Wp/bew/Imam Sapè'i
Imam Sapè'i (hurup Arab Gundul: إمام شافعى) atawa aslinya Abū ʿAbdillāh Muḥammad ibn Idrīs al-Syāfiʿī (Arab: أَبُو عَبْدِ ٱللهِ مُحَمَّدُ بْنُ إِدْرِيسَ ٱلشَّافِعِيُّ) ièlah atu ahli èlmu ilahiah, penulis, ulama Muslim, nayng jadi atu deri penyumbang dalem èlmu usul pikih (uṣūl al-fiqh). Imam Sapè'i sering digero sebagé Syaikh al-Islām 'Séhnya Selam'. Imam Sapè'i juga' atu deri empat imam majehab pikih Selam Ahlisunah, nyang dia punya budèl èlmu dalem pikih diturunin ke dia punya murid-murid ampé-ampé ada nyang namanya Majehab Sapè'i. Dia entu Imam Maliki punya murid nyang paling èncèr otaknya ama tau jadi Gubernur Najar.[1] Dia brojol di Palestèn (Jundi Palestèn), cuman dia pernah ngendon di Mekah ama Medinah di Hijas, ama pernah di Yaman, Mesir, ama Bagdad di Irak.
Ruju'an
- ↑ Fadel, M. (2008). "The True, the Good and the Reasonable: The Theological and Ethical Roots of Public Reason in Islamic Law" (PDF). Canadian Journal of Law and Jurisprudence. Diarsip deri nyang asli (PDF) per 10 Juni 2010.