Wp/arq/ياسمينة خضرة
| ياسمينة خضرا | ||
 | ||
| السميّة الحقّانيّة: | {{{السميّة الحقّانيّة}}} | |
| خدايمهُ: | كتاتبي | |
| تاريخ تاع الزيادة: | 10 جانفي 1955 | |
| بلاصة تاع الزيادة: | القنادسة, | |
ياسمينة خضرة كاتب جزايري يكتب بالفرانساوية كان ضابط فالجيش الجزايري و يكتب الروايات بالفرانساوية و لما انشهرت كتاباتو رحل لفرانسا و استقال. ياسمينة خضراء كاتب جزايري وسمو محمّد مولسهول زايد ف 10 جانفي 1955.فالقنادسة جاية فبشار فصحراء لجزاير . سمو لمستعار دايو ملاسم مرتو.
السيرة الذاتية
[edit | edit source]خدمة عسكرية
[edit | edit source]باباه كان اوفيسيي في جيش التحرير الوطني, بليساوه في 1958, وفي 1964 بعث وليدو محمد مولسهول لليكول تاع طلاب الثورة اللي يسموه (المشوار), كي كان في عمرو 9 سنين في تلمسان باه يطلع في الجراد ويولي اوفيسيي, كي قفل 23 سنة خرج بالجراد تاع يوطنا من الكادمية العسكرية المشتركة تاع شرشال, قبل ما يخدم العسكر في 25 سنة .وفي العشرية السوداء حارب الارهاب, تاع الجيا, سوغتو في وهران,موراها طلع كوموندو. دا روترات, ومبعد خرج مالعسكر في 2000, باه يكونسونتري مع الكتبة[1][2].
خدمة الأدبية
[edit | edit source]كي قفل محمد مولسهول 18 سنة كمل الكتاب اللول تاعو اللي نشرو مورا 11 سنة وفي 1984[3]. بوبليا 3 تاع الكتوبة و 3 تاع الروايات باسمه الحقيقي, من 1984ل 1989 دا شعال من جايزة على الخدمة تاعو.كيما الصندوق الوطني للثقافة تاع اليونسكو في 1993. كتب موراها الرواية تاع المجنون مع المشرط اللي هي اللولا فلاسيري تاع الكوميسار ليوب.في 11سنة كتب تحت اسماء مستعارةكثيرة وعمل في جورنانات بزاف دزيرية و قاورية باه يديفوندي على الكتاب الجزايريين.ظهر في 1997 عند الناشر بالين واللي وراه للجمهور باسمو الجديد ياسمينة خضرا[4]. الاسم نتاعو داه من مرتو يمينة اللي زاد على اسمها حرف (س).وشرح علاه اخطار اسم مرتو[5]. وقال باللي كانت سبب في تكوينه وثاني كان باغي يرفد اسمها باه يقعد فيدال ليها, وزاد قال باللي بلا بيها يابوندوني. وبهذا الاختيار بروفا قيمة المراة عند المسلمين.
في 2000 ظهر مع مرتو وولادو في المكسيك باه ومبعد يعيش في فرنسافي 2001[6], وهنا كشف على الهوية تاعو باللي راجل كي نشر الكتاب اللي يهدر فيه على روحو(الكاتب), وين كان هذا النوع من الروايات مشهور بزاف, كسب شهرة عالمية مالروايات السوداء نتاعو كيما الكوميسار براهيم ليوب واللي دارها عكاشة تويتا في فيلم 2007.وموراها الابيض المزدوج وخريف الاوهام, في الوقت اللي كانت الجزاير تعاني من التعصب ومالصراع تاع البوفوار.خضرا وضح الحوار نتاع البكاكيش بين الشرق و الغرب[7] .في الروايات نتاعو (السنونات تاع كابول)[8].اللي يهدر على كوبل نت افغانستان اللي حكموها طالبان.وثاني (الهجوم)اللي يحكي على امين, الطبيب العربي اللي يروح لاسرائيل باه يحوس على الحقيقة تاع مرتو كاميكاز.وموراها رواية (صفارة الانذار اللي تهدر على جان عراقي مالبدو كره مالجيش الامريكي. ياسمينة خضرا بهدا الشي توشا قاع اللي يقراولو في العالم. وعلا جال هدا الشي صورلو رواياتو افلام ومسرح ورسوم ومام في الرقص, وطرجموها ل42لغة, كيما الالبانية, الدزيرية, الالمانية, النمساوية,البرازيلية , البلغارية, الكورية, الكرواتية, الدنماركية, الامراتية, الاستانية, الامريكية, الفلندية, البريطانية, اليونانية, الاسبانية, الهنغارية, الهندية, الاندونيسية, الايرانية, الايسلندية, الايطاية, الاسرائيلية, الجابونية, اللبنانية, الليتوانية, المقدونية, النرويجية, الهولندية, البولونية, البرتغالية, الرومانية, الروسية, الصربية, السلوفينية, السويدية, السويسرية, الطايوانية,التشيكية, التركية, الفيطنامية. في 2010 كتب روايات للناس اللي يبغو الروايات البوليسية على المغرب العربي, في 2013 رشيد بوشارب صور فيلم داه مالرواية تاع(طريق العدو) اللي لعبوه فورست ويتكر, هارفي كايتل و ايلن بورستين.
في 2013 دخلو اسمو في الديكسيونار تاع (لوبوتي غوباغ).
في 2015 كتب اخر ليلة للرئيس و اللي هدر فيها على القذافي.
في 2015 نشر روايته الرب لايسكن هافانا واللي نقدوها بزاف كيما ايريك شوفيارد.
خدمة السياسية
[edit | edit source]الرايس بوتفليقة دوموندا من عندو باش يحكم السونتر الثقافي الدزيري[9], خرج منها في 2008 مورا ما هدر على(السخافة)و (الرحلة الانتحارية) وكان يهدر فيه على المونداالرابعة تاع بوتفليقة[10].في 2 نفمبر 2013 بغا يولي رايس بصح مانجحش[11].
الأشغال
[edit | edit source]كانت كل اعماله بالفرونسي:
- آمين, 1984
- حورية, 1984
- بنت الجسر, 1985
- القاهرة- خلية الموت, 1986
- من الناحية الأخرى للمدينة, 1988
- Le Privilège du phénix, 1989
- الجنون بالمبضع, 1990
- معرض الأوباش, 1993
- Morituri, 1997
- الربيع الوهم, 1998
- أبيض مزدوج, 1998
- Les Agneaux du Seigneur, 1998
- بماذا تحلم الذئاب" 1999
- الكاتب, 2001
- دجال الكلمات, 2002
- سنونو كابل, 2002
- Cousine K, 2003
- قسمة الميت, 2004
- "زهرة البليدة", 2005
- صفارات اٍنذار بغداد ترجمت "ارواح الجحيم" ,2006
- "Ce que le jour doit à la nuit", 2008 ومترجمينها فضل الليل على النهار
- "2010"آلهة الشدائد"
- "2011"المعادلة الإفريقية,2011
- "2013"الملائكة تموت من جراحنا
- "2014" "ماذا تنتظر القردة"
- 2016 ليلة الرئيس الاخيرة
- 2016 "ليس لهافانا ربّ يحميها"
- 2017 "فضل الصراب على الواحة" Ce que le mirage doit à l'oasis اللي مازال ماترجموهش للعربية.
جوائز أدبية
[edit | edit source]هذي اللليستا ماشي تاع قاع لي كادو تاعوة, الاكاديمية الفرنسية عطاتو الكادو الادبي تاع هنري غال تاع المعهد الفرنسي في 2011:
- اخذا جايزة على روايته فضل الليل على النهار واللي هي جايزة الرواية تاع التلفزيون الفرنسي في 2008,جايزة القراء تاع الكورس في 2009, وجايزة في كندا في 2010, واخر كادو تاع الادب العالمي في برلين في 2010.
- وعلى رواية الهجوم خذا الجايزة تاع القراء وتاع توبيك وثان جايزة لوفيغارو تاع الاكتشاف وجايزة النساء القاريات وجايزة تاع اللي يقراو التليغرام وثان الجايزة الادبية تاع الليسي وتاع المتدربين تاع بورغوين.ومام الجايزة تاع جابرييل ايستري والجايزة تاع الناقد الصغير تاع النمسا في 2006 واخيرا الجايزة تاع IMPAC العالمية في 2008, وداروه بللي هو افضل كتاب تاع عام 2008. ودا عليه جايزة في سنغافورة في 2009.
- وعلى رواية سنونات كابول اللي داروها افضل كتاب في الماركان لعام 2005, ودا عليهل جايزة IMPACT العالمية في 2006 وثاني جايزة الصالون الادبي تاع metz في 2003, وجايزة المكتبة الدزيرية في 2003.
- قسمة الميت اللي دا عليها جايزة بور اف ام الادبية المتوسطية لافضل رواية بوليسية فرنسية.
- وعلى رواية خريف الاوهام دا الجايزة العالمية تاع الرواية السوداء.
اتهامات بالسرقة الأدبية
[edit | edit source]والرواية تاع امتياز فينيكس اللي اتهموه باللي سرقها من عند الطاهر وطار [12]واللي كان فيها تشابه في اسم وحد الشخصية اللي هي لياز. كيما الرواية نتاعو تاع فضل الليل على النهار واللي اتاهموه بللي سرقها من عند دريس يوسف في 2008, واللي بدل فيها كلمات والبلايص وبعض الشخصيات. بصح هدي الاتهامات رفضها رشيد مخطاري.
تكيفات من أعماله
[edit | edit source]ف سينما
[edit | edit source]- فضل الليل على النهار اللي صورها الكسندر اركادي في فيلم في 2012.انتاج فرنسي.
- الهجوم اللي صورها زياد دويري ومن انتاج اوروبي ماريكاني في 2013.
- سنونات كابول صورها زابور بريتمان في رسوم.
فلمسرح
[edit | edit source]- سنونات كابول مثلتها فرنسا و الترك والبرازيل و الاكوادور في المسرح.
- الهجوم تعاود في فنسا وفي دزاير وفي بزاف دول افريقية تهر بالفرونسي.
- انذار بغداد عاودوه في فرنسا.
كاريكاتير
[edit | edit source]الرجل المجنون بالمشرط(الجزاير).
الهجوم تاع السيناريست لويك دوفيليي.واللي رسمها جلان شابلون, واللي نشرها في 2012 في دار النشر تاع جلينا.
الكوريغرافيا
[edit | edit source]فضل الليل على النهار مع هارفي كوبي.
القراقوز
[edit | edit source]جوائز
[edit | edit source]المراجع
[edit | edit source]شوف فان
[edit | edit source]عندهم علاقة بنفس موضوع
[edit | edit source]روابط خارجية
[edit | edit source]- ↑ biographie sur Leaders-afrique.com (Consulté le 4 janvier 2017)
- ↑ sur Institut de Recherches de la FSU, 1er février 2011 (consulté le 25 juin 2016).
- ↑ biographie sur Leaders-afrique.com (Consulté le 4 janvier 2017)
- ↑ biographie sur Leaders-afrique.com (Consulté le 4 janvier 2017)
- ↑ biographie sur Leaders-afrique.com (Consulté le 4 janvier 2017)
- ↑ sur www.yasmina-khadra.com(consulté le 17 avril 2017)
- ↑ sur casbah-editions.com (consulté le24 novembre 2017)
- ↑ « », Le Soir, 2006 (lire en ligne [archive])
- ↑ Lejdd.fr, 29 mars 2014 (Consulté le 4 janvier 2017)
- ↑ lemonde.fr, 31 mai 2014 (Consulté le 4 janvier 2017)
- ↑ Hassiba Hadjoudja, «J'ai échoué à convaincre» [archive], El Watan, 5 mars 2014
- ↑ ↑ Voir sur encyclopedia.jrank.org. [archive