Wp/bew/Gunung Marapi
Gunung Merapi (hurup Arab Gundul: ݢونڠ مرافى) atawa Gunung Marapi (Minangkabau: Gunuang Marapi; hurup Arab Gundul: ݢونڠ مرافى) entu gunung api nyang letaknya di Sumatra Kulon, Indonésia. Dalem basa Betawi, enni gunung punya nama numbras ama Gunung Merapi nyang ada di wates Yogyakarta ama Jawa Tenga. Cumanan dalem basa Minangkabau disebutnya jadi Marapi bukan Merapi. Enni gunung keitung gunung paling idup di Sumatra. Letaknya masup ke gutekan guwernemèn Kabupatèn Agam èn Kabupatèn Tana Datar. Enni gunung tingginya ampé 2.891 mdml èn bisa juga dilongok deri Kota Bukittingi èn Padangpanjang. Gunung Marapi uda meletus ampé lebih deri 50 kali sederi akir abad ke-18.