Wp/bew/Jembut
Di orang gedé, jembut[1] (hurup Arab Gundul: جمبوت) atawa baok[1] (hurup Arab Gundul: باؤوق) entu rambut nyang nutupin daèrah sekitaran alat perjima'an. Biasanya, kelirnya rada kereng lagi kasar deripada rambut nyang ada di awak orang. Ni disebabin ama trap naèknya hormon androgèn pas balèg. Jembut entu ciri kelamin sekundèr.
Jembut ada nongtot pas balègnya bocah dara ama bocah entong. Di negara nyang ngembang, nongtotnya jembut sekitaran umur sepulu tahonan bakal bocah dara èn umur sebelas tahon atawa dua belas bakal bocah entong. Awal-awalnya mah cuman rambut sekelemit di pelesit (vulva) di bocah dara atawa titit di bocah entong, tu daèrah lekas pada tumbuh jadi bentuk segitiga, ngeja ènclèkan rambut nyang singkur. Kalu di bocah entong, bentuknya rada trapèsium, artinya ada empat sisi.