Wp/bew/Jala Jembar Jagat
Jala Jembar Jagat[1][2] (hurup Arab Gundul: جالا جمبر جاݢة) atawa basa Inggrisnya lebi umum ditauin World Wide Web (disingket WWW atawa The Web) atawa seringnya diucap wé-wé-wé entu atu bagèan internèt nyang ada pelampang jala ama halaman jalanya. Jala Jembar Jagat awalnya ditemuin ama Tim Berners-Lee di CERN, Jénéwa, Switserlan. Tuan Tim Berners-Lee ngeja atu basa opmak (markup), nama HTML. Pelampang jala ketelepek deri halaman nyang disènggèt paké sènggètan hipertèks nyang ditulis dalem HTML.
Peranti alus bakal ngiat Jala Jembar Jagat namanya pengubek jala. Buat maké ni, orang kudu gableg sambungan ke internèt.
Wayah gini, matskepé pada nanjain hosting biar itu pelampang kena dipampangin di Jala Jembar Jagat, serènta pelampang rungkun cènglian[3] (www.barang.com).
Ruju'an
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Jembar (hurup Arab Gundul: جمبر) artinya 'luas, lega'.
- ↑ Atu kata keanyaran bakal nerjemahin World Wide Web ke basa Betawi nyang dalem basa laènnya juga' bisa (atawa biasa) diterjemahin.
- ↑ Cènglian (hurup Arap gundul: چڠلين) – custom (Ing.).