Wp/bew/Bengang

Bengang^[1] (hurup Arab Gundul: بڠڠ) atawa pèhong^[1] (hurup Arab Gundul: فيهوڠ) atawa sèceng^[1] (hurup Arab Gundul: سيچڠ) atawa raja singa^[1] (hurup Arab Gundul: راج سيڠا) entu atu impèksi nyang ditularin liwat jima' nyang disebabin lantaran atu kuman, nama Treponema pallidum. Bengang biasanya keamparan liwat orang lagi jima'. Mar, jabang bayi atawa peranakan juga' bisa ketepaan bengang kalo dia punya enya' nyang lagi bunting atawa ngebrojolin entu kena bengang juga'. Ni nyang digero bengang turunan.

Ada empat tahapan bengang: awal-awal (primèr), rada-rada (sekondèr), kedawan-dawan, ama ngerihu (tèrsièr). Saban tahap laèn tanda laèn lamatan.

Pas awal-awal, orang mah biasanya cuman lècèt doang di kulit. Pas mulain rada-rada, orang biasanya pada bruntusan. Mancan ampé tahap kedawan-dawan, biasanya bengangnya sedikit alamatnya, malahan kaga' ada nambah pisan. Nah kalo udah nyampé ngerihu, baru dah tu ngerihu, banyak lamatannya , antara laèn masalah sistim sarap (otak ama sarap-sarap) èn juga' ama jantung. Banyak juga' orang nyang udah ngerihu bengangnya bisa paèh kalo kaga' dapet pengobatan.

Bengang bisa keendus liwat tès darah. Kuman nyang ngeja itu bengan bisa kiatan di kèkèran kuman. Orang nyang kena bengang bisa paké wasilah pengobatan antibiotik.

Ruju'an

↑ ^1.0 ^1.1 ^1.2 ^1.3 Chaer, Abdul. (2009). Kamus Dialek Jakarta. K. Rép. Penerbit Masup Jakarta.

[:0-1] 1.0 ^1.1 ^1.2 ^1.3 Chaer, Abdul. (2009). Kamus Dialek Jakarta. K. Rép. Penerbit Masup Jakarta.

[1]