi, ada juga kelaènan nyang kurang jerijinya barang atu-dua jerinya dedèmpètan, nama jeriji dèmpèt.
Ruju'an