Wp/bew/Idung

From Wikimedia Incubator
< Wp‎ | bew
Wp > bew > Idung
Idung orang

Deri sisi èlmu tasrih, idung (hurup Arab Gundul: ايدوڠ) entu jelotan di héwan tulang geger nyang ada lobang idungnya, nyang nyaring udara bakal ambekan. Idung, sebagé atu istilah, juga' bisa kanggo bakal ujungannya atu benda, misal idung kapal terbang.

Idung orang[edit | edit source]

Idung entu bagèan nyang paling ngejelot di muka nyang kepaké bakal ngirup udara ambekan, nyaring udara, ngangetin udara ambekan, èn juga' gableg rol dalem résonansi suara. Bagèan luar idung kebentuk deri batang idung (dorsum nasi), lèngkongan idung (ala nasi), ujung idung, jendolan idung, lobang idung, èn keleng idung.

Idung entu alat indra orang nyang ngewaro rangsangan bau atawa jat kima nyang bentuknya gas. Di waton idung ada rambut sarap pembau nyang dipernikin ama sèl-sèl pembau, ada barang 10-20 juta sèl pembau.[1] Sunggal sèl pembau gableg rambut-rambut alis èn ujungnya ada slim nyang gunanya kanggo nglembabin waton idung.

Ruju'an[edit | edit source]

  1. Abdullah, Mikrajudin (2007). IPA Terpadu - jilid 3A. Jakarta: ESIS. hlm. 85. ISBN 9789797344641.