Wp/arq/ياسمين صبري
| ياسمين صبري | ||
| [[Image:|220px|center]] | ||
| السميّة الحقّانيّة: | ياسمين صبري | |
| خدايمهُ: | التمثيل | |
| تاريخ تاع الزيادة: | 17 جويلية عام 1975 | |
| بلاصة تاع الزيادة: | بالاسكندرية مصر | |
ياسمين صبري (زادت 21 فيفري 1988 الاسكندرية ) مومثلة مصرية ، بدات المسيرة الفنية تاعها عام 2014 مين مثلت مسلسل ( جبل الحلال) منبعد توالات اعمال تاعها الفنية
وين زادت و تربات[edit | edit source]
زادت في الاسكندرية ، باباها اشرف صبري يخدم طبيب في و حد السبيطارات الكبيرة في الاسكندرية ، ما بين يماها تخدم مهندسة ديكورات ، تاني هي بطلة افريقيا في العوم و زيادة على هذا جدها كبيتان في البحر ، ياسمين هي لي زادت الثالثة في عايلتها ، في وسط خمسة خوتها ، و قرات الابتدائي و الليسي في ليكولات الاسكندرية ، و كملت قرايتها تاع الجامعة ولحقت بكلية الاعلام في الجامعة تاع الاسكندرية قرات بقسم الصحافة و العلاقات العامة بانت ياسمين عندها بزاف مالمواهب ، هي تبغي بزاف الفن و تمثل و الاعلام بزاف بزاف ، و تاني هي رياضية
المسيرة المهنية[edit | edit source]
بدات الخدمه كمراسلة في وحد ليشان الفضائية ، ومنبعد فتره ، خلات خدمتها كمراسلة و شاركت في مسابقه ملكة جمال مصر "ميس ايجبت " بصح مزهرها ،لغاو المسابقه لخطرش مكانش ممولين ليها منبعد ، جات لياسمين ابال من وحد الشركات تخدم في دومان ببليسيتي و دمندات منها تخدم كموديل لوحد ببليسيتي ، ديسيدات ياسمين تقبل بعرض هذي الشركة و دخلت مجال تاع ببليسيتي ، و كما كان الحال خدمت الفنانه ياسمين صبري كموديل في الببليسيتي لوحد الفتره محدودة ، تم جاتها فرصه باش تتعرف على مساعدة الديركتار ، رشحها للخدمه في برنامج" خطوات الشيطان" مع الداعيه الاسلامي مع مسعود و ديركتار عادل ابيب ، وكما كان الحال راحت ياسمين للقاهره على جال باش تخدم جلسات تقسيم الأدوار بالبرنامج و طاڨت تتحصل على غول برنسيبال البرنامج البنت المتحجبة واسمها رشا ، و عرضو البرنامج في رمضان 2013 قدمت ياسمين صبري ادوارها الاولى الدراميه و دارت سوكسي كبير بالغول تاعها ، ولات من وقتها حديث الصحف و المجلات ، حيت وصفوها من أجمل الوجوه الشابة الجديدة لدراما تاع رمضان و موراها قدمت مسلسل " طريقي" مع لستار شيرين عبد الوهاب و مسلسل "الاسطورة " مع "محمد رمضان " و مسلسل " الحصان الاسود" مع "أحمد السقا" منبعد ولات جيها الأعمال الدراميه و تاع السينمائيه لتخوض رمضان 2019 بعمل درامي الخطرة الاولى من بطولا تاعها المطلقه
حياتها الشخصية[edit | edit source]
تروجت قبل ما تدخل عالم التمثيل عام 2012 ، صرحت عن زواجها لاول مره عام 2015 ، ثم في 2017 ڨالت في برنامج تيليفيزيوني ان راجلها واسمو محمد و انفصلو عام 2017 بعد خمس سنين زواج افريل 2020 تزوجت من رجل الأعمال المصري أحمد اب هشيمة في حضور غي الاسر برك ، و سيطرت حالة تاع الكالم و عقدو و مكانش نجوم الفن و المجتمع علا جال ظروف الاجراءات الصحية تاع الفيروس
اعمالها[edit | edit source]
الجوائز و الاعلانات: ختاروها من بين قائمه 100 مراه شابة في العالم 2017 نصبت ياسمين في افريل 2019 " سفيرة للمراة الافريقية " و هذا من خلال المؤتمر العربي الافريقي لتمكين حضرو وزرا و شخصيات عندها مستوى كبير من كل بلاصة في المنطقه العربيه و القارة الافريقيه ياسمين هي الوجه الاعلاني لشركة لبيجو الفرنسيه كارتيه (بالفرنسيه cartier) و تنعد ياسمين صبري اول عربيه في تاريخ دار كارتيه العالميه ، اختاروها باش تكون الوجه تاع الدعايه تاعهم حيت تعاقدو معاها حصريا العام لي فات و حضرت اكثر من حفل ليهم في دبي و سان فرانسيسكو في امريكا و باريس على مدار الاشهر لي فاتت هي الوجه الاعلاني لشركة ليلونتي (Lens me ) و طلڨت في ماي 2019 مجموعه تاعها الخاصه مجموعة ياسمين تصدرت ياسمين غلافات مجلة فوج العالميه بالنسخه تاعها العربيه فالشهور جويلية و اوت 2019 حيت دارت جلسة تصوير في العاصمه الإيطاليه روما ، باش تكون اول ستار مصريه ظهرت و حدها على غلاف المجلة المشهوره فوج (الإنجليزية) هي مجله عالميه تعني بالموضه و ستيل الحياة في العالم و تصدرت شهريا في 23 نسخه محليه و اقليميه من شركة " كوندي ناست " و معنى كلمة فوغ " الموضة " في اللغه الفرنسيه .