Wp/arq/مانڤا
المانڤا هو بوند ديسيني جاپونية, كلمة المانڤا منين ذاك يستعملوها باش يمعنو على أي بوند ديسيني جاية فالمام ستيل تاع الخدمات الجاپونية. ألمانغا لي مطرجم للغة الفرانساويا يتقرا ملّ يمين لليسار كيما فلّ فيرسيون أوريجينال. الأكثرية تاع لي مانغا يجو ملونين بلكحل و لبيّض.
المانغاكا
[edit | edit source]لي يرسم لي مانغا يقولولو "مانغاكا"، كاين لي لازم يلعبو خفيف لاخاطرش لازم يخرجو جزء جدید بلخف (كاين لي لازم يخرجو جزء كل سمانا)، ما يتحكمش ميا بل ميا على لمانغا ديالو لاخاطرش كل ما يدير سيكسي كبير كل ما يلزم عليه يدير علا حساب لي فان ديالو شا يكونو باغيِين.
أصل هذي الكلما
[edit | edit source]كلمت "مانغا" جاي مل جابونِيا و نعنتها "رسم ماهوش كامل"، "مان" عندها شعال من معنى، منهم كاين "بلا هدف" و "زايد فيها"، "غا" تمعني "رسم" ولا "رُسوم"كلمت ماغا بدات مشهورا في أواخر ألقرن ثمنطاعش (18) كي خرخو وحد لي مانغا كيما [مانكاكو زويهيتسو] في 1771 ديال لمانغاكا [كانكاي سوزوكي]، كاين فان [شيجي نو يوكيكاي] لي خرج فل 1798 ديال [كيوٌدان سانتوٌ]. فل 1814 [هوكوساي] لي في هاذاك الوقت يرج [ پانتر] معروف و لي دار [لا غروند فاق دو كاناغاوا] عطا للخدمات تاوعو تسمِيَت [هوكوساي مانغا]. و من بعد هذو الخدمات ديال [هوكوساي] بدات كلمت مانغا مشهورا فل عالم.
كيفه يتقراو
[edit | edit source]فل أكثريا تاع الوقت، لي مانغا يتقراو مل يمين لليسار، لي جايا على حساب كيفاه الجاپونيِين يقراو. لي مانغا خرجو لمرّا لولا في فرانسا في 1978 فل مجلة[لو كري كي تو] بصح حتى 1995 باش بداو يبيبليو لي مانغا مكتوبين مل يمين لليسار.
أنواع المانغا
[edit | edit source]لي مانغا يتقسمو على حساب لعمر ولجنس ديال لدالناس لي يقراوهم، كاين ست (6) أنواع معروفين :
الكودومو مانغا : لي مخدومين لي جمهور صغير لي عندو قل من 10 سنين، و مخدومين للبنات ولولاد مع بعض.
الشونين مانغا : لي مخدومين لجمهور متكون غير بشاشرا لي في عمرهم ما بين 8 سنين و 18 سنا، يهدرو بزاف على لاكسيون ولقتال ما بين الخير ولشّر. لبيرسوناج برانسيپال يكون دايمن طفل يتيم ويحوس على يماه و سيرتو على باباه.
الشوجو مانغا: لي مخدومين لجمهور متكون غير بلبنات لي في عمرهم ما بين 8 سنين و 18 سنا، يهدرو قاوي على الحب ولدراما، لبيرسوناج برانسيپال يكون دايمن طفلة تقرى و يعجبها طفل.
الساينان مانغا: لي مخدومين لجمهور تاع شاشرا لي فعمرهم كثر من 16 سنا.
الجوساي مانغا : لي مخدومين لجمهور تاع بنات لي فعمرهم كثر من 16 سنا.
السايجين مانغا : لي لي مخدومين لجمهور متكون من ناس كبار السن، قادرين يكونو نسا و رجال.
مالغري كاين هاذو الأنواع تاع لي مانغا مشي قاع الناس تحترمهم سي بور سا كاين دي مانغاكا لي يحاولو يتوشو شعال من جمهور في مانغا واحد.
انتشار لمانغا فل جاپون
[edit | edit source]في 2002 سوق لمانغا مثلت 22,6 % من أرباح صناعة النشر الجاپونية و 38,1 % من لكتب ولمجلات لمنشورة فل جاپون كانت دي مانغا[1]. نسبة لمبيعات فجاپون في 2006 مثلت 27 % من لكل تاع لكتوبة لمبيوعين فل جاپون[2]. سوق لمانغا يولد فان نشاطًا اقتصاديًا مهمًا للبلاد تاع 40,67 مليار تاع ين للسنة 2007[3], وهذا يبين بلي تقريبا واحد جاپوني على ثناعش يقرى لمانغا ياو لوكان خطرة فسمانة .
شعبية كبيرة من لمانغا تتنافس مع أسماء كبيرة من لي بوند ديسيني لأوروبية, و هكا , 42 جزء من تاع دراڤومبول نباعو فوق 230 مليون نسخة في لعالم[4] و 86 جزء من تاع وان پيس نباعو فوق 430 مليون نسخة في لعالم , الرقم لي فاق الرقم المسجل في مغامرات تيتين و ميلو مع 24 ألبوم نشرت أكثر من 200 مليون نسخة , غير فجاپون السحب تاع وان پيس تجاوز 360 مليون نسخة عند المخرج تاع الجزء 4 اوت 2017 [5].
المانڤا ولاو رخاص فجاپون على لي في أوروبا , سعرهم تجاوز 500 ين , (5,23 اورو في جويلية 2012) بينما في فرنسا سعر المانڤا لواحد يكون بين 6 و 15 أورو على حساب الشكل والطبعات . لي مانڤا الي تنشرو فل مجلات قبل ما يتنشرو كانو معتبرينهم فل جاپون كيما صوالح تاع استهلاك مشي كيما صوالح تاع أهمية . و مع هاد الشي الطبعات لي مرتبطين بالصورة لي تظهر فل غرب مديورين باش ينجمعو و يستحفظو عليهم .
ملي نحلت في نوفمبر 2006 , المتحف العالمي تاع لي مانڤا تاع كيوطو , يقدم مجموعة هايلة تاع مانڤا ( 200000 مجلد , و مازالت تزيد تتطور ) .