Wp/bew/Andora Tua

Andora Tua

Andora Tua (hurup Arab Gundul: اندورة توا; Katalan: Andorra la Vella; Spanyol: Andorra la Vieja; Prasman: Andorre-la-Vieille) ièlah Kepangèranan Andora punya ibu negeri. Ni kota adanya di dataran tinggi di belètannya Pegunungan Pirénéen, kecempèt ama Prasman èn Spanyol. Ni juga' jadi nama paroki nyang ngiterin tu ibu negeri.

Per tahon 2015, tu kota punya penjogrog ada secuplek 22.886 orang, èn di wilayah kotaan, nyang nglingkup juga' Escaldes-Engordany èn kampung-kampung keliterannya, ada 40.000 orang penjogrog lebi.

Gacoan utamanya ni kota entu pelancongan, biar kata ni negara juga' gableg pemasupan luar negeri jadi sorga belasting. Mèbel ama brèndi entu produk setempatnya. Bahnanya ada di ketinggian 1.023 m (3.356 kaki), ni jadi ibu negeri nyang paling tinggi di Èropa èn bekèn jadi pesanggrahan seluncuran.