Wp/arq/يوتوب
يوتوب موقع ماريكاني تاع لفيديوات، المقر تاعو في سان برونو، كاليفورنيا. ثلاثة من الخدامة تاع پايپال؛ تشاد هورلي، ستيف تشن و جواد كريم خدمو السيت في فيفري 2007. ڤوڤل شراه في نوفومبر 2006 بـ1.65 مليار دولار ماريكاني واليوم يوتوب يخدم كيما واحد من ليفيليال تاع ڤوڤل.
يوتوب يخلي المستخدمين يطلعو، يشوفو، يقيمو، يپارطاجيو، يزيدو في ليستات، يشكيو، يعلقو على ڥيديوات، ويتبعو مستخدمين أخرين. يعرض أنواع بزاف تاع ڥيديوات داروهم مستخدين ولا شركات، المحتوى لي كاين فيه كليپات تاع غنا، حصص تاع برامج، أشرطة وثائقية قصار وطوال، تسجيلات أوديو، اعلانات تاع فيلمات، لايڥات، وأنواع أخرين كيما ليڥلوڨ، ڥيديوات أوريجينال قصار، ڥيديوات تعليمية...
تاريخ الشركة[edit | edit source]
