Wp/arq/ناير

تعريف

يناير (تيفيناغ) (في لوراس والقبايل ديال الشرق) هو النهار اللول ديال العام التقويم الزراعي يخدمو بيه من بكري البربر لي جايين في شمال افريقيا هذي البلاصة تحتفل بيه من 12 حتى 14 جانفي من كل عام و هو يوافق النهار اللول من شهر الميلادي لي هو نهار اليوم تحول ل13 يوم بالنسبة لشهر الميلادي و بالاك هذا يرجع للغلطة نتاع الجمعيات الثقافية اللولة لي باغيتهم يرجعو للمهرجان التقليدي على خاطر خايفين اذا ينساوه و الناس تقول بلي 12 هو النهار لي متافقين عليه بصح كاين الخبراء لي يقولو بلي 14 هو النهار تاع الصح

يناير مهرجان شعبي في قاع البلايص في الجزاير دايرينو احتفال وطني و يحتافلو بيه البلايص تاع شمال افريقيا منهم المروك (المغرب)

كاين حكاية من لموروث شّعبي تقول بلّي وحد نّهار من نّهارات تاع شّهر لّوّل تاع لعام خرجت فيه شّمس، وحد شّيبانية حسبت شّتا كمل، بدات تعيّب على شهر ينّاير (جانفي) لّي يجي بارد، ينّاير زعف منها و باش ينتاقم منها، تسلّف يومين من شّهر لّي موراه "فورار" (فيفري)، برد الحال، تقلّب، دّنيا حملت و ادّات لعجوزة معاها

طّقوس

في هاديك لّيلة، ياكلو لعايلات مواكل تاع لخضرا ليابسة و لحبوب كيما شّرشم لّي يجي فيه لقمح، لفول ليابس و لحمّص ولاّ رّشتة لّي هي طبق عجين باللّحم و لبيض و ياكلو تانيك لفاكية ليابسة كيما لّوز،لكاوكاو، لبندق،لڨرڨاع (لجوز)، تّمر و تّشينة، إلخ

رّمزيّة

في ليلة نّاير، لعايلة تتلمّ و يتعشّاو حتّى يشّبعو باش لعام يجي مربوح و مباركhttps://fr.wikipedia.org/wiki/Yennayer#Origines