Wp/arq/لالة فاطمة نسومر
لالة فاطمة نسومر
لالة فاطمة نسومر هي بنت الطيب بن شيخ علي بن عيسى من سيد أحمد اومزيان هي شخصية دزيرية تاع المقاومة القبايلية تاع جرجرة في الاعوام 1850
لاسم[edit | edit source]
لالة فاطمة نسومر هو إسم مركب من *لالة*وهي كلمة بربرية ويستخدموها في اللهجة الدزيرية الدارجة وهذي الكلمة يقولوها كي يحبوا يقدروا امرأة ويعلولها من شانها يعني يحتارموها بصح علاحساب العمر نتاعها ولا مكانتها في الدشرة ولا اذا كانت امرأة بلحمل ولا عازبة وعندها قدر وشان عالي ف البلاصة الي تسكن فيها .والكلمة نتاع *نسومر*هو الإسم نتاع الفيلاج الي ساكنة فيه وين كاينة [الزاوية] وين يمارسوا الطوقوسات نتاعهم والفاميليا نتاع *ايت سيد احمد* وفان ادات الإسم المستعار نتاع لالة نورجا في التقاليد نتاع بلاد القبايل .وهاذا الإسم يمدوه للبنات العازبات الشابات الي ما يبغوش يمتاثلوا ويديروا التقاليد نتاع بلاد القبايل .
لمحة عليها[edit | edit source]
زادت لالة فاطمة نسومر في 1830 في بلاد القبايل في الدزاير في فيلاج الورجة وفي هاذا الوقت يقولولوا أبي يوسف في الولاية نتاع تيزي وزو وهي قريب من بلاصة نتاع عين الحمام وبويها هو الشاف نتاع المدرسة القرآنية ملتصقة بالزاوية نتاع الرحمانية نتاع سيدي محمد بوكبرين.
لمحاربة[edit | edit source]
في عام 1847،قبلت لالة فاطمة نسومر باه تنخرط وتدخل في مقاومة نتاع القرية نتاعها الي تسكن فيها الشرفاء نتاع السي محمد الهاشمي والمقاوم الشريف بوبغلة في الموت نتاع هاذا الاخير الشريف بوبغلة في عام 1854 مجموعات نتاع الماريشال راندون يظنوا في 13000 راجل تحت عصمة وقيادة الجينيرالات ماك ماهون ومايسيات وهوما يتمركزوا فان في كوم بجوار الشاف نتاع غاليي. وفان كانو معروفين بمقاومتهم الكبيرة ،راندون طلب أعضاء ومقاومين باه يآتاكي هانوك نتاع آيت ايرتان بمفاجأة. والمقاومين نتاعهم لحقوا حتى 35000راجل ،المحاربين هوما بزاف صعاب وفاطمة لالة نسومر عيطت لجماعتها باه تحارب علاجال الحرية نتاع البلاد ودارت بزاف قوة وعفايس باه حاربت الاعداء نتاوعها وهذوك المقاومات نتاوعها نصهم نجحوا ونصهم ما نجحوش فشلوا باينة. القياديين نتاع بلاد القبايل كيما السي الحاج عمار والي صديقو بن عاراب و السي الجودي والسي طاهار هوما مصدر خوف و رعب العدو كانوا بزاف واعرين في هذيك المقاومة وكانوا بزاف يخافوا منهم لمجرد أنهم يسمعوا صوتهم باسكو عندهم ذكاء و فطنة كبيرة في المقاومات ضد العدو علاجال الحرية. وحبست لالة فاطمة نسومر في 27 جويلية 1857 في الفيلاج نتاعتاخليجت آت اتسو قريب من تيروردا وهي كاينة ضروك فان في إقامة محروسة و بزاف عاسينها مليح مليح في بلاصة يسموها طابلات والي عاسها هو السيد علي بوميلي في توراتاسين .ومبعد مور مقاومة كبيرة و ناجحة و كتبت أسمها في التاريخ لالة فاطمة نسومر ماتت في عام 1863 وكان عمرها في هاذاك الوقت ثلاثة وثلاثين سنة بسبب قيضوا عليها الجنيرالات بعد ما عاياتهم وهوما يحوسوا عليها وفان متاثرت بموت خوها في عام 1861 والحزن خالاها محدودة التفكير. ودفنوها في مقبرة سيدهم عبد الله بعيدة ب 100 ميترا على الزاوية نتاع بوميلي في تورتاتين ومن بعد حولوا الجثمان نتاعها لمقبرة العاليا بالعاصمة الجزايرية في عام 1994
شخصيتها وصفاتها[edit | edit source]
لالة فاطمة نسومر يقولو عليها كانت بزاف شابة حتى كانت محط انظار كبار الجينيرالات الفرنسيين وفان كانوا يتمنى كل واحد فيهم يتمتع بيها ويتزوج بيها وزيادة على الشبوب الي كان عندها كانت شخصيتها بزاف قوية وعندها مبادئ تتمشى عليهم و متضعفش بلخف وكان الهدف نتاعها الوحيد أنها تساهم باه تجيب الحرية لبلاد الجزاير وكيما كان الحال سجلت اسمها في تاريخ الجازاير وكانت عندها بصمة إيجابية لدرجة أنها ليومنا هاذا يهدروا عليها وعلى مقاوماتها وحياتها وداروا على قصة حياتها كتابات كبيرة باسكو صح كانت ناجحة ويضربوا بيها المثل من هاذاك الوقت حتى لهاذا الوقت رحمها الله.