Wp/arq/ليكانتروپ
تعريف[edit | edit source]
الليكانتروپ لي يقولولو فانيك لو قارو هو هو فل أسطورات و فل ميتولوجي و فل فولکلور جاي مل حضارا الأروپية. هو عبارة على إنسان عندو لقدرا باش يتحول قاع ولا جزئياإلى ذيب ولا إلى مخلوق أنتروپومورف لي جاي يشبه لذيب.
هذا التحول قادر يكون عندو شعال من سّبا، قادر تكون لَّعْنا ولا بكاش طقوس. و غير كيما كاين فِكرا جديدا خرجت و لي تقول بلي واحد قادر يولي ليكانتروپ كي يعضو ذيب، ولا ليكانروپ واحداخُر. هذا التحول يصرا سيرتو فليل كي يكون القمر كامل، لييجبر الليكانتروپ باش يرجع ذيب و يدور فليل بشكل تاع ذيب حتي لصباح.
.JPG)
الحكايات تاع لي ليكانتروپ كاينين من بكري حتى فل عهد الإغريقي و منتاشرين في شعال من بلاد في لوروپ و غير كيما نتشرَت فل موند كامل. لي ليكانتروپ موصوفين بصفة عامة مخلوقات شريرا لي عندهم القُدُرات تاع الذيب و تاع الإنسان في نفس الوقت. عندهم فُورسا كبيرا و واعرين و مُتَوَحِشين بزاف لاخاطرش قادرين يقدرو يقتلو شعال من شخص في ليلا وحدا. كي يرجعو لحالتهم العاديا مايقدروش يتفكرو شا دارو كي كانو ذيوبا.
من غير الإستعمال تاع لا شيرورجي ولا إستعمال كاش كوستيم، التحول من إنسان إلى ذيب يعتبر حاجا أمپوسيبل، بصح شعال من واحد (و منهم كاين عولاما) كانو يأمنو بيها فل پاسي، و هاذو الإعتقادات مازالو لحد الآن كاينين ناس يأمنو بيهم. الليكانتروپي راهم مستعرفين بيها كيما مرض عقلي يخلي الواحد يحسب روحو يرجع ذيب و هذي يقولولها لا ليكانتروپي كلينيك.
الموضوع تاع الليكانتروپي رجع ضروَك سوجي تاع الفيكسيون معروف بزاف و مودارن و ينصاب بزاف فل فنون و فل أدب تاع الفونتيزي ول فونتاستيك و فلي فيلم، رحع داير سوكسي كبير في لفلام تاع الرعب مالغري هاذو اي ليكانتروپ مبدلين بزاف علي لي ليكانتروپ القدم كيما الضعف تاعهم للفضة و للآلكونيت ناپيل.
أصل الكلما[edit | edit source]
ليكانتروپ هي كلما جايا من لا رونيسونس فل لغة الإغريقيا "لوكوس" (lúkus) تمعني ذيب و "أُنتروپوس" (ántrôpos) تمعني "راجل". مالا هذي لكلما معنتها إبسان يا يتحول لذيب يا راه حاسب روحو ذيب ولا راه راياح يتحول إلى ذيب. التيريانتروپي ولا لا زُوانتروپي، يمعنو إنسان يتحول إلى حيوان ولا لعكس، و هذا لتحول إما يكون شامِل إما يكون جزئي. مالا هاذي لكلما تنطبق على لي ليكانتروپ و على لي لو غارو، هذي لكلما مستعملا بصفة عاما في لوروپ باش يمعنو على قاع لي ليكانتروپ. الكلما "ليكانتروپي" كانت مقبل مستعملى باش يهدرو على إنسان يتحول إلى أي حيوان بصح ضوكا بدلوها بتيريانتروپي لو غارو هي كلما مستعرفين بيها فلغة الفرانساويا لقديما، بصح كانت تنكتب لوس فارو (leus warou) لي معنتها "راجل ذيب" ، فل قرن سباطاعش (17) فل غونياتاع مايني (mainet) الكلمات "لو" و "فارو" (لي هما لي فورم لي موجودين في لا نورموندي و لا پيكاردي) راهم موجودين على شكل "غارواف" (garwaf), "غارفالت" (garvalt)، غارفال (garval). و ضروَك لو غارو هي لي راهي مستعملا و معنتها "راجل ذيب". لو غارو تشبه للكلما لإنجليزيا "وير وُولف (werewolf) لي هي جايا من لونچلي لقديم لي فان داها مل آندو أوروپي "ويرو" لي معنتها "راجل" و ويلف (wulf) لي هي "ذيب" . بصفة عامة، الكلما بلفرونسي هي پلِييُوناسم لاخاطرش "غارو" جايا مل "فرونسيك" "واريويلف" (warifulf) ولا "واروُولف" (werewolf) لي معنتها "راجل ذيب" فل قرن لسابع (7) كانت فان كاينا على شكل لول غارول(leul garoul ).[1] وير وُولف هي ليكيفالون بلونغلي تاع الكلما الفرانساويا لو غارو (loup garou). وُولفجايا من لونغلي لقديم "ويلف" لي برُحّها جايا من لالمون "وُولفاز" (wulfaz).[2] الكلما بلالمون وار وُولف (werwolf) و بل نييِرلوندي وِيروُولف (weerwolf) لزوج جايين من لالمون. بوريس فيان فان خدم بذي لأسطورا و بذ ي لكلما لي عرفها في كتابو "لْ لو غارو" ب "أنتروپوليسي" "أنتروپوس" لي هي إنسان و ليكوس لي هي "ذيب".
الاصل[edit | edit source]
من بكري كاين إختلاف على الأصل تاع (دي ليكونتروپ)على جال هاذا الشي ،كاين نظريات مختلفة تتنافس فيما بيناتها واللي تظم ضربة وحدة : (دي تيولوجيان)،الأنترپولوجيين، لي زانسبيكتار،الطبة ، الباحثين أُو لي سپيسياليست تاع الذيوبة. واللي يشرح أكثر الأساطير تاع (ليكونتروپ) ،الهجمات تاع الذيوبة ،(لي بارسكورز)، أعراض المرض ،الإضطرابات النفسية و اللي يدروڨي. أُو ممعا هاذا الشي مازال كاين جيهة غامضة على العالمية انتاعها لحد الآن مازال كاين الإعتقاد تاع التحول الفزيائي و الأمتلاك منتشر. لونتروپولوڨ" روبر إيسلر"يپروڤيلنا بلي كاين سموات تاع قبايل "هندية-اوروپية) او ألقاب مودارن تعني "ذيب"ولا"الراجل الذيب"،لاپروڤ هيا أنو التحول الأوروپي ادا الثمرة تاع الصيد واللي كان برعاني (مقصود) مصحوب بإضطرابات في لي زيموسيون واللي تبقى محفورة في لاميموار تاع البشرية هاذو الإضطرابات او أثارهم كانت بسبة الإعتقاد ب (ليكونتروپ) الإنسان كان دايما معجب بالذيب كحيوان مفترس اللي اصلو اوروپي،الذيب يَرمز للجانب اللي مشي مليح (السيء) في الإنسان،قساوتو على روحو او ثاني الإنسان الحر اللي يرفض ڨاع القيود واللي الحضارة تحوس تفرضهم عليه امبعد، أصحاب النظريات تاع ليكول پسيميست اونڨلو-ساكسون قادرو هاذا الشي اللي في طبيعة الإنسان .
لمراض[edit | edit source]
كاين شعال من حاجا لي يبيّن بلي لواحد راه متوشي بل ليكانتروپي(بمعنى راه يتحول لذيب و ياكا الناس). فل دومان تاع لپسيكياتري، كي كاش واحد راه حسب روحو بلي راه يتحول لكاش هايشا (ذيب ولا أى حيوان) معنتها عندو مرض پسيكياتريك و مهبول. و كاين لي شاكين فلناس لي مُرضا بل ساندروم دْ داون (syndrome de Dawn ) بلي قادرين يكونو هُما لي خرجت منهن هذي لأسطورا تاع ليكانتروپ
ليكانتروپي كلينيك[edit | edit source]
الليكانتروپي رجعت مع لوقت حاجا مستعرفين بيها، من بدعا رجعت مرض پسيكياتريك مستعرفين بيه و عطاولو شعال من تبريرات مع لوقت. اللاتينيين عطاولها شال من إسم منهم كاين : ميلونكولي، راج لوپين، إنسانيا لوپينا، فولي لوفيار...الخ. فل قرن حداعش (11)، جون فير لي كان طبيب فلي پاي با، قال على لا ليكانتروپي بلي هيا فينومان فيه لخرطي. و وصف لمرضى لي متوشيين بهذا لمرض بلي جايين بويضين، عينيهم داخلين و لسانهم ناشف. و كاين دي شارشور لي قالو بلي هذا لمرض يصرا كي لواحد يبدا مدپرس و طايحلو لمورال بزاف و على حساب لهدرا تاع لطُبا، هذا لمرض يپروفوكي لهبال و يخلي لواحد مهلوَس.
المراجع[edit | edit source]
- ↑ Édouard Brasey, La petite encyclopédie du merveilleux, Le pré aux clercs, Paris, 2008, Template:P.377 Template:ISBN
- ↑ T. F. Hoad, English Etymology, Oxford University Press 1993. Template:ISBN