Wp/bew/Bantèng

Bantèng jawa lagi ngganyem rumput

Bantèng (hurup Arab Gundul: بنتڠ; nama Latèn: Bos javanicus) entu atu macem héwan nyang masing seberaya ama sampi èn kena dipapagin di mana-mana di Asia Kidul-wètan. Bantèng laki ama dedara gableg béda nyang kiatan danta (dua bentuk semacem): laki biasanya kulitnya rada coklat kereng atawa item, awaknya beteteng, sedeng nyang dara rada singgangan ama gableg kulit coklat mudaan. Bantèng gableg totol gedé warna puti di bokongnya. Mao nyang laki kè', mao nyang dedara kè' pada gableg badug, galibnya panjangnya 60 ampé 75 cm. Ahli èlmu biasanya masi-masi ni macem jadi tiga anakmacem: bantèng jawa, bantèng indocina, ama bantèng kalimantan. Bantèng atar biasanya gedéan kalu ketimbang bantèng nyang udah dilulutin ama orang.