Wp/arq/فضيلة دزيرية

بيوغرافيا

ملي كانت صغيرا و هيا تغني و تقلد الشيخة الكبيرة يمنة بنت الحاج مهدي من بعد ولات تقلد انغام مغنية و تاني عجبتها مريم فقاش لي عاونتها باش يديرو أوركستراها( فرقة موسيقية).

في الثلاثينات , عرضها في امسيات رمضان بالعربية و القبايل في قهوا تاع سبور , و كتاشفوها في برنامج في راديو دزاير لمحمد الحبيب حشلاف وجلالي حداد "من كل فن الشوية.

بعد زواجها في لاج صغير لي مدامش صابت روحا في باري في 1935 تغني ف' بلايس لي فيهم ناس بزاف في شمال افريقيا و سيرتو في كباري تاع دزاير تغني غنا موداغن و تتلاقا بعبد الحميد عبابسة لي يعلمها بزاف الحان شعبية في داك الوقت

كي رجعت لدار, دارت حفلات تاع عرس و سهرات تاع رمضان في قهوة تاع سبور في كارتي بروس في القصبة من عند ادارة الحاج محفوظ 2 و دات فرقة تاع مسرح و طبقت نصيحة تاع المدير تاعها و تاثرت بمصطفى اسكندراني ومصطفى كشكول, كملت فاضيلة دزيرية و عتامدت على اسلوب دزيري ; و دمجت مجموعة مريم فقاش لي حركت حفلات دزيرية

و في تسجيل تاعها لول , دات غنية عربية اندلوسية معروفة " رشك القاد" , بصح رجعتها الحقانية جات مع تسجيل لول تاع الاسطوانة في 1949 على باسيفيك " حبيبي مالو" لي حقت سوكسي كبير فل كومارس,

عاونها محي الدين باشتارزي في حفلا موسيقية تاعها و تاني كممثلة . هذا لي خلاها تخدم مع الفنانين كيما كلثوم ورشيد قسنطيني ومحمد توري

خلات المجالس و رجعت للغنا و حقت زوج نجاحات كبار "إنا طويري" و "هنا كانو".

في عام 1954 صابوها في اوبيرا تاع باري ’ دارت حفلا لنظموها لضحايا أورليانزفيل 2. في لعام التالي شاركت في برنامج كلاسيكي في تيليفيزيو جزايري

و ممنعتهاش الحياة الفنية تاعها فل مشاركة معا خوها قوقم في الحرب التحرير الوطني و قدبوها و هي محبوسة فل حبس تاع بربروسا.

كي راحت دارت فرقة موسيقية خاصة مع ختها جوسيم على الديربوكا رينيت لورانيز على الكمان وابنت ختها آسيا على البيانو والأورغن.

بعد لستقلال تاعها رجعت فضيلة دزيرية تشارك في راديو و تلفيزيو.

نشاهرت فضيلة دزيرية بمطربة دزيرية و ماتت في دارها في دزاير في 06 اكتوبر 1970 و دفنوها في مقبرا تاع القطار 2

غناها لمشهور

• مال حبيبي مالو
• اينا طويري
• مرحبا كانو

بيبيوغرافيا

• ديكسيونارالموسيقيين و الفنانين الدزيريين إد. أناب ، دزاير 1997

مراجع

1. بوزيان بن عاشور ، أشكال الأرض ، دار الغرب ، 2003 ، 232 ص ، ص.

2. "فضيلة دزيرية - فضيلة دزيرية" [أرشيف] ، على www.hibamusic.com (تم الاطلاع في 30 اوت / آب 2017)