Wp/bew/Biji pelèr
Biji pelèr[1] (hurup Arab Gundul: بيجى فلير) atawa biji kepelèr[1] (hurup Arab Gundul: بيجى کفلير) atawa gelot[1] (hurup Arab Gundul: ݢلوت) atawa kanjul[1] (hurup Arab Gundul: کنجول) atawa kelapèr[2] (hurup Arab Gundul: كلافر) entu bagèan nyang ada di mahluk lanang punya awak. Héwan nété' lanang, masup juga' manusia, gableg dua biji pelèr, nyang diampléin di kantong deri kulit di bawahnya lingkun nama kantong biji pelèr. Barengan ama lingkun, biji pelèr juga' digero alat perjimaan. Cuman lanang nyang gableg biji pelèr; kalu wadon gablegnya indung telor.
Biji pelèr entu semacem orhan nyang digero kelanjer. Sepegimana laèn-laèn kelanjer, biji pelèr ngeja jat kimia, nyang digero hormon nyang bikin tu awak gawé. Biji pelèr juga' ngeja aèr mani, nyang kena amprokan ama sèl telor bakal ngebikin atu keidupan baru.
Banyakan kelanjer, kaé wadon punya indung telor, adanya di jeronya awak, cuman kalo biji pelèr ada di luarnya bagèan awak utama. Ni – bahna biji pelèr gawénya lebi mantep kalo rada ademan deripada di jeronya awak.[3] Di cuaca dingin, biji pelèr ngedeket ke awak biar rada angetan.
Ruju'an
- ↑ 1.0 1.1 1.2 1.3 Grijns, C.D. (1991). Jakarta Malay. J. 2. KITLV Press. h. 111.
- ↑ von de Wall, H. (1880). Maleisch-Nederlandsch Woordenboek: Op het last van het Gouvernement van Nederlandsch-Indië. J. 2. Lansdrukkerij. h. 525.
- ↑ Jones, Richard (2013). Human Reproductive Biology. Academic Press. h. 74. ISBN 9780123821850.