Wp/bdr/Palestin

Negara Palestin (Arabni: دولة فلسطين, rumini: Dawlah filasṭin), atau pan Palestin (Arabni: فلسطين, rumini: Filasṭin) iyo no negara bedaulat ta' timur entenga' tebeta' selang entenga' engko' Suang Jurdan, ngerakumi tebing barat engko' Genting Gaza engko' ni betiru Baitulmaqdis jadi eyang negara laat tu, pien pan pusat pentadbiran ni tu betiru tebeta' Ramallah. Pekataan Palestin asal ni lua' ta' bahasa Yunani beta (Philistia), tapi bahasa Mesir kuno, Asyur engko' Ibrani pan makai kata-kata somo ling ni pan jadi gambaran wilayah atau penduduk ni. Agama yaudi, keristian, engko' islam antap no terikat gai ta' laat tu, enggo no ai tu boi ngejejak asal-usul ta' tanah tu lua' ta' dangai ribu taun lalu. Semimon wilayah boi pinejadi Negara Palestin tu boi tungan temban lua' ta' 1948, uli Mesir, Jordan engko' Israel boi separang enom bangi tebeta' taun 1967.

Bendira

Joto

Boi jo separang Dunia Kedua, tebeta' 1947, PBB boi makai Pelan Pembagian jadi Mandat Palestin enggo no syur gai jadi nubu dikau negara Arab engko' dikau negara Yahudi engko' pejadi gai Baitulmaqdis tu antarabengso jadi terati jomo. Pelan pembagian tu tinerimo oleh jomo Yahudi-Zionis tapi tinuak oleh jomo Arab. Boi iko beruntak engko' pan separang boi jadi ta' Palestin. Boi tinubu negara Israel tebeta' taun 14 Mei 1948, negara Arab enggo no temban sedembila boi temban no balik ta' Palesin engko' nerang barang tentera Israel mediam Separang Arab-Israel 1948.

Ai jo begea, semimon Kerajaan Palestin boi tinubu le' Liga Arab tebeta' 22 September jadi ngawal Negara Naungan semimon ta' Palestin mediam kawasan kawalan Mesir ta' Genting Gaza.