Wp/bew/Bétulmegedis

From Wikimedia Incubator
< Wp‎ | bew
Wp > bew > Bétulmegedis
Tampang Bétulmegedis deri jaoh: kiatan ada Mesigit Kubah Batu.

Bétulmegedis (hurup Arab Gundul: بيت المقدس) atawa Kudus (hurup Arab Gundul: قدس; Arab: القُدس al-Quds; Ibrani: יְרוּשָׁלַיִם Yərûšālayim) ièlah atu kota nyang bisa keitung paling kolot di dunia nyang ampé wayah gini orang pating pepes ngejedog di situ. Ni kota penting betul bakal banyak agama-agama gedé. Orang Yahudi nyedèknya ni kota suci bahna tau jadi sintrem pemerèntahan jaman Kitab Mugadas ama— dia kata—Bétullah dulu njejeg di situ. Orang Serani nyedèk suci juga' sebab Nabi Isa dulu banyak ceritranya di sonoh. Adapun Orang Selam imannya ngeyakinin kalu Nabi Muhammad mè'rat ke langit liwat Bétulmegedis ama Mesigit al-Aksa entu jadi orang Selam punya kèblat pertama seabisnya Mekah.

Bétulmegedis seponggahnya dicedèk Seraèl, seponggahnya lagi dicedèk Palestèn, nyang tu negara dua-duanya pada ngeja Bétulmegedis jadi hopstadnya, sepegimana di dia pada punya wèt. Cuman, banyak negara pada kaga' pakat. Mugané, banyak negara gableg komsol di Seraèlnya ada di Tal Abib.

Bétulmegedis jaraknya barang 40 mil (atawa 64 kilomèter) di blètannya Laot Tenga. Ni – kota nyang ajrut-ajrutan banyak bukit ama lèrèng di sekulilingnya.

Ruju'an[edit | edit source]