Jump to content

Wp/bew/Isik-melik

From Wikimedia Incubator
< Wp‎ | bew
Wp > bew > Isik-melik
Isik-melik di atu tadangan

Isik-melik[1] (hurup Arab Gundul: ايسيق مليق; Indonésia: mikroorganisme atawa jasad renik) ièlah mahluk idup (organisme) nyang ukurannya kecit banget ampé-ampé bakal ngimpleng tu isik-melik kudu paké alat bantuan.[2] Isik-melik digero juga' mahluk idup kèkèr kecit (mikroskopik). Isik-melik sokanan ngelah sèl tunggal (uniseluler) atawa juga' sèl badeg (multiseluler). Walakin, berapa gegaèkan (protista) masing kiatan paké mata langsung èn ada berapa macem nyang sèl badeg nyang kaga' ketempo' mata langsung. Tetepaan (virus) juga' kebilang ke dalem isik-melik sangkilang bukan sèl-sèlan (seluler) sipatnya.

Ruju'an

  1. Meilany, Rahayu, W., èn Fèbriana, L. (2014). Kamus Istilah Betawi Bergambar. Dèpok: CV Binamuda Ciptakreasi. h. 160.
  2. Madigan, MT. Brock Biology of Microorganisms (Kuaran ke-12). San Pransisko: Pearson Benjamin Cummings. h. 2. ISBN 9780321536150.