Jump to content

Wp/bcc/مولانا محمدعمر سربازی

From Wikimedia Incubator
< Wp‎ | bcc
Wp > bcc > مولانا محمدعمر سربازی

Template:Info box

ﻣﺤﻤﺪ ﻋﻤﺮ آریپیں پتءِ نام ﻣﻼ ﺍﺣﻤﺪ اِنت. واجہءِ نسب پہ شیخ عبدالقادر جیلانیءَ روت و سر بیت. واجہ چہ حسنی سادات اِنت.

پیدائش[edit | edit source]

واجہ پنجشمبےءِ بامگواہ، 3 ذوالحجہ سال 1355ھ. ق. ماں انزاء، یکے چہ سربازءِ میتگاں پیداگ بوت.چما گونڈیءَ نگبھتیءِ نشانیاں آئیءِ پیشانیگءِ سرءَ پدّراِتنت. کمے کہ مزن تر بوت نماز و درودءِ وانگ و روچگءِ گرگءِ شوک آئیءِ وجودءَ پیداگ بوت. بازیں لچہ اے چہ دیوان حافظءَ پہ پشت یاتی کت.

وانگءِ بنگیج کنگ[edit | edit source]

نہ سالگیءَ اسکولءَ روت و دو سال ھمودا وانیت بلے سومی سالءَ اسکولءَ ویل دنت و دینی کتابانی وانگءَ بنگیج کنت. ماں وتی عمرءِ یازدھمی بہارءَ گوں ﻏﻼﻡ ﻣﺤﻤﺪ ﺩﺍﻟﺒﻨﺪﻧﯽ ﻧﻘﺸﺒﻨﺪﯼ ﺑﯿﻌﺖ کنت.

کراچیءَ روگ[edit | edit source]

واجہ پہ وانگءِ رندگیریءَ ماں ﺳﺎﻝ 1368 ﻫـ .ﻕ. کراچیءَ روت و یک ﺳﺎلے ماں احرارالاسلامءِ دینی وانگجاہءَ پہ وانگءَ گلائیش بیت. دومی سالءَ ماں مظہرالعلوم کہڈہءَ نام نبیسی کنت. شش سالءِ دراجیءَ چہ آ وانگجاہءِ مزن شانیں و شہزانتیں زانتکاراں بہرزوریت. واجہ ماں طالبیءِ زمانگءَ پہ بدعتانی پروشگءَ نام دربرتگ و گوں بدعتیاں مناظرہ ئے کتگ و آیانی پروش داتگ.


وانگءِ دربرگ[edit | edit source]

واجہءَ ماں ﺳﺎﻝ 1373ﻫـ .ﻕ. وتی وانگ پورہ کت و دیم پہ وطنءَ رھادگ بوت. واجہ رند چہ وانگءِ ھلاس کنگءَ، ماں سال 1375ھ. ق. اوگانستانءَ شت و گوں ﺣﻀﺮﺕ ﺷﺎﻩ ﻏﻮﺙ ﻣﺤﻤﺪ ﻫﺮﻭﯼ ﺭﺣﻤﻪ ﺍﻟﻠﻪ بیعتی کت.

واجہءِ یاتگار، کوہ ونءِ دینی وانگجاہ[edit | edit source]

واجہ اولسرءَ ماں انزاءِ مدرسہ عزیزیہءَ پہ وانینگءَ گلائیش بیت تا کہ ماں تبلیغی سفرے، کوہ ونءِ میتگءَ روت و گندیت کہ اودءِ گیشتریں مردماں "زگری" اَنت و کسے نیست کہ آیانءَ پہ راستیں راہءَ رھشونی بکنت. پمشا واجہ انزاءَ یلہ دنت و ماں سال 1381ھ. ق.ءَ کوہ ونءَ کیت. اولءَ گوں کوہ ونءِ مردمانی کمکءَ مسیتے بندیت و وانینگءِ برنامہءَ بنگیج کنت و ماھے رند کوہ ونءِ دینی وانگجاہءِ بن ردءَ گریت کہ اے وانگجاہ یکےچہ بلوچستانءِ مزنیں وانگجاھان اِنت.

واجہءِ تالیفاں[edit | edit source]

واجہءَ پہ عربی و پارسی کتاب نبشتگ و واجہءِ نبشتگیں کتاباں نزیک پہ 80 دانگ ھرد و مزنیں کتاب اَنت. کہ انگتءَ بلوچستانءِ عالمانی تہا کسءَ اینچو کتاب ننبیستگ.

لہتے چہ واجہءِ تالیفات:

  • تفسیر تبیین الفرقان
  • فتاوای منبع العلوم
  • شمشیر بران
  • ھمہ باید بدانند
  • سوغات برادران
  • خلاصہ التصوف

و دگہ بازیں پرکٹیں تالیف و ترجمہ.


وفات[edit | edit source]

واجہ رند چہ عمرے ھزمت پہ اللہءِ بندگاں، ماں 24 ﺻﻔﺮ 1428 ﻫـ .ﻕ. تہجدءِ وھدءَ اے کوڑہ ئیں دنیائے یلہ دات. ھزاراں نفر پہ واجہءِ جنازہءِ نمازءِ وانگءَ آتکگ اَت. جنازہءِ نمازءَ مولانا عبدالرحمن چہباریءَ وانینت.


سرچمگ[edit | edit source]

  • سنت آنلاین
  • بلوچی رجانک
  • زانتءِ کاروان