Wp/bew/Akar kelapa (kué)

From Wikimedia Incubator
< Wp‎ | bew
Wp > bew > Akar kelapa (kué)
Tampang kué akar kelapa nyang diperocotin pèndèk-pèndèk

Kué akar kelapa (hurup Arab Gundul: کوى أکر کلاف) atawa kué perocot (hurup Arab Gundul: کوى فروچوة) entu kué nyang asalnya deri daèrah Betawi èn sekitarannya. Enni kué lajimnya dikeja ama terengginang èn kacang gorèng pas lagi lebaran atawa keriaan. Bekasih entu pengasil akar kelapa paling gedé, cuman gegara pekembangan jaman, enni kué kaga' dikeja raméan lagi.

Penamaan[edit | edit source]

Penamaan "akar kelapa" diambil deri mawjudnya nyang mirip ama akar puun kelapa. Enni kué kalo dirasanin rasanya entu manis-manis kres nyang jadi ciri has deri enni kué. Bakal orang Betawi, enni kué jadi kué nyang kudu ada di toplès-toplès atawa kalèng-kalèng pas lagi lebaran dibarengin ama terengginang èn kacang gorèng.

Bahan èn cara ngeja kué akar kelapa[edit | edit source]

Bahan[edit | edit source]

  1. kuning telor
  2. gula pasir
  3. tepung ketan
  4. pengembang
  5. kernèli
  6. mentéga
  7. santen
  8. minyak
  9. biji kwijèn

Cara ngeja[edit | edit source]

  1. Kocok telor ama gula pasir.
  2. Tepung ketan diayak bareng pengembang ama penili.
  3. Aduk adonan ampé rata.
  4. Pas lagi ngocok adonan, mentéga ama santen dituang dikit-dikit.
  5. Adonan nyang udah jadi dimasupin ke cetakannya.
  6. Panasin minyak ampé separo panas (apinya sedeng-sedeng aja).
  7. Perocotin entu adonan ke dalem penggorèngan minyaknya nyang udah separo panas.
  8. Kalo dirasa kepanjangan merocotinnya, bolèh digunting aja.
  9. Perocotan adonannya digorèng ampé rada coklat èn kering.
  10. Kalo udah keliatan mateng, angkat èn tirisin minyaknya.

Ruju'an[edit | edit source]