Wp/bew/Èlmu sarap (èlmu basa)

Trap-trap utama èlmu basa

Èlmu sarap (hurup Arab Gundul: علم صرف) atawa èlmu awak basa (hurup Arab Gundul: علم اوق بهاس) ièlah cawang èlmu basa nyang ngenalin atuan-atuan pengeja kata sebagé atuan kaèdah basa. Èlmu sarap mbelajarin sisik-melik bentuk kata serènta perobahan bentuk kata punya embanan ama golongan èn arti kata. Bisa dibilang kalo èlmu sarap mbelajarin sisik-melik bentuk kata serènta itu perobahan bentuk kata punya kegunaan, baè' kegunaan kaèdah basa ama kegunaan arti kata. Di èlmu sarap, ada nyang namanya awakan (morfem) atawa terindil sarap, nya'entu terindilan paling kecit deri atu kata.

Pemasi-masiannya bisa digambarin sepegimana ni pada:

1. Atu wacana kena dibelèk-belèk jadi kalimat
2. Kalimat bisa dipetèng-petèng lagi jadi ma'na paling kecil, nya'entu kata.
3. Kata bisa ada berapa penyarapan, misal: nandurin (N-tandur-in); bisa juga' cuman atu penyarapan, tulad: rumah, korsi, selamet, tabok.