Wp/bew/Aspal

Mubil penggiles lagi molès aspal jalanan

Aspal (hurup Arab Gundul: اسفل) atawa bitumèn (hurup Arab Gundul: بيتومن) entu atu caèran nyang kentel, lèngkèt, lagi item atawa separolepeg, nyang ampir kabèhannya deri minyak bumi. Ni ada dalem bentuk minyak bumi nyang paling menta èn ada juga' dalem berapa bentuk jat alamiah.

Paèdah paling utamanya – bakal ngeja jalan, nyang dicampur ama "tetambahan" (pasir, kerikil, batu remuk, èns.), biar itu jalan mulus punya. Namanya si macem-macem, bisa aspal (hurup Arab Gundul: اسفل), pèk (hurup Arab Gundul: فک), tèr (hurup Arab Gundul: تر).

Aspal nyang caèr sering digero tèr. Tèr juga' dipaké bakal rèsin taneman. Adapun aspal nyang lepeg digeronya pèk.

Bagèn kata blok aspal atawa pèk kiatannya lepeg, ni masing bisa mili, cuman pelan dah milinya.