Wp/arq/كسكسو

لكسكسو ولا تاني يقولو لو طعام ف شي جوايه، هوّا ماكلة معروفة فل جازاير و شحال من جيهة في بلادات` لمغرب، مصنوعة ب`سميد لّي ينفتل و يولّي كويرات دقيقة، تطيب ب`تفوار و تنتكل ب شحال من طبَع.

هوا من لاطباق لمخيرة تاع طياب لمغربي و حتى عند ليهود,إفريقيا و بلادات لبحر لمتوسط .نعرف ف فرانسا من لقرن 16 و بدا ينشهر ف طيابهم فلقرن 20.ضروك راه لبلا لثالث لمخير عندهم.

الكسكس هو٘ا ݕلا بربري من اصول مغربية، في الصح يتخدم بدقيق القمح المفتول، و الخضرا اللي نحضروه بيها تختلف من وصفة لوحدوخرا هو واحد من الݕلاوات القمحية من لكوزينة المغربية و ثان في الكوزينات اليهودية، الافريقية و المتوسطية.و انعرف في فرنسا في القرن السادس عشر و ظهر في الكوزينة الفرنساوية في بداية القرن العشرين، و هذا بعد ما داها الفرنسيين من العنصر الاستعماري. و دوكا يعتبر الطبق الثالث المفضل عند الفرنسيين. نقدرو ناكلوه بامغارف و لا بيدينا.يطيب بالبخار و نزيدو عليه اللحم, ولا الخضرا, ولا لا الفول, ولا الحليب و لا الزبدة و السكر على حساب الاذواق و المناسابات. و ثان في الماروك يقدم الكسكس مع اللحم و اللفت و لباذنجن و الكورجات و هكا يكون بالمرقة و اذا كان بالبن فيكون بلا مرقة و لا خضرا برك الكسكس بالبن

لكسكسو ولا تاني يقولو لو طعام ف شي جوايه، هوّا ماكلة معروفة فل جازاير و شحال من جيهة في بلادات` لمغرب، مصنوعة ب`سميد لّي ينفتل و يولّي كويرات دقيقة، تطيب ب`تفوار و تنتكل ب شحال من طبَع.

هوا من لاطباق لمخيرة تاع طياب لمغربي و حتى عند ليهود,إفريقيا و بلادات لبحر لمتوسط .نعرف ف فرانسا من لقرن 16 و بدا ينشهر ف طيابهم فلقرن 20.ضروك راه لبلا لثالث لمخير عندهم.

و هو من المواكل المعروفة من بكري و لي ما تغيبش بزاف في المايده, و كاين لي يطيبو دايمن, و هي ماكله شايعه بزاف في بلايص شمال أفريقيا (المغرب – الجزائر - موريتانيا - تونس – ليبيا) وبجزيرة صقلية بإيطاليا وحتى في فرنسا حيث يمثل دوزام بلا المفضل عند لفرنسيين.

كان الكسكس من المواكل لي لازم تكون دايمن في لمناطق تاع شمال فريقيا بصح بصح بلاصتو تراجعت في سنين التواله بعد ماولات الناس تروح لتنويع المواكل

لوصفة

لكسكسو يحطوه في لعادة مع المرقة تاع لخضرة ، مع لحم ، و ساس تاع لماكلة هاذي هي كي يخلطو كسكسو ( دقيق تاع قمح ) مع لحومص (بقوليات ) بصح بلا لحم ، لحومص هو مصدر تاع بروتين ، نقدرو تاني ناكلوه وحدو ولا بلتوابل و لا وحدو ، سخون ولا بارد ، و لا كيما ديسار مع سكر و لا ناكلوه مع كاش حاجة .

أصلو

جاي من كلمة سكسو و ورجع كسكسو عند لعرب تاع إفريقيا, و بل فرونسي كسكس.كاين ف كامل لهجات لبربر تاع شمال لافريك,. ،مخدوم من دڨيڨ لڨمح محبوك مليح و مكور .يتنطق على حساب لبلايص كيما سكسو و كسكسو،و كاين كلمة وحدوخرا جاية منو هي بركوكس،و يديروه كيما كسكسو بصح « يعاودو يفتلوه باه يكبرو لحبات تاوعو,. » .تسكسوت هو الكسكاس لي نطيبو فيه لكسكسو . كلمة سكسك يستعملوها التوارق بمعنى فوتو في لغربال لخاطر يخدمو بالسيار في توجادو »).

(هذه الوجبة تسمى السفة وهي من أصل مغربي و تونسي). في تونس يفضل إضافة التمر واللوز المجروش و الصنوبر . كلمة سكسو (ولا كسكس بالعربية الدارجة في الشمال الافريقي ) . مبعد ولات كسكس تنقال بالغة الفرنسية راهي موجودة فان في كل اللهجات المغربية و البربرية في الشمال الفريقي و هي عبارة عن دقيق القمح الطحون مليح و مفتول. و على حساب كل منطقة تتبدل تسمية نطق كلمة كسكس، مثلا كيما كسكسو ولا سكسو. كلمة وحدو*خرا نقدرو نشتقوها من نفس كلمة سكسو و هو الفعل بركوكس، كوكس يعني (نرولو السميد ) و بر تعني نعاودو نفس الخدمة باه تخرجلنا حبة قمح كبيرة. و الفعل تاع* سكسك بالتوارق معناه فوتوه في الغربال ، و هذا الغربال هو الي يعاون في تحضير تاعو.

سماوات وحدوخرا

فدزاير

• ف شمال قسنطينة ف لجازاير كيما عنابة و سكيكدة و جيجل يڨولولو كوسكسي ولا لبربوشة لي جاية مل قبايلية أباربيك و تعني «لحبات لكبار».
• ف لقبايل و حتى دزاير نسموه سكسو ولا كسكسو(دزاير) .
• ف لاوراس شرق تاع لجازاير يڨولو بربوشة.
• ف شرق لجزاير ( قسنطينة) هاد لبلا يسموه نعمة ، بمعنى البركة.
• تاع بني مزاب يڨولولو كوسكوس أوشو .
• ف لغرب تاع لجازاير يسموه طعام، بمعنى ،«المغذية »).

فلمروك

• في الاطلس الوسطاني و لجنوب شرقي تاع لمروك يڨولولو "سكسو" و كاين لي يڨولو "كسكسو" .
• فپلايص لوخرين تاع لمروك يسموه "كسكسو".

ف تونس

• في تونس يڨولولو "كسكسي".

في ليبيا

ف ليبيا يڨولو "طعام".

في بلايس وخداخرين

• ف ألبانا يسمو كسكسو بل كيس كاس .
• ف اسبانيا يسمو كسكسو كيس كيس.

• 
  كسكسو بلخضرة.
• 
  طبسي كسكسو.
• 
  كسكسو قبايلي بلحم لخروف.
• 
  كسكسو قبايلي.

تاريخ تاعو

تاع بكري

لمؤرخة تاع طياب لوسي بولا ، وصفت لينا لمواعين لوالا لي طيبو فيهم الكسكسو لي صابوهم ف المقابر لي من وقت ماسينيسا لملك تاع لبربريين معناها قبل 238 و 149 قبل لميلاد ، هاذ شي يبين لينا بلي هاذ لمنطقة كانت ناجحة ، ويعتبروها خزان روما تاع لقمح ».

لعرب من بعد لاستعمار ، لقاو لاثار تاع المواعين( المعروفين ) في تيارت في دزاير هاذو لمواعين م لقرن تاسع تشبه بزاف لمواعين لي يخدمو فيهم لكسكسو لي هوما الكسكاس حتى لدقيق ، كان معروف مليح في بلادات لمغرب العربي مام قبل لا يجو العرب مشي الفاتحين المسلمين لي جابوه م الشرق الأوسط .من بعد لي جاالإسلام لشمال إفريقيا خدمولنا الدقيق لي نسموه سميد لي والأ ساس تاع الماكلة لي موالفينها ، و دارو المكلة هاضي لا أصلها بربري عادة لدرجة أنو كاين قصة معروفة في دزاير و تونس تقول : « زعيم تاع قبيلة هدد مرتو ، لي غير كيما دخلت الاسلام ، باه يقتلها لوكان ما تكونش قادرة و لا تعرف طيب الكسكسو و لي هيا مازال ما تعرفوش  ».

ف شبه لجزيرة لأيبيرية

على حساب لباحثة لوسي بولا لكسكسو وصل لشبة لجزيرة لايبيرية في وقت لموحدين البربريين في لقرن الثالث . شهرة نتاع لكسكسو نتاشرت خف خف في اسبانيا و لبرتغال.

ف فرانسا

رابليس هو لول لي هدر على لكسكسو ، وسماه كسكوسو في كتابو شايع بونتا قريال ، بصح أليكسندر داماس سماه (كوسو كوسو ) في ديكسيونارو لكبير نتاع طياب لي هو موسوعة هدر فيها على لي غوسات تاع لماكلة وتاريخهم. تاني ما كانوش ياكلو كسكسو فنهر شمالي حتى لهنا هنا في لقرن لعشرين في لعايلات دزيرية لي هجرتهم فرانسا باه يخدمو في بلاصة رجالة لي داوهم للحرب لعالمية لولة (1914 - 1918) . تاني من بعد لي رجعو لافريك سيرتو في دزاير من ورا لي دات لاستقلال في 1962 لي كولون ولاو يخدمو لكسكسو كي شغل خدامة ميڨريا هاذا ڨاع عاون لكسكسو باه يكلاسي ثالث ف لماكلة لي يبغوها الفرانسيين ، و بزيادة في 2014 كسكسو قعد الثالث في الماكلة الي يبغوها في فرانسا.

كيفاه يخدموه

كسكسو يخلطو فيه زوج صوالح

قدرة و كسكاس.

• طبسي تاع سميد تاع قمح مفورينو في كسكاس ، من بعد ييدموه بالسمن ( يا زبدة و لا زيت الزيتون ) ويزيدولو شويا ملح و على حساب لي غوسات لي نطيبو عليهم نزيدو معاه يا لحومص و لا لجلبانة ولا لزبيب .
• لمرقة تاع الخضرة كيما لغويرجات ، لبصل ، زرودية ، كابويا ، لفت ، السلق و لحم ( يا دجاج ، يا لحم تاع خروف ) مطيبينهم مع بعض و لا مقليينهم قبل ما يديروهم في المرقة .

في العادات كسكسو يطيبوه بنوع واحد تاع لحم على خاطر نفورو لسميد على البخار تاع لمرقة تاع اللحم و سميد يدي ريحة لحم . نقدرو تاني ناكلو كسكسو بلحم لبقري ، ولا بالحوت ، ولا دجاج و لا جمل ، تاني يقدر يكون كسكسو نباتي .

أنواع تاعو

لي غوسات على حساب لبلايص و لا عايلات ، كيما في بلادات لمغرب لعربي ( دزاير و تونس و مروك ) كسكسو ما يديروهش بنفس المكونات ، كيما في لمروك لكسكسو بلخضرة تقريبا جامي يديروه في الحفلات ، ما عدا لجنازات ( مخلاف بعض لبلايس تاوع الريف و لا تاع قبايل ) . ف لمروك كاين بزاف انواع تاع كسكسو للحفلات ، فيهم كسكسو تانيا و كسكسو السفة .

ف فرانسا : في لي ريستورو تاع باري ، كسكسو يسموه روايال على خاطر يديرو فيه بزاف انواع تاع لحم كيما مرقاز ، و دجاج و لكفتة. ... مالغري هاذ الشي خلاف لعادة لي يطيبوه بيها على خاطر هو يطيب بنوع واحد تاع لحم ، مام حتى السميد ما يفوروهش على لبخار تاع لمرقة تاع الخضرة على هاذا مازلهم مختالفين مي تسمية نتاعو كسكسو .

لكسكسو يحطو معاه في العادة مرقة تاع خضرة و تاني يحصوه مع حليب ممخوض قالعين منو زبدة (يسموه لبن بلعربية و بل قبايلية إيغي) ، ولا حليب مخثر ( يقولولو بلعربية لرايب و بقبايلية إكيل )، لمسفوف هو كسكسو رقيق بزاف يديروه في تونس و لا دزاير و ييدموه بالزبدة و يخلطو معاه الجلبانة ، تاني ممكن يديرو معاه الزبيب و لسكر ، و ديفوا يديرو معاه تمر و في لعادة يديروه في لعشا .السفة هي ماكلة جزايرية و مروكية كيف كيف تقريبا لي هي كسكسو يديرو معاه يا لقرفة و السكر و لوز .

• 
  كسكسو نموذجي ناع سفاقستونس.
• 
  كسكسو بلحوت.
• 
  كسكسو تاع فاس.
• 
  كسكسو بلحم تاع جمل .

كسكسو بربوشي هو لماكلة لمخيرة في جنوب تونس ، هو كسكسو يديروه بلدوارة و لأعشاب ( القصبر و كرافس و معدنوس ) ف لعادة يحطوه مع لبيض فايض .

في جزيرة سيردينيا من سان بيترو لي ساكنينها شعب تابركيني ( دوريجين من جنَوة ، لي هوما أحفاد الصيادين تاع لمرجان في تابركا ) دايمن يخدمو كاسكا ، هو كسكسو مع لخضرة بلا لحم و لا حوت.

لكسكسو بلماغلو ، هو كسكسو بالحوت تونسي و لا لحوت سيسيلي ، قاع كيما كسكسو يلكايلا ( سبانخ بالعربية ) لي هو كسكسو بسلق و لحم بقري .

كاين تاني كسكسو بصح بحبات سميد غلاض شويا يسموه لعيش.

كسكسو بلحوت ولا سكسو بلحوت هو كسكسو تقليدي في سفاقس في تونس ، يحطوه مع دي طرونش تاع حوت لاكولار تاعو بيض مخدوم بالفرينة ولا لقمح و لا قرقاع و خطراتش بلشعير . كسكسو بلحوت هو تاني اختصاص تاع سكان تنس و جيجل في دزاير .

كسكسو بلحوت تاني يصنعوه في لمروك ، هو اختصاص تاع سكان لبلادات لي طل على المحيط . في سالا كسكسو بلحوت يخدموه بملح و سكر و بصل و زبيب . في سافي و الصويرة يديروه بلخضرة .

فدزاير

بزيادة على كسكسو لتقليدي بلخضرة و لحم ، في دزاير كاين بزاف لي غوسات يطيبو بيهم كسكسو ، هي في لحق كل بلاصة ولا مدينة و لا واحة عندها لاغوسات تاعها يطيبو بيها كسكسو . كيما في البلايص المعزولة نلقاو كسكسو ريفي بلحم ناشف و يديرو فيه بزاف توابل . كين تاني كسكسو طري و مصيرينو مليح في بلادات تع شمال . و كسكسو في بلدات صفار لي يطلو على لبحر ، كسكسو نباتي في بلاد لقبايل ، و كاين تاني كسكسو حلو و مالح و لا حلو بزاف غير بالسكر لي يسموه مسفوف و لا سفة

• 
  مسفوف بلتمر و لوز.

ف غرب افريقيا

ياكلوه في لسينيغال ، يسموه ثييري ، هو كسكسو شايع بزاف و ف لعادة ياكلوه نهار تامخاريت..

ف طاليان

• كاسكا تاع كارلوفورت ( ولا كاسكو بلهجة تاع ليغوريا في تاباركين ) ، ولا كسكس تاباركينو ، هو كسكسو نتاع كارلوفورت وحدهم ( جزيرة سان بيترو ) ، في جنوب سيردينيا جابوه مل كسكسو تونسي ( شعب كارلوفورت هما دوريجين من ليغوريامستعمرة جزيرة تاباركا ف تونس ما بين 1540 و 1738 ) بصح مختالف على كسكسو لمغريبي ، لا غوسات تاع كارلوفورت نباتية و سميد يديروه مع لخضرة ( حمص و لجلبانة ،كرُم ، شوفلور ، زرودية ، لبسباس ، كرافس ، دنجال ، بصل، غورجات ، ثوم ) يبنوه بلأعشاب ( كرافس بري ، قصبر ، لحبق ) و تاني بلتوابل (لفلفل ، راس لحانوت ، قرفة ، قرنفل ، حب طيبة ) . تاني في لي غوسات تاع ضروك زادولو لحم لحلوف .
• كاسكا تاع كالاسيتا هي تاني نوع وخداخر لكسكسو تاباركيني يطيبوه غير في كالاسيتا في جزيرة سانت أنتيكو أون فاس لكارلوفورت ، هاذ نوع تاع كسكسو جاي سامبل منقصين مل خضرة ( كرُم ، زرودية بصل ، كرافس) و يطيبوه بلأعشاب باه تعطي لبنة كيما لقصبر و تاني يديروه بلحم لخروف .
• في صقلية ، نلقاو كسكسو تربونسي ( كوسكيسي بلهجة نتاعهم ) في تراباني ( أرض عندها علاقة تاريخية و اجتماعية مع تونس و ليبيا في هاذو زوج قرون توالا ) و في لبلايص لي حداها كيما فافيجنانا ، و سان فيتو لو كابو ، كسكسو راهم براسك دايمن يطيبوه ، لمرقة يسموها جيوتا هي خلوطة تاع لاسوص تاع لحوت ( روجي ، ماغلو ، راسكاس الرمادي ، سانت بيار ، بوق ، قرونادا ، لوفارو ، و لحنوشة لي تعيش في لقلتة لمالحة لي في لمنطقة ، و لي كروفات و لونقستين )
• تاني كاين نوع وخداخر ف لمنطقة ( سيرتو في مارسالا ، و مازارا فالو ) هوما نتاع فارسكاتي يعجنو لفرينة على شكل بولات و يحطوها مع لمرقة تاع لحوت.
• في لمناطق لمعزولة ف تراباني كسكسو يسموه فراسكاتول يديرو معاه لمرقة تاع شوفلار ، لوبيا ، زرودية ، حمص و خضرا وخدوخرا .
• في سردينيا نلقاو يخدمو شكل جديد نتاع لي بات يسموه فريقلا لي هو لمحمصة .

أنواع تاعو

لي غوسات على حساب لبلايص و لا عايلات ، كيما في بلادات لمغرب لعربي ( دزاير و تونس و مروك ) كسكسو ما يديروهش بنفس المكونات ، كيما في لمروك لكسكسو بلخضرة تقريبا جامي يديروه في الحفلات ، ما عدا لجنازات ( مخلاف بعض لبلايس تاوع الريف و لا تاع قبايل ) . ف لمروك كاين بزاف انواع تاع كسكسو للحفلات ، فيهم كسكسو تانيا و كسكسو السفة .

الوصف

هو ماكلة تقليدية يخدموه من بكري يصنعوه جداتنا وماتنا وفي كل بلاصة وكيفاه ينتكل وفيه بزاف انواع كيما كسكس نتاع القمح وتاع لبلوط وتاع شعير وتاع لعشوب وتاع زعتر. في العادة الكسكس يتقدم بل مرقة تاع خضرا مع اللحم، و الطبق تاع الصح هو الكسكس مع الحمص( نوع من الخضرا ) بصح بلا لحم، الخضرا تلعب دور تاع مصدر بروتيني. و نقدرو ناكلوه معطر و لا طبيعي، سخون ولا بارد، كيما نقدرو نديروه تحلية بالسكر ولا طبق زيادة.نطيبوه في الكسكاس و نديروه فوق طنجرة و يغلي و هكا يطيب بالبخار تاع الما و كاين بزاف انواع تاع الكسكس و لي هي:

• الكسكس بالخضرا
• الكسكس حلو (بالسكر واللبن) وهو مشهور في مصر
• كسكس بالبُصلة (طبيخ بشرائح البصل والحمص واللحم)
• كسكس بالحوت (بالسمك)
• كسكس بالتيشطار *
• كسكس بالسجق
• كسكس بالقديد
• كسكس بالعصبان
• كسكس باللحم
• كسكس بالجاج و لا الداند

تصغير|300بك|طبق كسكس بالقرع الأحمر و البصل

المكونات والمقادير

• كيلو كسكس تاع الدار و لا تاع الحانوت
• بصلة كبيرة
• ملعقة فلفل أحمر مطحون
• نصف ملعقة بزار
• ملعقة ملح
• ملعقتين صلصة طماطم
• نصف كيلو لحم مقطع أو أربع قطع سمك عريضة كبيرة (كسكس بالحوت)
• ملعقة كمون
• 5 فصوص ثوم مفرومين
• كاس زيت
• حمص
• ما حسب الحاجة
• بطاطا للزينه
• ثلاثه كورجات

طريقة إعداد سميد الكسكسو

نحضرو سميد الكسكس من طحن (الشعير - القمح أو الذرة) بالرحي تاع الحجرة. و اذا صنعنا سميد من الشعير نسموه الملثوث و هو لي نديروه الدشيشة و كي تكون حبات الكسكس خشينة و يكونو الحبات كبار على حبات الكسكس العادي سمى بركوكش يطيب البركوكش في الكسكاس كيما الكسكس العادي.

== التجفيف والتخزين == بعض الناس في ليبيا يوجدو مؤونة تاع عام للماكله و يدسوه في ديارهم و مضاري يجفوه في الصيف على جال شمس لي تنشفو و تحافظ على المواد الغذائية من التسوس، بزاف ربات بيت في صيف يشرو كيس كبير من السميد و ترحيه و تحول حبتو للحجم الكبير و دير شويا ملح في لما لي رحت فيه هكا باه ما يتوسوش و يديرو في الما لي رحاو فيه القرنفل و القرفة باه تعطيلو ذوق خاص في الطياب, و مبعد يديرو انينة الكسكس لي مديوره في نار و هكا طيب على البخار حتي تكمل الكميه, ثم يصبو الكسكس الطايب على الفراش و بفركتوه باليد و يقلبوه كل يوم حتى يتبخر من لما و ينشف و من بعد يتصفى م تراب لي لاصق فيه بالغربال, و من بعد يقسموه في اكياس باش يخزنوه في الدار

طريقة عمل الكسكس

بعد ما نطحنو السميد ,الشعير على حساب الرغبة, نديرو سميد في وعاء تاع خشب على حساب افراد العايله نصبو عليه الما مرا على مرا و نسمو هذي العمليه برم الكسكس, و من بعد شويا يتحول سميد لحبيبات صغيره بعدها يمرر على لغربال تاع الكسكس و مبعد نزيدو شويا زيت باش ما يتعجنش كي نطيبوه.

المرقة

تحضر المرقة في القدره, نقلو البصل و نزيدو فلفل لحمر و صلصه و الكركم و الملح و مبعد نزيدو اللحم و الحمص و نخلوها طيب, و مبعد نزيدو لما.

تسوية الكسكس بالبخار

نديرو الكسكس في لكسكاس و يطيب بالبخار لي يخرج من المرقه و لازم نقلبوه مره على مره و كي يطيب نزيدولو شويا مرقه و سمن و من بعد نزيدو فوقو الخضرا كيما البطاطا و لكورجات.

التقديم

كي يطيب الكسكس تاعنا نفرغوه في طبسي خاص و لا في القصعة تاع الخشب و نزيدولو المرقه تاع الطبخ و نبقاو نقلبو فيه, و في حال كان الكسكس بالبصله نضيفو ليه شويا سمن, و نزينوه مالفوق بالحم و الخضرا و الحمص و البصل, و يقدم معه الفلفل الاخضر و الفجل و السلاطة.

و نقدمو معاه مكملات الوجبة كيما السلاطة و الفجل مخلالات او زيتون.

السفة

1- السفة = أو الكسكس الحلو في مصر وتونس. يُغلى الكسكس لجاف في لما حتى يتشرب كامل (كاس كسكس مع زوج كيسان تاع لما و لا كاس كسكس مع كاس تاع لما و و3/4 كاس حليب )، و نغطوه بوعاء و نخلوه على نار هاديه.

2- يُرفع الوعاء من على النار ، و نخلطوه مليح مع شويا زبده ولا زيت عين الجمل, و نزيدولو السكر و شويا بيستاش و لا الكاوكاو,و كاين لي يبغي يزيدلو زبيب و القرفة الناعمة

الكسكس الجزائري: 1-الكسكس الأوراسي(الشاوي) المكونات:لحم غنم،بصلة مفرومة،طوماطيش مرحية, حمص, قصبر يابس, حرور, ملح ,كورجات ،الزيت للقلي مع الزبدة و لما.

طريقة التحضير: في قدره نديرو شويا زيت و الزبده نزيدو معاه لحم مقطع و نخلوه يتقلى مليح و مبعد نزيدو البصل و الثوم و طماطيش المرحيه مع الملح و الحرور و القصبر و نخلوهم يتقلاو مليح, و مبعد نزيدو الحمص قد كاس و في التالي نديرو لما و نخلوه يطب مليح. كي نلقاو لحم طاب مع الحمص نزيدو القرعه قد عشر دقايق حتى تطيب, و مبعد نقدمو الكسكس مع هذي المرقه, و تانيك كي نلقاو لحم طاب مع الحمص نزيدو القرعه قد عشر دقايق حتى تطيب, و مبعد نقدمو الكسكس مع هذي المرقه, و تانيك نقدرو نزيدو زروديا لفت و لبطاطا , بصح هذا نوع تاع لكسكس نزيدولو في لمرقه مغرف تاع طوماطيش مصبره.

2- الكسكس تاع لقبايل: بومفور أو كسكس قبايل: المكونات: كاس تاع كسكس,2 زروديا, 1لفت،1قرعة، 1بطاطا، كاس جلبانه و لا فول خضر و 2/3 كاس زيت زيتون. طريقة التحضير: نغسلو لكسكس و نصفوه و نخلوه ينشف و مبعد نملحوه و نديروه في لكسكاس, في هاداك لوقت نقطعو لخضرا لمربعات صغيره و نملحوها, كي يبدا لبخار يطلع مالكسكس نقلبوه في اناء و مبعد نعاودو هذي طريقه مرا وحوخرا.و مبعد نديرو لخضرا في قعر لكسكاس و نصبو فوقها حبات كسكس و نخلوهم كامل يطيبو على لبخار. و في تالي كي يطلع لبخار نفرغوهم في اناء نقي و نزيدولو زيت زيتون و نخلطوه مليح. و يتقدم دافي كطبق رئيسي. تانيك كاين وصفه وحدوخرا و هي كسكس بالحم و لخضرا و تشبه للكسكس الاوراسي برك في هاذي الوصفه نزيدو اللوبه لخضرا مع الخضرا و لقرفه و لبهارات

3-كسكس أهل الجنوب: المكونات: ثلاث كيسان كسكس, 50غرام من السمن, ثلاث كيسان تاع ما, و مغرف صغيره ملح.(هذا فيما يخص الكسكس دائما إعتماد نفس طريق التحضير السالفة الذكر). المرق:50غرام حمص،50غرام تمر،1بصل مقطعة إلى قطع متوسطة الحجم،لحم، فلفل حار،2بطاط،3جزر متوسطة الحجم،1طماطم مهروسة،10غرام يقطين أو كابوية ملعقة صغيرة طماطم مصبرة،زيت مغرف صغيره حرور ،1/4ملعقة صغيرة فلفل أحمر, من2إلى3لتر ما. طريقة التحضير: نديرو اللحم،البصل،البطاطا،الجزر،الطماطم و الزيت في قدر و نخلو لخليط على نار حتى يغلي. نزيدو 3 لتر من الما و يترك الخليط إلى أن حتى يطيب لحم, و مبعد نزيدو لكوابه و نخلوها طيب. كي طيب لخضرا نزيدو طماطم لمصبره و نقلبوها مليح حتى ذوب في لمرقه. في هاداك لوقت نديرو تمر في وعاء و نزيدو ماء دافي حتى يتحلل, ثم نصفوه و نزيدوه في لمرقه, و في تالي تتبلل لمرقه بالبهارات و نخلوها تتكثف شويا.

ف شمال قسنطينة ف لجازاير كيما عنابة و سكيكدة و جيجل يڨولولو كوسكسي ولا لبربوشة لي جاية مل قبايلية أباربيك و تعني «لحبات لكبار». ف لقبايل و حتى دزاير نسموه سكسو ولا كسكسو(دزاير) . ف لاوراس شرق تاع لجازاير يڨولو بربوشة. ف شرق لجزاير ( قسنطينة) هاد لبلا يسموه نعمة ، بمعنى البركة. تاع بني مزاب يڨولولو كوسكوس أوشو . ف لغرب تاع لجازاير يسموه طعام، بمعنى ،«المغذية[6] »

شوف تاني

مقالات عندها علاقة

• قمح صلب
• سميد

• طياب في بلادات لمغرب لعربي
• طياب لجزايري
• طياب لمروكي
• طياب تونسي
• كسكس

مكتبة

• محمد فلاڨ , كيفاه تخرج شوية كسكسو هايلة , 2003 , 87 صفحة , isbn=9782709623230]] ,JC Lattes]]
• هيلين فرونكوني, مونيك شاستاني و فرانسوا سيڨو (قول.), كسكسو, boulgour et polenta. تحويل و استهلاك القمح في العالم , باريس ,2010 , 477صفحة , ISBN|9782811102852.

ملاحظات و مصادر

$ 4. .

6.