Wp/arq/فينيزية

لبندقية

تصاور نتاع فينيسيا

الايدارة

البلاد : طاليان

حكومه : لّحكومه تاع لّجمهوريه طاليانية

لمدينة : البندقية

لّكود پوستال : 30100

سكان

السّكان : 810 269 (2012)

كثافة تاعها : 649 سكان/كم²

الجوغرافييا

مساحة تاعها :415,94 كم²

(ألتيتيود) لعلا على لّبحر : 2 ملمينيمو 1م لماكسيمو 9م

لمواقع

لموقع تاع فينيسيا فلخريطة تاع طاليان

السيت تاعها : http://www.comune.venezia.it

بندقية ((بطاليانية Venezia) ڤَنَاتْزِيَا، ولا بلغة نتع لبندقيّة Venesia "ڤينيجيا"، (بلالمانية: Venedig) هي مدينة جايا في شمال شرقي نتع طاليان، مدينة سياحية مشهورة ،و تاني هي مدينة ساحلية جايا على لي بلاج تع لبحر الأدرياتيكي. هاذ لمدينة جايا على شكل مجموعة نتع لجزر اصغيرة لعدد نتاعها 118 وحدة مربوطة فيما بيناتها بالڤناطر . هاد المدينة يسموها تانيك فينيسا بسكو هيا جاية مقابلة لوحد البوحيرة يسموها البوحيرة الفينيسية هاد لمنطقة لي مقابلة لبوحيرة عندها هندسة معارية مشي كيما البلايص لوخرين و معروفة بالتراث ثقافي نتعها على هاديك لمونظمة نتع ليونسكو دارتها هي و البوحيرة مع لمناطق تراثية لمشهورة فالعالم كامل .

بندقية هي لعاصمة تع منطقة فينيتو ، في عام 2012 كان كاين فلمدينة 269 810 نسمة ، متقسمين على بزاف بلايص 58666 داخل مبنى تع سنتروستوريكو و 176 ألف يسكنو على لطراف تع نهر ترافرما ، اكثريتهم في فراشتي ميستري ومارغيرا ،ولي يبقاو 31000 نسمة يسكنو في جزر وحداخرة من هاذي البحيرة. كي يجمعو السكان نتع مبادوفا وتريفيزو ، يوصل سكان لعاصمة 000 600 1 نسمة.

تبنات بعد وقت قصير من عام 528 ، وبقات عاصمةلحداعش قرن (697-1797) من جمهورية البندقية. فلفترة تع لعصور لوسطى وفلعصر نتع نهضة ، كانت هاذ لمدينة صانعة قوة بحرية بزااف كبيرة ،و في أصل لحملة صليبية الرابعة وانتصرت خلال لمعركة نتع ليبانتو في عام 1571 ضد الإمبراطورية لعثمانية. بفضل لعلاقات نتعها مع آسيا و الشرق الأدنى ، لي بداها تاجر ولمستكشف ماركوبولو ، ولات هاد لمدينة من بين اهم لبلايص تجارية في أوروبا ، وخاصةً فتجارة نتع لحرير و لحبوب و توابل. و فتالي هاد لمدينة تشكل مركز ثقافي رئيسي ، من لقرن اثلطاعش حتى لنهاية تع لقرن اسبعطاعش،بحيث انو ارسامين تع لمدرسة لفينيسية (لي من بينهم تيتيان وفيروني وتينتوريتو) وكارلو غولوني وأنطونيو فيفالدي هوما لممثلين ارئيسيين نتعها .

الاسم نتعها جابوه من الاسم نتع ناس اللي سكنو فالمنطقة هذي قبل القرن لعاشر وهوما الفنتيين ، يسموهم فنتيي بلاتينية ، و يعيطولها مين داك "لمدينة نتع لكلاب" و "سيرينيسيما" و "لملكة نتع لبحر لأدرياتيكي" و "لمدينة نتع لما " و "لمدينة نتع لي ماسك " و "لمدينة نتع لڤناطر" ولا "لمدينة لعايمة". دوكا هاد لمدينة ولات مشهورة بالسوالڤي نتاوعها - لي من بيتها الساڤية لكبيرة - وجندولها و لكنائس نتاوعها لقاوية وساحة نتع لقديس مارك و لقصر نتع ادوج و لجسر نتع اتنهدات و لبينالي و لكرنفال نتعها .

تاريخ لمدينة

سكالا كونتاريني ديل بوفولو (لبندقية)

لسرار نتع لهيمنة لاقتصادية لمدينة لبندقية فطاليان فلعصور لوسطانية هوما لعزلة نتعها بحيث انو جاية فبلاصة وحدها داير بيها لما من كل مكان على هادي لعديان نتوعها ماكانوش يقدرو يوصلو ليها ، و من جيهة وحداخرة هاداك لبحر لي داير بيها كان بزاف نافعها بحيث انو مصدر تع لعيش للسكان نتعها و يشكل ثروة بحرية وهاد شي كامل عاونها باه تستمر فنمو لمدة طويلة كثر من ألف عام . هاد لبلاصة لي جاية فالجيهة شمالية لغربية للبحر الادرياتيكي من بكري كانت مسكونة من بزاف ناس لي من بينهم صياديين و لبحارة و للي يخدمو فلملح و تجارة نتاعو ، كانت تتميز بلكثرة نتع لويدان لي هابطة ملجبال نتع الألب و كانت تابعة لوحد لمنطقة يسموها لمنطقة X الي بناها أوغست ، منبعد سماوها " فينيتيا "بعد اسم " فنتي " ، وهو شعب طالياني قديم تابع للجمهورية رومانية من القرن الثاني قبل لميلاد. لمسيح عيسى عليه سلام كانت أكويليا - فلبر رئيسي -تمثل مركز ديني بزاف مهم بنسبة ليهم .مدينة لببندقية تبنات فتالي تع لقرن سطاعش ولي بناوها هوما اسكان تع لبلايص ليقراب ليها.

جغرافيا

لخريطة نتع لبلدية نتع لبندقية داخل مدينةلبندقية.

لفينيسيا عندها بلاصة متميزة و بزاف شابة فلخليج نتع لبحر لادرياتيكي ، سكان لوالا نتعها ولي يسموهم لي فينيسيا تعبو باش بناو بناو هاد لمدينة ، فلول جابو رزمات كبار من شجر نتع لبلوط و شجر نتع سنديان غرقوهم فلما و فتراب لي كيما رملة ، مور هاد شي بداو فلبنيان نتع ديار و لقصور نتعهم و من هاداك لوقت و هوما يسوفريو مع لمد و لجزر لي يديرلهم بزاف مشاكل .

لخليج تع فينيسيا فيه بزاف جزر و لجزر لاساسية لي فيه هي : ليدو ، مورانو ، بورانو ، تورسيلو وبلا مننساو : سان ميشيل (جزيرة المقبرة في المدينة) ، سان إراسمو ، مازوربو ، فيجنولا ، سيرتوزا ، سان فرانسيسكو ديل ديسيرتو ، سان جياكومو في بالودو ، سان سيرفولو ، سان لازارو ديجلي أرميني .

لمساحة تع لبندقية توصل حتى 415 كيلومتر مربع ، مي كثر من نص هاد لمساحة نتعها معمرة غير بلما (253 كيلومتر مربع ) ،و مساحة لخليج تع لبندقية هي 550 كيلومتر مربع .

لمدينة

مدينة لبندقية معروفة بسواڤي نتعها لي معمرة لمدينة و عددها 177 ساڤية(لكبيرة و لمعروفة فيهم هي ساڤية لكبيرة)، و كاين 455 ڤانطرة (هلد لڤناطرة خادمينهم باه ينفتحو و يخلو لبوابر و لفلوكات). كاين 123 كنيسة في فينيسيا متوزعين على 118 جزيرة لي متشكلة منهم لمدينة لي جاين بين مصب تع واد "أديجي" لي جاي فلجنوب و واد "بيافي" فشمال.

لمدينة مقسمة على ستة كارطيات قديمة و يسموها لي سيستيري و هي : سان ماركو ، كاستيلو وكوناريجيو ملجيهة ليسرا تع ساڤية لكبيرة وسانتا كروس ، سان بولو ودورسودور فلجيهة زاوجة.

• لكارطي لول هو سان ماركو والكنيسة لي مسميينها عليه جايين فقلب لمدينة.
• لجيهة لجنوبية سرقية في فينيسا هي كارطي كاستيلو اسمو جاي من وحد لقلعة اسطورية كانت فهاديك لبلاصة بكري،و كاين لي يڤول مسميينو على وحد لقبيلة قديمة كانت تما يسموها لقبيلة بطريركية.
• لكارطي تع كوناريجيو كبير بزاف بحيث جاية من ريالتة حتى لاڤار تع ترا،واسمو جايبينو مسواڤي لمستقيمة لي فايتا فيه .
• ملجيهة لوخرة كاين سانتا كروس وسان بولو لي سماوهم على زوج كنايس جايين فيهم .

لكليما

لكليما نتع لبندقية جاي كيما لكليما فسهل بو ، و هو من نوع لقاري يتسما صيف سخون و فيه لميديتي و شنا بارد بزاف سيرتو في يناير و فبراير وين يقوا لجليد و ضباب ، و شتا دايم طيح حتى فصيف مينداك و فلخريف يقوا ريح و لعواصف .لحشيش فسهل نتاع بو يتناسب مع بلمستوى فشبه لمتوسطي ،مي لمناخ نتع لبندقية مينذاك ميتناسبش مع لكليما نتع لبحر لمتوسط .

طرونسبور

لموقع نتع لبندقية في وسط سواڤي لي معمرين لمدينة خلا ناس يديبلاصيو كل يوم و يدو سلعة فلما بلفلوكات ، لبندقية مكلاسية دوزيام كأكبر مدينة معمرة بسكان ة خالية مطونوبيلات و لمرتبة لةلة داتها فاس فلمروك ، مي تبقى لمدينة في لقرن لواحد ولعشرين كأكبر جزيرة في لعالم خالية منطونوبيلات و كاميوات، ملڤري تطور لكبير لي فيها.

طريقة تقليدية لتنقل لفردي فلبندقية هو لجندول ، مي ميستعملوهش بزاف غير سياح و لي زوكازيو سبيصيال (كيما لحغبلات و لعراس ولا لجنازات ) بسكو غالية بزاف و بقا منها عدد قليل 425 وحدة

سكان نتع لبندقية يتنققلو بزاف مع وحد لي بيس نتع لما و يسموهم لفابورتي و يسوڤها لاكتيفي.

لقتصاد

لبور نتع فينيسيا

من بكري لبندقية معروفة بمدينة لتجار و كامل و لمؤسسات نتعها مكتوبة للمصاحة نتعهم ، تجارة عونت لبندقية بزاف و هي سر نتع لقوة نتعها و هي مرتابطة بلبحر، و مور ما طاح لقرن تسعطاعش لمدينة طورت كثر فلقرن لعشرين و هاذا بلقضل نتاع سياحة لي ولات تشكل دور بزاف مهم و دخل حتى 1.5 مليار يورو فلعام .

لقطاع لمهم فلاقتصاد تع لبندقية هو لخدمات ( لي من بينها سياحة و طرونسبور و دراهم ولعقارات): 44 ٪ مشركات و 40 ٪ من لي بوست دو تخفاي . لقطاع الثاني هو تجارة (28 ٪ مشركات و 20 ٪ ملي بوست دو تخفاي ) ، متابعة شركات نتع لبنيان (14 ٪ مشركات و 10 ٪ ملي بوست دو تخفاي). فلعوام توالا هاذا نشاط بدا يهبط (على حساب لي غوشاغش لي داروهم فعام 2001) .

فيعام 2007 ، لبندقية استقبلت21 مليون سائح.، لسياحة فلبندقية عندها دور كبير بزاف بحيث انها تدخل قريب 1.5 مليار يورو فلعام . لكن لمشكل دراهم هادو تنقص قيمتهم بسكو تبداللا دراهم يكون فسوق سودا ،لبور نتع لبندقية هو واحد من اكبر لموانئ فطاليان و كل عام تفوت فيه فايت 30 مليون طن نتع سلعة .كاين بور وحداخر و هو لبور سبيسيال لي فواياج نتع لبحر وهو من اكبر لموانئ فلوروب و فلبلاصة نتع لبحر لبيض لمتوسط ،و في عام 2014 وصل لعدد نتع لمسافرين فيه 1700000 مسافر.

لموستقبل نتع لبندقية

فينيسيا تحت فيضانات "اكوا ألتا"

لبنيان نتع لبندقية مبني فوڤ لواح نتع لخشب و هاد شي خلاهم يتعرضو لريسك نتع لمد ولجزر سيغتو بين لخريف و ديبي نتع ربيع.، خطرة على خطرة لمدينة تتعمر كامل بلما و هاذ شي يسموه لغاشي نتع لبندقية أكواألتا، و سبب نتع هاذي ضاهرة هوما بزاف عوامل يتلقاو مع بعض كيما : لجذب نتع لقمر ، وخاصة ريح ، و ريح ساخن لي يجي من أفريقيا و ميخليش لبحيرة تتفرغ ، ولمد ولجزر لي يجو واحد مور واحد .

هاد لبروبلام كان كاين من بكري مي دوكا زاد كثر على جال بزاف صوالح لي عندها علاقة بلموناخ و لخدمة نتع سكان:

• لارتفاع نتع لما نتع لبحر
• لهبوط نتع تراب: بسكو حفرو بزاف بيار فلقرن لعشرين باه يجبدو لما ، و هلذ شي خلا لارض مشي مستقرة .
• ليمشاكل فلهيدروغرافيا: فلعملية نتع تجديد نتع لبور باه يصنعو طريڤ للبوابر لكبالر مي هاد لبوابر كي يفوتو كل خطرة ولاو يشكلو ريسك على لبندقية وهاد شي صرحت بيه لمونضمة نتع ليونسكو ، و لبروبلام زاوج هو تعديل نظام لإيكولوجي ، و نقص تنوع لبيولوجي فلبحر.
• مسقوط نتع لجمهورية فعام 1797 ، هاذ لعادة نتع لفينيسيين (فلواقع هو لتزام تفرضو لمحكمة نتع لما لي مازالت كاينة كمؤسسة مسؤولة علا لموراقبة نتع كامل لأمور لمتعلقة بلما) نتع تنظيف لقنوات و تفكيكهم و تفريغهم ولات قليلة و هاذ شي خلا لعمق نتاعهم قل ملمركز تاريخي. في لعوام توالا لبلدية نتع لبندقية دارت تنظيف جديد ، و هاذ شي خلا لما يعاود يهبط فشي كارطيات ، لي رجعت لطبيعة نتعها لعادية و رجعت لقدرة نتاعها و هاذ شي خلا لما ينتشر خير مقبل .