Wp/bew/Chelsea F.C.

Stadion Stamford Bridge, Chelsea FC punya kandang

Chelsea F.C. atawa seringnya mah Chelsea (hurup Arap Gundul: چلسى) ada atu kleb bola tendang mangkakannya anak Londen nyang maèn di atu liga papan atas Inggris, Liga Primèr (Inggris: Premier League). Chelsea punya kandang ada di Stadion Stamford Bridge nyang ada di Pulham, di belah kidul-kulonnya Londen. Adapun ni kleb punya julukan nama "The Blues" nyang artinya 'Si Blao', lantaran dia punya kelir mangkakan, lambang, ama bajunya – warna blao.

Bolé dikata, Chelsea ada atu kleb nyang paling beasil deri antara laèn-laèn kleb di Inggris, dengen jadi jawara di macem-macem kejuaraan, antara laèn: 6 kali Liga Primèr, 2 kali Liga Kampiun UEFA, 2 kali Liga Èropa UEFA, 5 kali Bèker Liga, 8 kali Bèker FA, 1 kali Bèker Super UEFA, èn 2 kali Bèker Jawara UEFA.