Wp/arq/كلاوديو رانييري

^[1]^[2]^[3]^[4]^[5] كلاوديو رانييري زاد فالـ 20 أكتوبر 1951 في روما، ،جوار تاع بالو طالياني وضركا راهو أونطرينور

مسيرتو[edit | edit source]

مسيرتو كي كان جوار[edit | edit source]

كي كان لعاب , كن يلعب فلا ديفونص ولعب في شحال من كيپا طاليانية كيما :آسي روما,نادي كاتانزارو,نادي باليرمو ونادي كاتانيا في 4 نوفمبر 1973لعب الماتش اللول تاعو فـالرابطة المحترفة الطاليانية(جنوى-آسي روما2-1).مور 6 لي ماتش فالشومݕيونا حبس اللعب مع آسي روما وراح لـنادي كاتانزارو لي كانت فالرابطة المحترفة الزاوجة وفهذي ليكيݕ ولى جوار توتيلار لي مكاش لي يديلو ݕلاصتو و ولى الجوار الي لعب القاوي تاع لي ماتش فليسطوار تاع الرابطة المحترفة اللولة مع

نادي كاتانزارو(128 ماتش في 1976/77 و في 1978 حتى 1982).

ورا عاميين تاع لعب في كاطانيا (الرابطة المحترفة اللولة 1983-1984) وكمل مسيرتو في نادي باليرمو عام 1986

مسيرتو كي ولى أونطرينور[edit | edit source]

الپوست تاع الخدمة اللول تاعو(1986-1993)[edit | edit source]

في عام1986بدا مسيرتو التدريبية على المستوى تاع ما بين الأقاليم مع ليكيپ  فيجور اميزيا و مبعد مع كامبانيا پيتيولانا العام الزاوج ولي طورها وطلعها لدوري الدرجة الثالثة فالطاليان . في عام1989 بدا بأكد لمهاراة وليكسپريونص تاعو فالتدريب على المستوى المهني مع فريق كالياري لي ربح معاه الكاس تاع دوري الدرجة الثالثة وبالذات على جال لي طلعهم للدرجة الثالثة تاع الدوري في عامين برك .

نادي فيورينتينا(1993-1997)[edit | edit source]

بعدمارحل من نابولي وقال انو تعاقدو معاه في فيورنتينا الي نزل للدرجة الثانية .بصح العام الزاوج تقاعد, ومبعد ليكيپ تاع فلورينتينا طارت مالديفيزيون تاع لي كادي وطلعت للپروميي ديفيزيون (سيري أ ) مالديبي تاع العام و ورا عام مالـ (المطهر) ومنا بدات إصطوار تاع حب بين لونطرينور الروماني و مدينة فلورنس الي دامت ربع سنين بانت هاد لا سيزون . وفهاداك الوقت بين وحد الجووار جان مالأرجنتين يسموه ڤابريال باتيستا ولي ولى حاجة كبيرة طلعت باه تلعب فالسيري أ . فهداك العام تاع الطلعة للسيري أ ليكيپ تاع فيورنتينا دارت بون ريزيلطا وتكلاست العاشرة,بصح العام الي بعدو يبدا يحصد الخدمة تاعو والتعب , بمعنى وحداخر ليكيب تاعو تتكلاسا الرابعة فالشومبيونا و وبالأخص كي تربح الكوپ تاع الطاليان على حساب أطلنطا بارغام العام الي بعدو فلورنتينا متقدرش تحافض على هذو لي ريزيلطا الشابين مالغري البدية لمليحة تاعها فالديبي دو لاني والربحة تاعها فالـ السوپر كوپ كونطر أسي ميلان (2-0 زوج بيوتا تاع باتيستيتا ) , فلورنتينا تتكلاسا التاسعة هذي المرة وعلى هاذو لي ريزيلطا لي ميعجبوش كلاديو رحل ماليكيب فصيف عام 1997.

الپاساج تاعو في سبانيا (1997-2000)[edit | edit source]

ورا التجربة تاعو في ليسبان في نادي لي يسموه توسكانا بدا رانييري فواياج وحداخر فلخارج الي تقدرت بـ 8سنين وهذي رجغاتو اكثر اونطرينور فالطاليان يدرب لي زيكيݒ فالخارج .فالـ1997 راح لللإيسݒان بعدماقبل العرص تاع فالنسيا ومعاها ربح كأس الملك تاع سبانيا عام 1999 .

نادي تشلسي (2000-2004)[edit | edit source]

فالـ2000 بدا المغامرة لنجليزية تاعو مع تشلسي . فهادي الكيبة مالغري ما ربح والو معاها حقق ريزيلطا شابة, وصل معاهم للدومي فيناال تاع لا شومبيونز ليج فال2004 وفالشمبيونا تاع لانجليز نكلاساو الزاوجين فنفس لاسيزون .ريزيلطا شابين بصح مقنعوش الرايس الروسي لي جا جديد لنادي تشلسي أيا وعليها بدل رانييري بلونطرينون لي وسمو جوزي مورينهو .وعلى هذي رانييري رحل من النادي الندني فالضيف تاع 2004 بعدما 199 ماتش و107 ربحة فلي ماتش أوفيسيال .

الرجوع لنادي فالونس(2004-2005)[edit | edit source]

رجع لفالونس فلاسيزون 2004-2005 ومعاها دار ريزيلطا مليحة شويا وربح كأس السوبر تاع سبانيا.

نادي بالرما((2007))[edit | edit source]

فالـ12فبفري 2007,بعد عامين مادربش فيهم,المدرب الروماني رانيري قبل الإقتراخ تاع نادي باليرمو وجابوه هذيك لاسيزون غير باه يسلك نادي باليرمو من كارثة تاع الهبطة للدوزيام ديفيزيون وكي جا بدا يخدم فالنادي وبدا يلعب الجوارا الضغار لي عندهم المواهب وعلى خدمتو الجوار لي وسمو جويسيب روسي طلعت بيه وشراتو مانشستر يونايتد . كون ماشي رانيري هديك لاسيزون كانت بارما من المستحيل باش مطيحش للدوزيام ديفيزيون.

نادي جوفنتيس (2007-2009)[edit | edit source]

هدي الضفقة لي دارها مع الجوفنتوس عاودت حيات لاكاريار تاعو .أيا وفالـ 04 جويي2007 المجيء تاعو ولا أوفيسيال وسينيا كونطرا تاع ثلث سنين وعطاولو حسبا تاع 1 مليون أورو فكل سيزون يدرب فيها ليكيب .مع الجوفتيس داظ بون ريزيلطا ,بحيث كملت نشلسي فالمركز الثالث .وهكا حقق واش كان متمني الطاقم تاع لي ديريجون تاع تشلسي وهو اللعب فلاشومبيونز ليج .

«كي تكون فالجوفنتيس ذا يعني بلي لازم تكون النيميرو 1 وجامي لا نققل من شانها »

                                                                           — كلاوديو رانييري.

الرجال تاع كلاوديو رانيري وصلو لللافينال تاع لاشوميونز ليج ورا لي غلبو نادي أرتميديا بيترزلكا (4-0; 1-1)فالألي و فالروتور . مالعري فاتت ريزون مليحة فالقاوي تاعها بحيث النادي لاالعجوز تكلاضا الدوزيام فالشونبيونا الطاليانية بضح بداو عندو شوي مشاكل وتقليل مالحترام مع وحد لي جوار وعليها ليكيدا زوج لي جوار . أيا ووراها بدلوه بكيرو فيريرا فالـ18ماي.

أسي روما(2009-2011)[edit | edit source]

سينيا مع نادي روما في أوت 2009 رومبلاصا لوتشيانو سبيلاتشي . مع الروتور تاعو كونطر نادي باليرمو مع روما , فالـ23 جانفي 2010 ليكيب تاع العاصمة ربحت 2-1 . هو لبدا يطلع فليكيب ي كانت دير ريزولطات عيانين مع سبيلاتشي .

المراجع[edit | edit source]

[1] ttp://www.footmercato.net/ligue1/transferts/officiel-joao-moutinho-et-james-rodriguez-a-monaco_106386

[2] ttp://www.lequipe.fr/Football/Actualites/Monaco-officialise-falcao/375158

[3] ttps://fr.wikipedia.org/wiki/Association_sportive_de_Monaco_football_club

[4] ttp://www.francefootball.fr/#!/news/2012/03/26/221242_ranieri-remercie.html

[5] ttp://it.wikiquote.7val.com/wiki/Claudio_Ranieri

[1]

[2]

[3]

[4]

[5]