Wp/bew/Élisabèt I deri Inggris

Pengerunan Élisabèt I

Élisabèt I deri Inggris (hurup Arab Gundul: الصبيت ١ درى اڠݢريس) (7 Sèptèmber 1533 – 24 Maret 1603) ièlah ratu Inggris èn Irlan. Dia jadi ratu semprakan semprakan 17 Nopèmber 1558 ampé dia punya wapat bulan Maret 1603. Dia juga' digero sebagé Good Queen Bess (Bès Si Ratu Baè') atawa the Virgin Queen (Ratu Perawan) atawa Gloriana.

Dia entu Raja Hèndrik VIII deri Inggris èn Ana Bolèn punya, dia punya harim kedua, anak wadon èn juga' pemimpin paling akir deri Wangsa Tudor. Pas Bolèn dikelécétin di mahkamah ama dipegon mati, Élisabèt idupnya jadi awut-awutan kaga' kepuguh lagu, ampé segala dirangkèng di Menara Londen, atu penjara kolot, lantaran dituding ngebantu Ratu Mariah punya musu.

Biar gitu, Élisabèt bekukunya pinter ama betungsé betul. Dia punya kuasa kentara bèda lantaran dia punya ranggehan dalem kesenian, dagang, ama pengumbaraan. Dia monès ngejaga dia punya negara jaman-jaman Armada Spanyol. Dia kaga' perna kawin, cuman dia nyedèknya dia kawin ama Inggris. Dia juga' gableg dedemenan, masup juga' Bupati Lèster. Pas dia puna wapat tahon 1603, Raja Yakub VI deri Skotlan dibenum jedi dia punya penerus.