Wp/bew/Jabal Tarik
| Jabal Tarik Gibraltar (Inggris) | |||
| |||
| |||
| Ibu negeri | Westside, Jabal Tarik | ||
| Nama pengendek | Jabal Tarik | ||
Jabal Tarik (hurup Arab Gundul: جبل طارق; basa Inggris: Gibraltar) entu Britani Gedé punya wilayah tanggungan. Artinya, ni negara raja atawa ratunya sama ama Inggris punya raja atawa ratu. Sebagé lagi, ni negara juga' dijaga ama Soldadu Britani. Ni negara letaknya di Èropa Kidul-kulon èn di Laot Tenga. Ada sekitar 32.000 orangan nyang tinggal di mari. Dia punya hopstad[1] juga Jabal Tarik namanya.
Jabal Tarik èmang jadi tempat pangkalan soldadu nyang penting, bahna di ni tempat, Laot Tenga nyempit ampé cuman sekitaran 14 kilomèter (9 mil) doang, pasnya di Selat Jabal Tarik. Artinya, sapa baé nyang ngontrolir Jabal Tarik kena mantengin kapal-kapal mana baé nyang masup ke Laot Tenga.
Jabal Tarik bekèn ama Batu Jabal Tarik (hurup Arab Gundul: باتو جبل طارق; basa Inggris: The Rock of Gibraltar), atu batu kapur nyang tingginya 426 mèter. Ni batu kena diliat deri jau.
Ruju'an
- ↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).