Wp/arq/رياض محرز

ريّاض محرز
اسمو تاع صّح = رياض محزر
ولادة تاعو = 21 فيفري 1991 ف سارسال
ليكيب لي يلعب فيها = مانشيستر سيتي
خدمتو = جووار

رياض محرز, زايد ف 21 فيفري 1991 في سارسال, لعاب دولي جازايري تاع فوطبال|فوطبالور يلعب فل وسط ليمن في نادي انجليزي سموه [[Wp/arq/مانشيستر سيتي مانشستر سيتي عندو عقد معاه حتى الفين وخمسة و عشرين،و من اصول جزايرية. شامبيون دو لونڨلوتار في 2016 مع ليستر سيتي، ليصبح أول لاعب لي يفوز بي لاعب السنة PFA في بروميار ليغ في 2016 مع ليستار سيتي .

ماسيرتهُ

أصلو و بداية تاعو

رياض محرز، زايد من عند عائلة جزائرية، باباه أصلو من تلمسان، سموه أحمد كان خدام إليكتريسيان و أمو سموها حليمة كانت تخدم فل كلينيك تاع سارسال. تربى في سارسال و بدا يلعب بالو في لاس سارسال .

بدية تاعو مع سارسال (حتا 2009)

مهاجم بنجم يلعب فان فالوسط، رياض محرز بدا مع النادي تع مسقط رأسه في سارسال فرانسا. ما بين 12 و 16سنة، بدا يعوض ف تاخر النمو المورفولوجي تاعو و نفص خفيتو بالتكنيك. بدا ياخوض مسؤولية قاعدة و شخصية.

في عام 2009 شافو نادي كيمبير عليه من قبل نادي كيمبيه الي مطور فال س ف ا. بدا يخلوص 700 أورو فل شهر, بقا موسم واحد، ولعب 27 ماتش وين ماركا 2 بيات.

لوهافر (2010-2014)

في صيف تاع 2010، إندية كيما باري سانجارمان و أولامبيك دو مارساي، بداو يعسو فيه ، بصح هو بغا يلعب في لوهافر، لي كان في ديفيزون زاوجا. بدا معى فريق تاع ريزاغف و ماكا 10 بيات في نصف تاع لاسيزون . قدورات تاوعو خلاو رئيس تاع لوهافر يزيدلو فل كونترا 3 سنين في بيداية تاع 2011. يسجل في 2 سيزون في سيفا 24 بيت، لي يبين فيها بلي عندو تيكنيك . سيدريك دوراي ، يدخلو فل فريق أول في صيف 2011، يلعب أول مبارة إحترافية في 29 جويلية 2011 ضد أنجارس، يتبادل معا يوهان ريفيار في نهاية تاع ماتش. بصح مدرب مايعطيلوش دقائق قاوي، شافو ضعيف قاوي فيزيكمون. حتى سيزون لي موراها و ذهاب المهاجم رايان ماندس ، باه ولا يلعب قاوي في ليغ 2 . في بيداية تاع شومبيونة تاع ليغ 2 2012-2013 ولا رياض محرز تيتولار فل جناح أيمن تاع وسط. مدرب جديد إريك مومبارت عطالو ثيقة. يلعب في ديك لا سيزون 34 ماتش و يكملها بي 4 بيت 6 باس ديسيزيف .

ليستار سيتي

في جانفي 2014 ، راح يلعب في لانڨليز و يسيني لل ليستار سيتي، لي تكون في دوزيام ديفيزون، في 6 أشهر لوالا يلعب 19 موبارة تاع شومبيونة و يماركي 3 بيات و يربح شومبيونة معى ليستار سيتي. يعرف لا بروميار ليغ و يلعبو على لومانتيان في شومبيونة ، في العام يلعب 30 موبارة. يسجل 4 بيات ، منهم بيت لي ربحهم ضد هول سيتي (0-1) و دوبلي ضد صاوث أمبتون (2-0) . يصبح مشهور سنة 2015،2016 لي يبداها بي 4 بيات في 3 ماتش ، ضد سوندارلاند (4-2)، واست هام (1-2) و توتنهام (1-1). في 19 سبتمبر يقلص سكور بي بيناتي و يزيد يعادل نتيجة بي باص ديسيزيف لل جيمي فاردي ضد ستوك سيتي . يعطي زوج باص ديسيزيف لل فاردي لي تحقيق تعادل مع صاوث أمبتون و كذالك للهدف فوز ضد كريستال بالاص لو 24 أكتوبر ، ثلاث أيام من بعد، يسجل ضد هولك سيتي فل لا ليغ كوب. بصح ما يربحوش الماتش علاجالو كي راطا بيناتي. في 31 أكتوبر يماركي زوج بيات ضد واست برومويش ألبوين (2-3). في 5 ديسمبر يساجل أول تريبلي ضد سوان سييا (0-3) و يصبح أول جزايري يماركي 3 بيت في ماتش واحد في بروميار ليغ. في 5 أيام و 2 موبرات، يعطي باس ديسيزيف و يسجل ضد شالسي (2-1) و يسجل دوبلي ثالث ضد أفارتون . في 17 أوت 2016؛ يجدد عقدو حتى جوان 2020 مع ليستار سيتي. عطاولو في 2 جانفي 2017 من بيبيسي لاعب إفريقي تاع 2016، و داروه 7 في بالون دور فرونس فوتبول 2016.

رياض محرز في 2014

ستاتيستيك

توتال	كوب ناصيونال	شامبونة	كلوب	سيسون
.	27 1	4	كيمبار سفسي	2009-2010
.	32 13	4	لو هافر أسي بي	2010-2011
	25 11	4	لو هافر أسي بي	2011-2012
.	3 0	4	لو هافر أسي بي	2012-2013
87 25	87 25	.	.	توتال كاريار

في ليكيب ناصيونال

عندو دوبل ناصيوناليتي تاع فرانسا و جزاير، خطار يلعب مع ليكيب تاع أصلو . في 10 ماي 2014 ، واحيد حاليلوزيتش يعيطلو باه يلعب 30 يوم قبل لا كوب دي موند تاع بريزيل و يوجد روحو للستاج تاع سيدي موسى. في 31 ماي 2014، رياض محرز يعطي باس ديسيزيف لل نابيل غيلاس ضد أرماني . في 2 جوان 2014 ، يدخل فل ليستا تاع 23 جوار لي يروحو للمونديال تاع بريزيل. المدرب يشكر قدوراتو و لا تيكنيك لي عندو . في 17 جوان 2014 ، يلعب أول ماتش تاعو فل مونديال ضد بالجيكا ، و يخصرو 2-1 فل جولة أولا تاع غروب H في ستاد ميناريو تاع بيلو هوريزنت .

بيت أنترناصيونال

كومبيتيسيون	سكور	إفوليسيون دو سكور	عدو	مكان	سيليكسيون	لادات	No
تصفيات لا كان	3-0	2-0	مالاوي	ستاد موصطفى تشاكر، بليدة، جزاير	7	15 أكتوبر 2014	1
تصفيات لا كان	3-1	2-1	إتيوبي	ستاد موصطفى تشاكر، بليدة، جزاير	8	15 نوفمبر 2014	2
لا كان 2015	2-0	1-0	سينيغال	ستاد موصطفى تشاكر، بليدة، جزاير	13	27 جانفي 2015	3
كاليفيكاسيون كوب دي موند 2018	7-0	3-0	تانزاني	ستاد موصطفى تشاكر، بليدة، جزاير	22	17 نوفمبر 2015	4
تصفيات لا كان 2017	6-0	2-0	ليستو	ستاد موصطفى تشاكر، بليدة، جزاير	25	04 سبتمبر 2016	5
تصفيات لا كان 2017	6-0	6-0	ليستو	ستاد موصطفى تشاكر، بليدة، جزاير	25	04 سبتمبر 2016	6
لا كان 2017	2-2	1-0	زيمبابوي	ستاد فرونس فيل، فرونس فيل، غابون	28	15 جانفي 2016	7
لا كان 2017	2-2	2-0	زيمبابوي	ستاد فرونس فيل، فرونس فيل، غابون	28	15 جانفي 2016	8

جوائز مع نادي و جوائز فردية

• بالون دور جزايري في 2015 و 2016.
• شخصية رياضية في 2015 في لانڨليز .
• لاعب السنة PPA في بروميار ليغ في 2016 مع ليستار سيتي .
• لاعب سنة في دوري في 2016 مع ليستار سيتي .
• مومبر من ليكيب تيب فل بروميار ليغ في 2016.
• لاعب سنة من طرف ليسيبورتار تاع ليستار سيتي 2016.
• لاعب إفريقي تاع سنة 2016 .
• مومبر دو ليكيب تيب تاع لا كاف 2016.
• جائز تاع لا كاف دو XI آفريكان 2016.
• بيبيسي آفريكان بلايار أوف يار 2016.
• أحسن لاعب في المغرب مل عند فرونس فوتبال 2015.
• أحسن لاعب في المغرب مل عند فرونس فوتبال 2016.
• أحسن لاعب عربي تاع سنة من عند الهداف في 2016.
• أحسن لاعب إفريقي لييون دور من لوجورنال ماروكان المونتاخب في 2016.
• أحسن لاعب عربي من طرف جمعية صحافة الرياضية العربية في 2016.
• أحن خط وسط في العالم من الموقع GOAL في 2016.
• في الفريق تيب تاع المغرب في 2015.
• في الفريق تيب تاع إفريقيا و أروبا في 2015.
• في الفريق تيب تاع إفريقيا و أروبا في 2016.
• في الفريق تيب تاع لي بول تاع ليغ دي شامبيون 2016.
• مترشح في الفريق تيب تاع UFEA في2016.
• مييار دريبلار في برومياج ليغ 2015-2016.
• طالون دور أفريكان 2016.

حياتو شخصية

باباه أحمد مات في 2006 بي سكتة قلبية ، كان فوتبالور في ليكيپ ناصيونال . راه مزاوج مل 2014 مع ريتا جانات جوهال ، مانكان و أنتروبروناز في بريتانييا، أصلها من غغرافاسند، جنوب لوندر؛ كبير عليها بعام . تعارفو في 2014 كي راح عو لي ليستر سيتي، عند طفلا معاها إنيا سموها ، زايدا في 2015. رياض مسليم ، من بعد الموت تع باباه ولا يروح لل جامع و يصلي . هو فاني عندو أصل مغريبي مل جيها تاع جادتو .