Wp/arq/محمد بن موسى الخوارزمي

أبو عبد الله محمد بن موسى الخوارزمي [1]عالم فل رياضياتْ و فل فالك و الجغرافياَ [2] [3] [4]، زاد ف خوارزم عام 780 [3] [5] [6] ، رح كلم " الخليفة العباسي المأمون " وخدم في " بيت الحكمة " في بغداد وربح الثيقة تاع الخليفة حتا المأمون رجعوهُ والي على " بيت الحكمة " كيما عطالهُ الحق باش يرسم الخريطة تع الأرض اللي خدم فيها كثر من 70 جغرافي، وقبل ما يموت عام 850م/232 هـ، خلّا الخوازرمي بزاف المؤلفات ف عولوم الفالك والجغرافيا من أهم الكتب ديالهُ، " الجبر والمقابلة " اللي يتحسب أهم لكتوبات نتاعه وترجموْا هاذ لكتاب للغة اللاتينية عام 1135م وعلى هذا دخلت كلمات مثل الجبر Algebra والصفر Zero للغات اللاتينية.

كيما كان من بين مؤلفات الخوارزمي كتاب واسمهُ " الجمع والتفريق في الحساب الهندي " ، وكتاب ثاني واسمهُ " رسم الربع المعمور " ، وكتاب واحد آخر واسمهُ " تقويم البلدان " ، وكتاب " العمل بالأسطرلاب " ، و كتاب "صورة الأرض " اللي اعتمد فيه على كتاب " المجسطي " " لبطليموس " مع شوية زيادة وشروحات وتعليقات ، وعاود كتب كتاب " الفلك الهندي " المعروف باسم "السند هند الكبير" اللي ترجموه للعربية في وقت " الخليفة المنصور " فَ عاود الخوارزمي الكتابة نتاعوا وزادلوْ شوية من عندوْ وسماوْا لكتاب أنتاعوْ "السند هند الصغير".

و هو ورا في كتابوا (حساب الجبر والمقابلة) أو (الجبر) أول حل منهجي للمعادلات الخطية والتربيعية. وهو يتحسب مؤسس علم الجبر ، {1/ اللقب اللي يتقاسموْ مع {2ديوفانتس. في القرن الثاني عشر، داروْا ترجمات باللاتينية على لحساب نتاعوْ على الأرقام الهندية، النظام العشري للعالم الغربي. [6] سڤم الخوارزمي كتاب الجغرافيا لكلاوديوس بطليموس وكتب في علم الفلك والتنجيم.

كانت للزيادات أنتاعوا تأثير كبير على اللغة. مثلا "الجبر"، هو واحد من زوج من العمليات اللي استعملهم في حل المعادلات التربيعية. في الإنجليزية كلمة Algorism و algorithm جايين من Algoritmi ، الشكل اللاتيني أنتع آسموْ. [7] والإسم أنتاعوْ هو الأصل أنتاع الكلمة بالأسبانية guarismo [8] والبرتغالية algarismo وهما للزوج يعنيوْ " رقم ".