Wp/arq/ياسين براهيمي

From Wikimedia Incubator
< Wp‎ | arq
Wp > arq > ياسين براهيمي
ياسين براهيمي بلون الپورتو

ياسين براهيمي زايد فـ 8 فيفري 1990 فپاريس في فرانسا , هو أصلو من المنيعة لّي جاية في الولاية تاع غرداية. لعّاب تاع بالون، يلعب في لاتاك معا نادي پورتو تاع البرتغال عندو موهيبة كبيرة.
في 2006 دخل ل سونتر التدريبي تاع ستاد رين . بدا يلعب ݕروفيسيونال ف 2009-2011 كي سلّْفوه لـ كليرمونت فْوّْت ف الدَرَجة الزّاوجة وين دار عام شْباب . عامين موراها زادت رين سلفاتو ل غرناطة تاع سبانيا و زاد بيّنلهم بلي يْلعب مليح و شراوه و موراها بـ عام باعوه ل پورتو.
لعب مع كامل لي كاتيڤوري تاع فرانسا. مي في فيفري 2013 اْختار باش يلعب مع الجزاير و لعب معاهم لا كوپ دي موند و لا كوپ دافريك[1].


كيفاش كانت بدايتو[edit | edit source]

كيما قلنا براهيمي[1] زايد في باريس , والديه دزيريين , كي كان في عمرو 7 سنين بانت الموهيبة ديالو و لعب معا دي زيكيپ صغار كيما إي أس دي مونْتْرُويْ و فينسينوا قبل ما يروح في 2003 ل سونتر نتاع كليرفونتين وين يخرّجو لّْمواهِب و وين سينيا 3 سنين و وراها راح للمركز التدريبي تاع پاريس سان جيرمان وين زاد تعلم مليح , فـ 2008 ربح لاكوب تاع الڭامبارديلَّا مع لي قلّْ من 18 سنة معبد لِّي ربح فالبوطولة الفرانساوية لصحاب 18 سنة في الموسم لي قبلو .

مسيرتو الا حترافية[edit | edit source]

مع نادي رين[edit | edit source]

في 23جوان 2008 سينيا لكونطرا پروفيسيونال الاولى تاعو مع ليكيب نتاع رين اللي سينيا معاه 3 سنين مبعد كي بان فالدوري لفرنسي تاع لهواة و ممبعدما لعب عام معاهم سلفوه لنادي للدرجة الزاوجة ايكيب نتاع كليرمونت فوت وين لعب عام واحد پاسكو كان صغير . كان يخصو شوية وقت و تان باش يكتاسب شوية تاع خبرة ف درجة الزاوجة وين كان لونترينار تاعو ميشال در زكاريان.
في 25 سبتمبر 2009 ماركا البيت اللول تاعو في دوري محترف . كان يلعب بزاف فلجناح ليسر ممبعد هادا رجع يلعب في نانت أساسي في موسم 2011/2010 .في 07/أوت/2010 بدا لماتش تاعو لول ضد ليل و زادفل كونطرا تاعو 3 سنين مع لفريق و فالماتش الزاوج لي كان ضد نانسي عاون فالربحة تاع ليكيپ تاعو پاسكو ماركا بيت ورجع مل مخيرين تاع لفريق و لعب شحال من ماتش معاهم في فرانسا و في اروبا كيما دوري الأبطال و ليافا.

مع غرناطة[edit | edit source]

سلفوه ل غرناطة لي يلعبو ف دوري تاع سبانيا في 30 أوت 2012 ب 700.000 أورو باه يلعب معاهم عام واحد برك .

مبعد في 04 جويلية 2013 بدا ل كاريار پروفيسيونال تاعو بعد ما لعب معاهم عام واحد عجبهم بزاف و شراوه ب 4 ملايين أورو باه يلعب معاهم 4 سنين و داروه
ميّار جوار في لافريك 2013-2014 .

مع بورتو[edit | edit source]

براهيمي كونتر شاختر دوناتس

في 16 جويلية 2014 راح ياسين رسميا من غرناطة تاع سبانيا ل بورتو تاع البرتغال ب 6.5 ملايين أورو مدة 5 سنين و رفد التريكو نيميرو 8 كيما كان يلبس رابح ماجار و في نفس ليكيب .

في 26 أوت 2014 ماركا كوفرو شابة بزاف فالماتش تاع الرتور ف التمهيديات تاع دوري الأبطال ضد ليل و خلا بورتو تروح لتور تاع لمجموعات.أمالا هو لي كاليفاهم لدوري أبطال أوروبا
. في 17 سبتمبر 2014 و فالماتش الأول تاعو فدوري الأبطال , ماركا 3 بيات ضد باتي بوريسوف و كمل لماتش ب 6- 0 و رجع براهيمي أول واحد عربي وأول لعاب من نادي بورتو يماركي 3 بيات في دوري لبطال٠

مع لفريق لوطني[edit | edit source]

براهيمي كونتر أرمينيا.

فالأول لعب مع فرانسا و لعب بطولة كاس الأمم الأوروبية لي قل من 19 سنة في 2009, و هو لي وصل فرانسا لنصف النهائي مور ما ماركا 2 بيات .مبعد زاد شارك معا فرانسا و هاد لخطرا لي قل من 20 سنة في ٠2010 . .

في فيفري 2013 دارت بيين سبور تقرير و قالو بلي براهيمي ختار باه يلعب مع لجزاير . وراها بيامات برك ل فاف علنو بلي يقدر يلعب معا لجزاير و عيطولو باش يلعب الماتش الاول تاعو في مارس 2013 ضد البينين, وين لعبو في تشاكار و ربحو ب 3-1 . و زادو عيطولو باش يلعب زوج ماتشات وحداخرين في جوان 2013 الماتش اللول قعد فالاحتياط ضد لبينين بصح دخل فالماتش الزاوج ضذ رواندا لي لعبوه في رواندا و دار ماتش شباب و شكراتو الصحافة.
و زاد شارك في التصفيات تاع كأس العالم 2014 في البرازيل, و لعب كأس العالم و اهل الجزاير للدور الزاوج بعد ما ماركا بيت شباب بزاف ل كوريا الجنوبية٠

الصوالح لي دارهم[edit | edit source]

2007 بطل فرانسا لتحت 18 سنة

2014 أفضل لعاب جزايري

أفضل مراوغ في دوري تاع سبانيا 2014

أفضل لعاب افريقي في سبانيا2014

أفضل لعاب عربي مدتهالو الهداف 2014

الكرة الذهبية تاع الجزاير 2014.

لمراجع[edit | edit source]

تشكيلة نتاع الجزائر في كأس الأمم الأفريقية لكرة القدم 2015| تشكيلة نتاع الجزائر في كأس الأمم الأفريقية لكرة القدم 2017 |شريط بوابات|كرة القدم الإسبانية|عقد 2010|أعلام|كأس العالم لكرة القدم|الجزائر|كرة القدم|فرنسا|الأمازيغ تصنيف كومنز|Yacine Brahimi تصنيف:أشخاص على قيد الحياة|تصنيف:رياضيون من باريس| تصنيف:فرنسيون من أصل جزائري| تصنيف:قبائليون| تصنيف:لاعبو الدوري الإسباني لكرة القدم الدرجة الأولى| تصنيف:لاعبو الدوري البرتغالي لكرة القدم الدرجة الممتازة| تصنيف:لاعبو الدوري الفرنسي لكرة القدم الدرجة الأولى| تصنيف:لاعبو الدوري الفرنسي لكرة القدم الدرجة الثانية|تصنيف:لاعبو بورتو| تصنيف:لاعبو رين| تصنيف:لاعبو كأس الأمم الأفريقية لكرة القدم 2015| تصنيف:لاعبو كأس الأمم الأفريقية لكرة القدم 2017| تصنيف:لاعبو كأس العالم لكرة القدم 2014| تصنيف:لاعبو كرة قدم جزائريون | تصنيف:لاعبو كرة قدم جزائريون مغتربون| تصنيف:لاعبو كرة قدم فرنسيون| تصنيف:لاعبو كرة قدم فرنسيون مغتربون| تصنيف:لاعبو كرة قدم مغتربون في البرتغال| تصنيف:لاعبو كرة قدم مغتربون في إسبانيا |تصنيف:لاعبو كليرمونت| تصنيف:لاعبو منتخب الجزائر لكرة القدم | تصنيف:لاعبو منتخب فرنسا تحت 21 سنة لكرة القدم| تصنيف:لاعبو منتخب فرنسا لكرة القدم للشباب | تصنيف:لاعبو نادي غرناطة| تصنيف:لاعبو وسط كرة قدم | تصنيف:مسلمون جزائريون| تصنيف:مغتربون جزائريون في إسبانيا| تصنيف:مواليد 1410 هـ

1. (1) كوب دافريك

  1. 1.0 1.1 [1]كوب دافريك