Wp/arq/كريستيانو رونالدو
 | |
| الايسم | |
| ايسم بل عربية :كريستيانو رونالدو | |
| ايسم بل لفرانسية :Cristiano Ronaldo | |
| معلومات تاعو | |
البلاد : 
| |
| لكيبا ليلعب معاها : ريال مدريد | |
| نيميرو : 7 | |
| لكرع لي يلعب بها بزاف :ليمنا | |
| لمسيرا تاعو | |
| سبورتينغ : 2003-2002 | |
| منشيستار ينايتد : 2009-2003 | |
| ريال مدريد : 2009- | |
كريستيانو رونالدو دوس سانتوس أفييرو زايدف 5 فيفري 1985 لي نعرفوه بـ كريستيانو رونالدو. هو لعاب كرة قدم برتغالي يلعب فالكوتي الأيسر ولا كمهاجم ف ليكيب نتاع ريال مدريد[1] الإسباني لي يلعب ف الشومبيونا نتاع سبانيا للفوت و راه دوكا كابيتان ف ليكيب ناسيونال نتاع البرتغال ، وهو البيتار التاريخي ف ليكيب ناسيونال نتاع بلادو وفريقو ريال مدريد[1]. ينعد رونالدو علا خساب بزاف من المحللين و بزاف من الإستفتاءات واحد من المخيرين نتاع اللاعابين في جينيراسيون نتاعه، وحتى في تاريخ نتاع لعبة كرة القدم، و خيرو الإتحاد البرتغالي لكرة القدم أفضل لاعاب في تاريخ البرتغال في عام 2015، وهو اللعاب الوحيد لي ماركا بيات مل البدية نتاع القرن 21.
كاريار مع النوادي[edit | edit source]
مع الجينيور[edit | edit source]
كي كان ف عمرو ثمن سنين،لعب كريسيتانو رونالدو مع ليكيب نتاع أندورينها للهواة،وكان باباه هو مدرب الفريق.ف عام1995،سينيارونالدو كونترامع ليكيب نتاع ناسيونال ماديرا مالغري الفريق نتاع بورتو و بوافيستا كانو يحوسو يدوه بصح الوالد نتاعه رفض، لاقيباش كان مازال صغير باه يلعب ف ايكيب كيما بورتو. كامل ليزيكيب لي تعاملت معاه عجبتهم الموهبة نتاعو بارابور للعمر تاعو . وبعدما ربح تيتر راح يدير لي زيسي لمدة نتاع ثلث ايام في ليكيب نتاع سبورتينغ لشبونة البرتغالي، وبعدما ربح في الاختبارات سينياو معاه كونترا مقابل مبلغ مكشفوش عليه.
سبورتينغ لاشبونا[2][edit | edit source]
إنضم رونالدو ف لا ليست نتاع اللاعابين الشباب للتدريب في أكاديمية سبورتينغ ، وهي أكاديمية لكرة القدم، جاية في مدينة ألكوشيتي ، وهو اللعاب الوحيد لي لعب في كامل لي كاتيغوري نتاع نادي سبورتينغ (تحت 16، تحت 17، تحت 18، الفريق ب، الفريق الأول) كامل هذا فسيزون وحدة برك. ماركاأول أهدافه في الماتش الأول ليه مع الفريق الأول بالشومبيونا يوم 7 أكتوبر 2002 بعد ما سجل دوبلي . واللي ربح بها فريق سبروتينغ بـ3-0 على حساب نادي موريرنسي.
كي كان ف عمرو 15سنة قالولو عندك تسارع ف نبضات القلب، وهي حالة كادت تخليه يحبس كرة القدم. بصح بعد ما نجحت العملية الجراحية رجع يلعب كرة القدم نورمال. في نوفمبر 2002، عيطو ل رونالدو ف ساحة تدريب نادي أرسنال الإنجليزي ، لتلبية دعوة المدرب الفرنسي أرسين فينغر و ستاف تكنيك. فينغر، اللي كان يحوس يتعاقد مع لاعب خط وسط كان قد رتب رونديفو مع ممثلين عن رونالدو، وتمت مناقشة نقله في الأشهر االجاية بصح كان جاه اهتمام مدرب نادي مانشستر يونايتد السير أليكس فيرغسون في صيف 2003، عندما ربح نادي سبورتينغ ليكيب نتاع المان يونايتد 3-1 في مباراة افتتاح ملعبه خوسيه ألفالادي في لشبونة. بعد إعجاب لاعبي مانشستر يونايتد بأداء رونالدو، و حثو المدرب فيرغسون على التعاقد معه باش يخلف رحيل النجم الانجليزي ديفيد بيكهام لي راح لريال مدريد.
مانشستر يونايتد[edit | edit source]
2003–2006: مولاالنيميرو (7)[edit | edit source]
رجع رونالدو أول لعاب برتغالي يسينيي مع فريق نتاع مانشستر يونايتد كونترا نتاعو كانت بـ15 مليون يورو. كان باغي في البدية نيميرو 28 (النيميرو لي كانيلبسو مع نادي سبورتينغ لشبونة) مكانش باغي ضغوطات النيميرو "7" لي لبسو أفضل اللاعابين و المعروفين في النادي كيما جورج بست، براين روبسون، إريك كانتونا، و التالي كان ديفيد بيكهام، بصح النظرة نتاع لونترينار أليكس فيرغسون خلاتو يرفض باه يعطيه النيمرو 28 ، كان شايف فيه صورة نجم المستقبل واصر على إعطاؤه الرقم 7.
ماركا رونالدو أول بياتو مع فريق مانشستر يونايتد من بيناتي و كمل الماتش بفوز فريقو على بورتسموث 3-0 يوم 1 نوفمبر 2003.كمل رونالدو أول سيزون ليه مع مانشستر يونايتد بتسجيله هدف الفوز في نهائي كأس الإتحاد الإنجليزي في مرمى نادي ميلوال.
ربح رونالدو أول ألقابو الشخصية لي كانت أفضل لعاب شاب سنة 2005. دا كريستيانو لأول مرة في حياتو على كارتو روج في ماتش الديربي مع مانشستير سيتي ف 14 يناير 2006 وين خسرو بسكور نتاع 3-1. ربح رونالدو كأس رابطة الأندية الإنجليزية المحترفة وهي التيتر الزاوج ليه في لانجليز في موسم 2005–06.
2006–2009: أسطورة من أساطير مانشستر يونايتد[edit | edit source]
حطم رونالدو حاجز 20 هدف و ربح تيتر البريمرليغ اللول ليه مع مان يونايتد. في نوفمبر وديسمبر 2006، ربح رونالدو ثلث مرات على طريق لاعاب الشهر في الدوري الإنجليزي الممتاز لكرة القدم، وولا ثالث لاعاب في تاريخ الدوري الممتاز يدي الجائزة مرتين على طريق بعد دينيس بيركامب سنة 1997 وروبي فاولر سنة 1996. ماركا هدفو 50 مع نادي مانشستر يونايتد كونطر جارو مانشستر سيتي يوم 5 ماي 2007 واللي خلا اليونايتد يربح الشومبيونا.
بدارونالدو سيزون نتاع 2007–08 ببطاقة حمراء بعد ما ضرب لاعاب نتاع بورتسموث ريتشارد هيوز بدبزة واللي خلاتو يغيب ثلاث مباريات. وبعدضيك الضربة قاال رونالدو أنو تعلم بزاف ورا ديك التجربة . بعد ما سجل رونالدو هدف الماتش الوحيدكونطر فريقو السابق سبورتينغ، ماركا رونالدو فان هدف الفوز في الوقت بدل الضائع في ماتش الروتور.
ماركا رونالدو أول هاتريك ليه مع نادي مانشستر يونايتد كونطر نادي نيوكاسل يونايتد فسطاد نتاع أولد ترافورد في 12 يناير 2008، ووصل ليكيب نتاعو للمراتب الأولى ف البريمرليغ.
ف 11 يونيو 2009، قبل فريق نتاع مانشستر يونايتد بالعرض نتاع ريال مدريد بمبلغ 80 مليون جنيه استرليني لرونالدو بعدما باغي يروح مالفريق.
ريال مدريد رونالدو[edit | edit source]
2009–2010: البدية في الدوري الإسباني[edit | edit source]
لعب رونالدو أول مباراة ليه مع نادي ريال مدريد يوم 21 جويلية 2009، كونطر شامروك روفرز الأيرلندي واللي ربح بها بسكور نتاع 1-0. وسجل رونالدو أول بيت ليه بعد سمانةوحدة من بيناتي في ماتش خلاص بالفوز 4-2 في مدريد أمام نادي كويتو ليجا ديبورتيفا. يوم 29 أوت سجل رونالدو أول هدف في ماتش أوفيسيال كونطر فريق ديبورتيفو لاكورونيا . وبدا رونالدو الكاريار نتاعو اوروبيا بزوج بيات من زوج لي كوفرون . وحطم مع ريال مدريد في مباراته ضد فياريال في الدوري رقماً قياسياً ليصبح أول لاعب في تاريخ ريال مدريد يسجل 4 أهداف في أربع مبارياته الأولى.
2010–2011: سيزون نتاع الأرقام القياسية[edit | edit source]
مع رحيل راؤول أسطورة النادي إلى فريق شالكه الألماني ف صيف عام 2010، دا رونالدو نيميرو 7. يوم 23 أكتوبر 2010 سجل رونالدو سوبر هاتريك ضد فريق راسينغ سانتاندير وهي المرة لي يسجل فيهاربع بيات. 24 مارس 2012، وصل كريستيانو رونالدو إلى هدفه نيميرو 101 في الدوري الإسباني ف 92 ماتش ليه في الشومبيونا، ورا ما سجل دوبلي في مرمى ريال سوسيداد ليرفع رصيده في الموسم الحالي إلى 35 هدفاً، و رجع ثاني أسرع لعاب يسجل 100 هدف في تاريخ الدوري الإسباني خلف إيسيدرو لانغارا. في 13 ماي 2012، ماركا رونالدو كونطر فريق مايوركا هدف خلاه أول لعاب في تاريخ الدوري الإسباني يسجل في مرمى كامل الفرق في سيزون وحدة.
2013–2014: الكرة الذهبيةالزاوجة ودوري أبطال أوروبا وهدافو التاريخي[edit | edit source]
ربح كريستيانو رونالدو في 13 جانفي 2014 البالون دور للمرة الزاوجة ف تاريخو. في 16 أفريل 2014 ربح كريستيانو رونالدو مع فريقو ريال مدريد تيتر نتاع الكوبا دل راي للمرة الزاوجة ملي جا للريال، بعد مع ربح فريق نتاع برشلونة بسكور 2-1 . وفي 24 ماي 2014 ربح كريستيانو رونالدو مع ناديه ريال مدريد بلقب التشامبينز ليغ نسخة 2013-14 للمرة الزاوجة في تاريخو.
2014–2015: مكينة تهديفية خالية من البطولات[edit | edit source]
ف موسم نتاع 2014-15، رجع رونالدو أول لعاب يسجل 61 هدفا في كامل المسابقات، سجل 23 هاتريك في الليغا. وبعد ما ربح كأس العالم للأندية مع ريال مدريد في الماروك، ربح مرة وحدوخرة ب الكرة الفضية، كما حصل رونالدو على البالون دور الزاوجة.
2015–2016: هدّاف ريال مدريد التاريخي وبطل أوروبا مع النادي والمنتخب[edit | edit source]
في البدية نتاع الموسم السابع ليه مع الريال، موسم 2015-16، ولا رونالدو هداف التاريخي نتاع الريال، أولا في الدوري ثم في جميع المسابقات. وسجل هدفو الخامس في فوز فريقه 6-0 على إسبانيول في 12 سبتمبر، رفع رصيدو في الدوري الاسباني ليصل إلى 230 هدفا في 203 مباراة، فات الرقم القياسي للنجم السابق للنادي راؤول. .و رجع رونالدو هداف التشامبينز ليغ التاريخي.
2016–2017: 400 بيت مع ريال مدريد والثانية عشر[edit | edit source]
رجعت ريال مدريد أول ايكيب تربح زوج تشامبينز ليغ على طريق. ف لا فينال نتاع التشامبينز ليغ 2017، ماركا زوج بيات ف الربحة على اليوفي و ولا هداف البطولة للسيزون الخامسة على طريق. و ربح الريال التيتر الثاني عشر و لا لاديسيما.
2017–2018: الكرة الذهبية الخامسة[edit | edit source]
بدا يبريباري رونالدو فروحو باه يلعب ماتش نتاع لالي من كأس السوبر الإسباني 2017 كونطر الغريم الكطلوني برشلونة في الكامب نو ، وفالدقيقة 58 وعندما كان ريال مدريد متقدم بنتيجة 1–0 دخل رونالدو رومبلاسون لكريم بنزيما وبعد هدف التعادل لبرشلونة بثلاث دقائق، أنفجر رونالدو بكونطر اطاك و دريبلا لعاب برشلونة بيكيه و حط الكرة في الشباك عند الدقيقة 80 ، وبعد ذلك البيت بزوج دقايق طرد الحكم رونالدو و خلاص الماتش بفوز فريقه. وفي 7 ديسمبر ربح رونالدو جائزةالبالون دور للمرة الخامسة في حياتو .
كاريار تاعو دوليا[edit | edit source]
البدية نتاعو:[edit | edit source]
لعب رونالدو لأول مرة مع منتخب البرتغال كونطر منتخب كازاخستان واللي ربح فيهاالبرتغال (1-0).
يورو 2004:[edit | edit source]
سجل رونالدو هدفو الدولي الأول في مسيرتو ف المباراة الافتتاحية كونطر منتخب اليونان. وسجل مرة وحدوخرة في دومي فينال كونطر لاهولوند.
يورو 2008:[edit | edit source]
سجل رونالدو ثمانية أهداف في التصفيات المؤهلة ليورو 2008 وحل في المركز الثاني خلف اللاعب البولندي إوزيبيوس سمولاريك، بصح في البطولة ماركا هدف واحد برك في مرمى المنتخب التشيكي، خسر رونالدو والمنتخب البرتغالي كونطر المنتخب الألماني بـ(3-2) في الدور الربع النهائي .
يورو 2016:[edit | edit source]
وف لا فينال كونطر فرانسا تبليسا رونالدو في الدقيقة الثامنة من المباراة بعد التحام مع الفرنسي ديميتري باييت، خرج ف الدقيقة 24 بعد ما تأكد بلي ميقدرش يكمل الماتش ، بعدها راحت المباراة للبرونوغاسيو ماركا ايدير هدف الفوز للبرتغاليين. ربح رونالدو للمرة اللولة ف حياتو كوب دو روب بعد ما خسرها ف لا فينال نتاع 2002 كونطر اليونان