Wp/bew/Day6
Day6 (urup Hangeul: 데이식스; tuker urup Latin Betawi: Déisikse; kot-kotan diserat jadi DAY6; urup Arab Gundul: ديئى سيکس) entu paguyuban tembang rock deri Koréa Kidul nyang diangon ama JYP Entertainment. Dia pada ngawalin nembang sempragan 7 Sèptèmber 2015 nyang ngelangsir album cilikan The Day nyang munggah neba ke trap nomer 2 dalem daptar World Album Chart atu minggu abis dilangsir. Enni paguyuban tembang ada punya empar orang anggota, nya'entu: Sòngjin, Yòng K, Wònphil, èn Dó'un. Day6 ngawalin gawé ada punya enem anggota, Junhyòk ninggalin paguyuban wayah 27 Pèbuari 2016 èn Jè ninggalin paguyuban wayah 31 Désèmber 2021. Sedaya anggota keitung dalem penyeratan, pengejaan, èn pemikinan tembang paguyuban.
Wayah taon 2017, dia pada langsirin dua tembang saban bulan sepanjang setaon pol bakal proyèkan Every Day6. Wayah buntutan proyèk, 25 tembang jangrah nyang bemacem ditambain dalem dia punya diskografi. Dia pada punya album studio awalan, Sunrise, keitung deri tetembangan nyang udah dilangsirin wayah separo awalan proyèk Every Day6. Entu album ada di trap ke-14 dalem Billboard The 25 Greatest K-Pop Albums of the 2010s: Staff List, terus lagu "I Wait" ada di trap ke-81 dalem Billboard The 100 Greatest K-Pop Songs of the 2010s: Staff List.