Wp/bew/Bully
Bully (hurup Arab gundul: بولى) ya'entu gim petualangan nyang dikembangin ama Rockstar Vancouver èn diterebitin ama Rockstar Games tanggal 17 Oktober 2006 di Plèstisen 2. Enni gim betontonan[1] dilangsir ulang tanggal 4 Maret 2008 dengen nama Bully: Scholarship Edition bakal Wii èn Xbox 360 èn dilangsir di kumputer tanggal 24 Oktober 2008. Enni gim juga dilangsir bakal Android èn iOS tanggal 8 Désèmber 2016 dengen nama Bully: Anniversary Edition[2].
Plot lakon
James Jimmy Hopkins atawa nyang biasa dipanggil Jimmy entu boca bader pisan nyang jadi boca yatim-piatu nyang udah au berapa kali diusir deri sekolaannya. Ahirnya dia diblesin ke Bullworth Academy ama bapa'nya èn ema' kualonnya. Atu-atu boca pentolan gèng uda keja tunduk hormat ama Jimmy bareng temen segèngnya, Gary Smith, ya'entu Preppies (boca tajir), Greasers (boca gèng motor), Nerds (boca kutu buku), Jocks (boca atlit), èn Townies (orang-orang kota). Abis ngeja semua gèng tunduk hormat, semuanya bebalik pas Gary ngibulin orang-orang kota bakal nyerang Bullworth Academy èn bilang kalo entu dilakonin ama Jimmy. Orang-orang pada percaya ama Gary èn entu ihwal ngeja Jimmy dimusuhin ama orang-orang pentolan gèng di Bullworth Academy. Dr. Crabblesnitch (Kepala sekolaan Bullworth Academy) juga ngusir si Jimmy deri sekolaan.
Terus, Jimmy ngalahin Edgar (Dedengkot orang-orang kota) èn ngasih jelas kalo Gary uda ngibulin dia pada. Enni hal ngeja Jimmy besalam damé ama orang-orang kota èn minta Edgar buat nyerang Gary. Jimmy juga ahirnya demen ama Zoe (cèwè' Blue Skies) nyang juga diusir dari Bullworth Academy lantaran ngadu kalo Mr. Burton nyakitin.
Jimmy èn Gary ahirnya berantem di menara bèl akademi. Pas lagi berantem, Gary terus-terusan ngaru-aruin Jimmy biar ngerencanain hal jelèk bakal dilakonin ke kepala sekolaan. Dr. Crabblesnitch denger entu Gary punya rencana jelèk èn langsung nguarin Gary deri Bullworth Academy abis dia orang dikalain ama Jimmu. Jimmy èn Zoe balik ke sekolaan, Mr. Burton dionslah[3], èn Pete Kowalski jadi pontalan murid sekolaan. Enni gim abis dengen Jimmy èn Zoe cipokan nyang diliatin ama semua murid di sekolaannya.