Wp/arq/مليانة
متخلطوهاش مع خميس مليانة. مليانة (بالعربية: مليانة) هيا بلدية دزيرية في ولاية تاع عين دفلى , المكان المركزي المسمى على الدايرة تاع مليانة , جايا فل جنوب تاع الدهرة , قدام جبل زكار, تطل على واد شلف .
| الاسم |
|---|
| -الاسم بالعربية:مليانة -الاسم البربري:ⵎⴻⵍⵢⴰⵏⴰ |
| الادارة |
| -البلاد :الجزاير -الولاية:عين الدفلى -الدايرة:مليانة -الكود:4402 |
| الديموغرافيا |
| -كيفاش يسموهم: المليانيين -شعال عندهم غاشي :44201عبد في 2008 -الكثافة:804عبد في الكلم المربع |
| الجغرافيا |
| -المعطيات :36° 17′ شمال 2° 13′ شرق -لارتفاع:كاقل 400متر كاقصى 1000متر -المساحة:55كلم مربع |
| حاجات وحدوخرين |
| -الوالي :سيد احمد بن يوسف |
الجفرافيا
[edit | edit source]الموقع
[edit | edit source]بلدية مليانة جايا في شمال تاع ولاية عين الدفلى. هاد المدينة بعيدة على دزاير ب ١١٣ كلم في جنوب شرق ·العاصمة, تاني جايا في شرق غرب تيسمسيلت ب ١١١كلم, بعيدة على غرب المدية ب ٦٤ كلم ,و ب ٩٢ كلم على شرق شلف
البلديات المجاورة
البلدية = مليانة
الشمال = عين التركي
الشمال الشرقي =عين التركي
الشرق =عين التركي
الجنوب الشرقي =عين السلطان
الجنوب =خميس مليانة
الجنوب الغربي =خميس مليانة
الغرب =بن علال
الشمال الغربي =بن علال
التضاريس
[edit | edit source]. المدينة مبنية على ارتفاع ٧٤٠ متر على ارضية صخرية بمنحدر قادر يطيح على الميلة الجنوبية تاع جبل زكار لي يغطيها قاع حتى الشمال . تحكم, من الشرق و حتى الجنوب واد شلف و من الغرب ·هضبة كبيرة لي تمتد حتى السلسلة تاع وارسنيس
المناخ
[edit | edit source]·مليانة عندها جو تاع البحر الابيض المتوسط الشتا تاعها رطبة و الصيف بزاف سخون و الشتا كي طيح تلحق ولا تفوت ٨٠٠ مم في العام
| العام | ديسمبر | نوفمبر | اكتوبر | سبتمبر | اوت | جويلية | جوان | ماي | افريل | مارس | فيفري | جانفي | الشهر |
|---|---|---|---|---|---|---|---|---|---|---|---|---|---|
| 6,5 | 9,2 | 13,3 | 17,7 | 21,1 | 21 | 17 | 12,5 | 9 | 7,4 | 6,2 | 5,5 | درجة الحرارة الدنيى | |
| 9,3 | 12,8 | 17,7 | 22,9 | 26,6 | 26,6 | 22,2 | 17,3 | 13,2 | 11,3 | 9,6 | 8,6 | درجة الحرارة الوسطى | |
| 12,3 | 16,4 | 21,9 | 28 | 32,2 | 32,1 | 27,4 | 22 | 17,4 | 15,2 | 12,9 | 11,7 | درجة الحرارة القصوى الوسطى | |
| 827,3 | 119,8 | 103,3 | 68,9 | 29,6 | 7,1 | 5,8 | 16,8 | 47,9 | 71,3 | 112,3 | 124 | 120,5 | الشتا كي طيح |
المصدر هونغ كونغ الاحصائيات لي تبع من 1966حتى 1990
| ||||||||||||||||||||||||||||||||||||||||||||||||
اصل التسمية
[edit | edit source]. المأرخين تاع بكري كيما بلين القديم بتوليمي ماتفاهموش على اصل تسمية هاد الموقع صابو بزاف تسميات كيما زوكابار ولا زوقابار و ماليانة ولا مليانة,"التسمية تاع زوكابار ولا زوقابار نكتبت في متحف النقش لي يبين المكان الاصلي تاع هاد المدينة هاد الاسم جا من عند الفينقيين ولا الليبو-بربريين لي معناها "سوق القمح".اسم ماليانة ولا مليانة سماوه في بكري على جال تجمع جاي من البلاصا الحالية تاع هاد المدينة ولا من جوايها و سان اوقوستا جاب اسقف لهادي المدينة.
.هادا الاسم اصلو لاتيني يرجع لواحد الطفلة من عايلة ارستوقراطية رومانية (مانليا) عندهم اراضي فلاحية كبيرة في هاد الجيهة تاع واد شلف.
بصح على حساب كتاب وحدوخرين هادا الاسم بربري ادا رجعت ليه و في وجهة نضر تاعو هاد المدينة تاع كولونيا اوقوست.
في الفتح تاع العرب ماليانة تعربت و ولات مال-انا لي معناها (شابعة ترفاه) و منبعد مليانة .
التاريخ
[edit | edit source]وقت العصر القديم بكري
[edit | edit source]عندها بزاف ملي كانت مليانة العاصمة لي يريحو فيها الامراء تاع نوميديا في ١٠٥ قبل المسيح يوغرطا كان راح يتحكم قريب من هادي الجيهة,الرومانيين صنعو وحد الموقع تاع العسكر في زوكابار و الامبراطور لي صنعو يسموه اوكتاف ما بين ٢٧ و٢٥ قبل المسيح المدينة تماركات في وقت التمرد لي دارو الشاف البربري فيموس عام ٣٧٥ الجنرال الروماني تيودوس فرغ القيصرية (شرشال) باش يتلهى بسوقابار كانت من المدن الكبرى تاع مقاطعة موريطانيا القيصرية و المقعد تاع الاسقفية في القرن ٧ مع التهجم تاع السفاحين المدينة الرومانية تمحات مع النص تاع الآثار تاع بكري.
وقت العربي-المسلم
[edit | edit source]
المدينة تابعة للماقرووس·ما بين ٩٧٢ و ٩٨٠ الامير زيريد بولوغين ابن زيري هو لي اكتشف العاصمة (الجي) و المدية, بنا مدينة على واش خلاو الرومان ·في هاد الوقت المدينة عرفت تطور كبير ,العلما المسلمين تاع الجغرافيا هدرو عليها
في القرن العاشر حوكل هو اللول لي هدر على المدينة في الكتوبا تاوعو هو يقول بلي هي"مدينة قديمة على جال الناعورة لي تجبد الما من البير و توزع قنوات كبير للري".
في القرن ١١ البكري كتب بلي مليانة تابعة مع دزاير و المدية للمدن لي بناوهم البولوغيين في القرن ١٤ ابن خلدون وصف هاد المدينة و قال "هي مدينة تابعة للمنطقة تاع مغراوة بين وارسيفن في سهل شلف و بلي بولوغينرسم خريطة تاع الجزاير و مليانة و المدية".
في هاد الوقت تاع التاريخ مليانة كانت دار للثقافة تضيف دايما عدد كبير تاع العلماء في مختلف المناسبات و بالاخص العلماء تاع العلوم الطبيعية كيما احمد بن عثمان الملياني شاعر و كاتب في القرن ١٣ و علي بن عمران بن موسى الملياني عالم في الدين ولا علي بن مكي الملياني محامي و عالم تاع دين في القرن ١٤ كيما المدن المغربية لوخرين مليانة عرفت بزاف فوتوحات و ثاني مشاكل تاع البوليتيك (السياسة) في ١٠٨١يوسف ابن تشفين الشاف تاع المرابطين حكم العاصمة المدية و مليانة منبعد المدينة ندمجت مع امبراطورية المحاد في ١١٤٩ في ١١٨٤ بني غنية استولات على المدينة كيما المدن المغربية الوسطى,العام لي عليه ١١٨٥ المحاديين دارو هجوم ضدي بني غنية طواو في افريقيا في ١٢٣٨ الحفصيين تاع تونس شجعو الحلفاء تاعهم بني توجين باش يدو مليانة و في ١٢٦١ حوطو هاد المدينة في ١٢٦٨ الحاكم زيانيد ياغموراسا بن زيان قرر باش يحكم الجيهة تاع مليانة المدينة مراحش تتحكم بالامراء تاع تلمسان حتى ل ١٣٠٨ عبد الوديديين فرضو السيطرة على مليانة و على شوية تاع مدن المغرب الوسطى في الوقت لي كانت رايحة المملكة الزياندية طيح واحد الامير تاع هاد السلالة الحاكمة استولى على مليانة المدية و تنس في ١٤٣٨ بصح وليدو المستانسي قتلو لي رجع امير على ·تنس في ١٥١٧ اروج بربروس استولى على مليانة و على واد شلف مليانة ولات قايدة الترك, مع هاذا هاذ الجيهة عرفت ثورات بزاف ضد العثمانيين في هاد الوقت بالاخص الثورة تاع بوتريك الشيخ تاع القبيلة تاع سوماتة في ١٥٤٤.
وقت الاحتلال
[edit | edit source]
بعد ما احتلو العاصمة في ١٨٣٠ الفرانساويين نخلعو بالكم الهائل تاع الناس لي يتبعو الامير عبد القادر لي بقا في مليانة و داروه خليفة في ١٨٣٥ معاهدة السلام تاع الدسميشال يضمن للامير عبد القادر باش يدي الحكم تاع مليانة من البداية تاع ١٨٣٥ وين رحب بالشعب تاع مليانة و الناس المعروفين تما علاجال الموقع الجيواستراتيجي تاع هاد الجيهة ولات مليانة خلافة محكومة بالخليفة محي الدين الصغير (١٨٣٥ - ١٨٣٧ ) منبعد حكمها الخليفة بن علال ( ١٨٣٧ - ١٨٤٠ ) لي جهز ١٠٤٤٠ مجاهد الامير دار بزاف اعمال منهم مقر الخلافة تاعو و زيد مصنع تاع السلاح في ١٨٤٠ المدينة احتلوها الفرق تاع ماريشال فالي بصح البلاصا تاع العسكر كانت محمية مرات بزاف و لي حماها هو بن علال و القبائل المحليين تعزيزات رسلها ماريشال بوقو باش يعاكن المحاصرين بن علال مات في ١٨٤٣ و القبائل الفرانساوية حرقو المدينة في ١٨٤٤ باش يحاوزو انصار الامير الامبراطور نابليون ٣ جا زيارة لمليانة في ١٨٦٥ في ١٩٠١ قبائل ريفية تاع عين التركي تحت الادارة تاع الشيخ يعقوب ثارو في هاد الوقت المدينة تهمشت لفائدة خميس مليانة من صناعة استعمارية في ١٩٥٧ خلال الحرب الجزائرية معركة مضادة تاع المجاهدين ضد الفرانساويين ندارت في واد قرقود في جنوب تاع مليانة.
ديموغرافيا
[edit | edit source]التعداد تاع السكان
[edit | edit source]مليانة مدينة قديمة فيها غاشي جايين من الاندلس من كولوغليس و من البربر تاع زكار
التطور
[edit | edit source]مليانة هي البلدية الرابعة لي فيها الغاشي بزاف في الولاية تاع عين الدفلى بعد خميس مليانة و العطاف و عين الدفلى الاحصائيات العامة تاع الغاشي في ٢٠٠٨ بينت بلي عدد السكان تاع بلدية مليانة زاد حتى ٤٤٢٠١ ساكن بالمقارنة مع ٢٢٥٢٨ في ١٩٧٧.
| 2008 | 1998 | 1987 | 1977 |
|---|---|---|---|
| 44201 | 39662 | 27183 | 22528 |
المصدر من التعداد
الاقتصاد
[edit | edit source]الثقافة
[edit | edit source]
مليانة عندها شعال من فرقة تاع الغنا متخصة في شعال من ستيل تاع الموسيقى خاص بالسكان الدزيريين كيما الغنا الاندلوسي الشعبي و الزرنا
تحتضن استعراض تاع الغنا الاندلسي هاد المهرجان يجمع المغنيين جايين من المدارس الثلاثا تاع دزاير تاع الموسيقى الاندلسية الكانا تاع دزاير الغرناطي تاع تلمسان و المالوف تاع قسنطينة
الاحتفال تاع المولود ( حفلة تاع زيادة الرسول صلى الله عليه و سلم ) في مليانة تحتفل بالصناعة تاع المنارات جايين كيما المجسمات مصنوعين من اللوح و القصب على شكل جامع (ابراج و قوارب ) في الليلة تاع المولود يولو يعرضو في المنارات تاعهم لي مضويين بالشمع و الحلوى طايحة عليها و الفاكية معمرة في الطريق حتى للجامع تاع سيد احمد بن يوسف المنارة تاع حومة شارغا هي الهايلة التصميم تاعها جاي من عند الاسطول التركي جايا كيما القارب الشراعي الطول تاعها ٢متر مزينة و مزخرفة بخمس بنادق نص باللوح و نص بالبرونز
الركب تاع مليانة هو من التقاليد تاع القبائل البربرية تاع بني فرح من هذيك الجيهة هو حج يجي كل عام في الفناء تاع ضريح سيد احمد بن يوسف مئات الحجاج يجو من بلايص متعددة من البلاد يبداو يصنعو في المواكب من المدينة تاع مسلمين ( ولاية تيبازة ) حتى الضريح تاعو
الحفلة تاع الكرز تاع مليانة هو مضاهرة اجتماعية-ثقافية جي من العام لعام بانت في وقت الاستعمار يحتافلو بيها في النهاية تاع السمانة تاع شهر جوان من الاستقلال و هوما محافضين على هاد العادة تخلي المليانيين يحتافلو بالنوعية تاع الكرز تاع مليانة و الزوار لي يجو يكتاشفو الناس و اللبسات تاع مليانة و يذوقو المعجون المصنوع من الكرز هاد الاحتفالية انقطعت لمدة عشر سنين منبعد عاودو احتافلو بيها من جديد في اطار المخطط لي يعاود يرجع هاذ الاحتفالات المحلية الخاصة بلولاية تاع عين الدفلى انتاج الكرز و البستلة نقصو بزاف البنيانات و التفكيك تاع التراث هما لي كانو السبة الاساسية
التراث
[edit | edit source]بعض التحف لي يرجعو للقرن ١٨ بقاو حتى لوقتنا هادا السكنى القديمة تاع الامير عبد القادر الستيل تاعها مبني كيما المغاربا جايا في قلب المدينة الدار تاعو ترممت و رجعوها متحف تاع مليانة عندو شعال من صالة تاع المعارض على التاريخ تاع هاد الجيهة كيما البقايا تاع الوقت الروماني و تاع المسلمين المقاومة الشعبية خلال احتلال فرنسا للجزاير و ثاني حاجات اثنوغرافيكية جايا من الجنوب الجزايري المسجد تاع سيد احمد بن يوسف عطاوه للوالي ابو عباس بن يوسف الراشدي هو صوفي زاد في القالة تاع بني راشد قدام معسكر في وسط القرن ١٥ مات في ١٥٢٦ و و رجعو دفنوه في مليانة عام ١٧٧٤من طرف محمد الكبير الباي تاع وهران.
هاد الاثار دارت السبة باش يبداو في اعمال الترميم,
منارة الباهتة هي من الجوامع القدم لي يقولولها جامع الترك ولا جامع الباهتة كسروها في ١٨٤٤ باش يعاودو يصنعو بلاصا عمومية و المنارة تاعها حولوها لساعة
المصنع تاع السلاح تاع الامير عبد القادر جاي في الناحية الشرقية تاع هاذ المدينة هاذ المصنع بناه الامير عام ١٨٣٩ يقولو بلي الاسوار مصنوعين من العصور القديمة (من بكري) بصح عرفو تحولات بزاف بالاخص لما توسعت المدينة المحتلة.
المدينة عنها بستان كبير صنعوه عام ١٨٩٠ الحالة تاع المدينة عرفت تدهور كبير مع كثرة البنيان القديم و غياب برنامج التجديد و الترميم و حماية التراث المبني بعض الاستئنافات تاع الديار القدم عطاو اخطاء تاع البنيان و الكونترول تاع تحوال تاع الماتريال القديم ( البريك المحلي القديم ,المعاودة تاع تلباس البيطون ,و القرمود القديم و صوالح وحداخرين ) اختفو على جال غلطات تاع كيما كانو يعاودو في التسقام تاع البياسات ,و حماية المدينة من المفسدين في وقت الحروب الاستعمارية من طرف الاحتلال الفرانساوي, الكارطيات و الطرق المسدودة لي كانو في وقت الاحتلال راهم مهددين بالاختفاء العوامل تاع التدهور و الاختفاء تاع شي صوالح سبابهم غياب المشاريع تاع امكانية باش يعاودو ترميم التراث الاصلي لي نقولولو خطة الحماية المتعلقة بمجموعة المدينة القديمة ,لي راهي فاسدة على جال الاستعمار و هاذ التدهور مستمر من الاستقلال
,الضريح تاع سيد احمد بن يوسف و المحيط تاعو عندهم عوام ملي راهم مغلوقين, و ماكاش لي يدخل ليهم بعد ما بداو في الخدمة باش يسقموهم و حبسو هاذ الخدمة بصح مفتحوش المقبرة ·انتهاكات واعرة توشات وحد البلايص و وحد القبور تاع المقبرة الخاصة عاودو دارو عليهم السيما.
الكشك الهايل تاع الدخان ,جاي مصنوع باللوح القديم و منحوت و مديكوري ,تاع الفاميلا تاع سماعيل دالوك, عاودو رمموه في ,٢٠١٤ ·الساعة تاع مليانة لي هي مفخرة لناس مليانة عاودو سقموها في ٢٠١٥ كانت مبادرة تاع ٢ مليانيين لقدرو لقاو مراجع و بالمساعدة التكنولوجية قدام المدينة تاع جررا وين نصنعت
الشخصيات المعروفة تاع هاذ المدينة
[edit | edit source]سيد احمد بن يوسف الرشيدي (١٤٣٥-١٥٢٤) وين تكلاصا الضريح تاعو كمعلم تاريخي في .١٩٧٨
• الفونز دوتي ( ١٨٤٠ -١٨٩٧) كاتب في "الاحرف تاع المطحنة هدر على مليانة
• .اوغوستا فيراندو (١٨٨٠-١٩٥٧) صباغ شرقي ,مدير تاع المدرسة تاع الفنون الجميلة في وهران
• .مارسيلو فابري (١٩٨٩-١٩٤٥) شاعر و صباغ شرقي, فيلسوف, ناقد الفنون, كاتب مسرحي, مؤسس تاع ٢ مجلات و منشئ
• .محمد بوراس ( ١٩٠٨-١٩٤١) هو لي اسس كشافة المسلمين الجزايريين
• .بيار بولوت(١٩٢١-٢٠٠٨) المحافظ تاع مليانة
• .مصطفى فروخي ( ١٩٢٢-١٩٦٠) مجاهد
• .علي عمار و يعيطولو علي لابوانت (١٩٣٠-١٩٥٧) جندي قديم و شهيد الثورة الجزايرية بطل معركة الجزاير
• .والتر امسالم (١٩٣١ ) مير قديم (١٩٧٧-٢٠٠١) من بوفيه زايد في مليانة• .جان كاي (١٩٤٣-٢٠١٢) كاتب و مغامر
• .محمد بن تشيكو (١٩٥٢) كاتب و صحافي
• .محفوظ فروخي ( زايد في ١٩٥٣) عالم اثار دزيري•
مواضيع عندها علاقة بمليانة
[edit | edit source]
المصادر
[edit | edit source]- الولاية تاع عين الدفلى الاصلاحات تاع الشعب لي يسكن في الديار العادية و الجماعية على حساب البلدية تاع السكنى و التوسع [الارشيف]معطيات من التعداد تاع الغاشي و المواطنين عام2008 في السيت تاع او ن س
- مدينة حكاية سيد احمد بن يوسف البارتي لولا [ارشيف] النشرة الاخبارية تاع العشية 12ماي 2004
- مليانة الجزاير [ارشيف] على www.hko.gov.hk نشاف في 7 سبتمبر 2011
- بلادي الشابة مليانة [الارشيف] النشرة تاع العشية نهار 14فيفري 2007
- مليانة الفرحانة[ الارشيف ]اليومي تاع الجزاير في 26 افريل 2010
- المذكرة التاريخية تاع المتحف المحلي تاع الامير عبد القادر تاع مليانة
- الجرنال الاسياوي تاع المجتمع الاسياوي باري فرنسا المركز الوطني تاع البحث سيونتيفيك فرنسا
- دانيال بابو الجزاير النشر تاع سورو الرجال و البلايص الباج 45
- بلادي الشابة مليانة [ارشيف] نشرة تاع العشية نهار 15فيفري 2007
- قيربال ماينييي الجزاير قلب المغرب الكلاسيكية من الفتح العربي-اسلامي حتى التقهقر تاعها (698-1518) باري الاكتشاف 2010 الباجا 358 الباجا 104
- الجزاير اعادة النضر في الماضي الباجا 61 شمس الدين شيطور الطبعة تاع القصبة 2004
- مذكرة تاريخية تاع مدينة مليانة في المتحف المحلي تاع الامير عبد القادر
- تاريخ الجزاير كي كانت محتلة (1830-1954) المجموعة الدالة 2004 الباجا 53
- مارك السياحي الدليل تاع الجزاير المناضر و التراث المدية 1996 الباجا 319 الباجا 88
- الغاشي تاع الجمهورية الجزايرية الشعبية عين الدفلى [ارشيف]
- عدد الساكنين في مليانة ارشيف
- مليانة الجمعية المحلية الثقافية تحت الادارة تاع الشيخ محمد لانجريت[ ارشيف] الوطن في 6 مارس 2007
- مضاهرة لي خصها النفس الطبعة الثالثة تاع الغنا الاندلوسي تاع مليانة [ارشيف] النص المتحرر تاع 20افريل 2008
- مليانة المناراة على جال الميلود [ارشيف] في الوطن نهار 23 افريل 2005
- مليانة العادات تاع المنارات[ ارشيف] النشرة تاع 9افريل 2006
- بين ماضي مجيد و واقع مر مليانة عين الدفلى [ارشيف] الوطن في 25ماي 2009
- الرجوع في جوان للحفلة تاع الكرز تاع مليانة [ارشيف ]الوطن في 17فيفري 2009
- مليانة التاريخ تاع التحف [ارشيف] النشرة تاع العشية في 28جويلية 2003
- المتحف تاع الامير عبد القادر في مليانة و رانا نستناو فتاع معسكر [ارشيف] وقت الجزاير في 30 جويلية 2011