Wp/arq/هواري بومدين

From Wikimedia Incubator
< Wp‎ | arq
Wp > arq > هواري بومدين
هواري بومدين
المناصب
رايس الجمهورية الجزايرية الديمقراطية الشعبية
10 ديسمبر 1976- 27 ديسمبر 1978
لنتخابات : 10 ديسمبر 1976
الحكومة  : بومدين 4
اللي كان قبلو  : هو نفسو (كان الرَّايس تاع المجلس الثوري)
اللي جا موراه  : رابح بيباط(مؤقت)، شاذلي بن جديد
الرَّايس تاع المجلس الثوري
19 جوان 1965 -10 ديسمبر 1976
الحكومة  : بومدين 1 و 2 و 3
اللي كان قبلو : أحمد بن بلة
اللي جا موراه  : هو نفسو (الرَّايس تاع الجمهورية )
الأمين العام تاع حركة عدم الانحياز
5 سبتمر 1973-16 أوت 1976
اللي كان قبلو  : كينيث كاوندا
اللي جا موراه  : ويليام كوبالاوا
الرَّايس تاع جبهة التحرير الوطني
19 جوان 1965-27 ديسمبر 1978
اللي كان قبلو : أحمد بن بلة
اللي جا موراه : شاذلي بن جديد
نائب رئيس مجلس الوزراء الجزائري
16 ماي 1963-19 جوان 1965
الرَّايس  : أحمد بن بلة
الحكومة  : بن بلة 1 و 2 و 3
اللي كان قبلو : رابح بيطاط
اللي جا موراه : نحاو هاذ المنصب
وزير تاع الدفاع
27 سبتمبر 1962-27 ديسمبر 1978
الرَّايس  : أحمد بن بلة من بعد هو نفسو
الحكومة  : بن بلة 1 و 2 و 3 من بعد بومدين 1 و 2 و 3 و 4
اللي كان قبلو : ماكانش كاين هاذ المنصب
اللي جا موراه : شاذلي بن جديد
السيرة تاعو
الآسم: محمد بن براهيم بوخروبة
النهار اللي زاد فيه : 23 أوت 1932
البلاصة اللي زاد فيها : ڨالمة ( الجزاير)
النهار اللي مات فيه : 27 ديسمبر 1978
البلاصة اللي مات فيها : جزاير العاصمة ( الجزاير)
سبة تاع الموت : مرض الدنسستروم[1]
الجنسية: جزايرية
حزب السياسي: جبهة التحرير الوطني
شا يخدم: عسكري
الدين : الاسلام
وين يسكن: قصرالمورادية ف جزاير العاصمة

هواري بومدين و أسمو الحقيقي محمد بن براهيم بوخروبة ، زايد يوم 23 أوت 1932 في عين حساينية[2] ، جايا حدا ڨالمة . و مات يوم 27 ديسمبر 1978( على 46 سنة) في دزاير لعاصمة. هو كولونيل و راجل تاع سياسة جزايري و الرايس الزاوج للبلاد مور احمد بن بلة من 1976 حتى 1978. كان رئيس الأركان العامة تاع جيش التحرير الوطني من 1959 حتى 1962 عينوه وزير الدفاع في سبتمبر 1962 ، وقتها كان بن بلة فالحكم ، وفي نفس الوقت كان نائب الوزير اللوّل لدولة، من ماي1963 حتى لجوان1965 مورا الإنقلاب العسكري المعروف ب"التعديل الثوري" ، و في 20 أوت 1965 ،هواري بومدين تعين رئيس المجلس الثوري و بقا في هاد المنصب حتى كي تعين رئيس للدولة في 10 ديسمبر 1976 و بقى فالحكم حتى كي مات. كان الأمين العام لحركة عدم الإنحياز من سبتمبر1973 حتى لأوت 1979.

تاريخو و أصلو[edit | edit source]

محمد بن براهيم بوخروبة زاد[3] نهار 23 أوت 1932 في عين حساينية ، بعيدة على جالمة ب 15 كلم . عدد كبير مجدودو شاركو في ثورة المقراني 1871 أصلو من عائلة تاع فلاحين و مجاهدين على قدهم في منطقة القبائل. إسم بوخروبة جاي ملقبايلية "تخروبت" و اللي تعني عشيرة.[4] محمد بوخروبة عاش أحداث 8 ماي 1945 و اللي قال عليها  :"هاذاك النهار كبرت قبل الوقت ٬ من مراهق وليت راجل ٬ هاذاك النهار الدنيا كامل تبدلت عليا حتى جدودي تحت لرض نهزو .كامل الدراري فهمو بلي لازم يحاربو الإستعمار باه يولو رجال أحرار. حتى واحد ما يقدر ينسى هاداك النهار"[5] هواري بومدين قرى فالزاوية و سجل في قسنطينة باش يقرى أدب عربي و في معهد بن باديس. دخل للكشافة الإسلامية كيما كامل الدراري تاع الجيل تاعو. في 1950 راح كمل قرايتو في جامعة الزيتونة في تونس و موراها بعام راح لجامعة الأزهر فالقاهرة كمل قرايتو تما و قرّا في نفس الوقت. كان مقسم وقتو بين القراية و النظال السياسي. كان منخرط في حزب الشعب الجزائري و كان يخدم تاني في مكتب المغرب العربي الكبير عام 1950 . هاد المكتب تأسس على يد زعماء جزايريين ، مغاربة و تونسيين تفاهمو على محاربة فرنسا وتحرير شمال إفريقيا مالإستعمار. من بين لي أسسو هاد المكتب علال الفاسي من المغرب و صالح بن يوسف من الغرب و احمد بن بلة و حسين ايت احمد من الجزاير ، و كان هاد المكتب يضم طلاب الغرب العربي لي يقراو فالخارج.

المراجع[edit | edit source]

  1. Abdelwahab. Boumaza, La rigueur du relief a forgé son caractère : Une enfance faite de privations, El Watan, 27 décembre 2008.
  2. Abdelwahab. Boumaza, La rigueur du relief a forgé son caractère : Une enfance faite de privations, El Watan, 27 décembre 2008.
  3. Certaines sources donnent une année de naissance oscillant entre 1925 et 1932 ; cf. Benjamin Stora, infra
  4. « La Karouba (Takheroubt, Adroum, Tarifte selon les dialectes) c'est l'unité familiale avec sa clientèle immédiate et sa domesticité », Louis Rinn, Le Royaume d'Alger sous le dernier Dey, Alger, Adolphe Jourdan, 1900, Template:P.
  5. Template:Ouvrage.